30 Martxoa 2015

Tati Garmendiak gaur goizean ohorezko mailako taldearen lekukoa eman dio Montse Puche entrenatzaileri. Komunikabideen aurrean egindako aurkezpenean, hiru partidako transizioa burutu duen Garmendiak “eskertu” dio Pucheri “azken aste hauetan bere denbora eta egindako lana”. “Une zailak izan dira niretzako baina bere ondoan babestuta sentitu naiz” adierazi du arduradunak. Bera Berak martxoari ondo ekin dio, Alcobendasen eta Zarautzen Canyamelar Valenciaren aurka bajak izan arren oso garaipen onak eskuratuz. Rocasarekiko bi puntukoa eta Guardesekiko, hiru puntuko aldea izanda, Montse Puchek beregain hartu du “ardura, zailtasun handikoa etxetik kanpo oso partida estuak izango ditugulako (laugarren, hirugarren eta bigarren sailkatuen aurka)”. Halere, “talderik onena gara eta hori pribilegioa da, gainera gure esku dago”. “Ilusioa, lana eta esfortzuarekin partida horiek ateratzea espero du” gaineratu du. Valentzian bizi den 44 urteko madrildarra, hamar liga, sei Kopa eta Europako kopa bat irabazi du Puchek, 196 aldiz internazioanala izan dena eta bi Joku Olinpikoetan aritu dena. “Bere palmaresak guztia esaten du” azpimarratu du Garmendiak, “egia da ez duela esperientziarik entrenatzen baina bai taldeak kudeatzen eta ligak eta kopak irabaztera zuzentzen. Ez dugu zalantzarik lan ona egingo duela, kemenaz arituko dena eta asmatu dugula”. Montse Puche azpimarratu du “ilusio handia” duela eta Castelldefelsen aurkako partidara etorri zenean “neure buruari esan nion hau da nik egin nahi duda, jokalari gisa ikasitako erakutsi, alegia”. Taldean aldatuko duenaz galdeturik, Puchek adierazi du “orain ezin dira gauza asko aldatu”. Horregatik, “orain arte egindako indartu egin behar dugu, defentsan kalitate handia da baina erasoan hobetzeko aukera asko dago, kontraerasoara igotzeko garaian jokalarien kalitateak aprobetxatu behar dugulako”. Plantillan izan duen harreraz–Alcobendasen eta Zarautzen izan zen Puche- “esker onez” erantzun du eta “gogo handiak antzeman dut”. “Langile, kemenez eta kalitatez” ikusten du taldea baina “hobetzeko aukerekin. Landu nahi dut baina partidaz partida goaz” gaineratu du. Denboraldi amaiera arte sinatu du hitzarmena baina bi aldeek jarraipena eman nahi diote proiektuari. Puchek Tati Garmendia izango du gertu –biak Elxera joango dira- eta bere lanak uzten dionen Bera Berako jokalari ohi Eider Rubiok ere entrenaldietan lagunduko dio.

29 Martxoa 2015

Bera Bera Eskubaloiak Canyamelar Valencia gainditu du Zarauzko Aritzbatalde kiroldegian ospaturiko partidan (29-19), ondorioz, apirilera lider iritsiko da Rocasarekiko bi puntuko aldea lortuz eta hiru Mecalia Guardésekiko.
Zarautzen jokatu du Bera Berak ZKEk sortu zeneko 50. urteurrena dela eta. Aritzbatalden jendetza elkartu da donostiarrak animatuz, baja ugarei aurre egin behar izan duten egunean. Múgica eta Zugarrondoz gain, Ana Martínezk ezin izan du bizkarrean duen mina gainditu, Amaia Azanzak txorkatila bihurritu zuen bezperaz eta Elorza aulkian egon da baina ez pista sudurra babeste aldera. Hortaz, azken orduan, Tati Garmendiak Maialen Husillos deitu du, 18 urteko jokalaria.
Partida hasiera erabakiorra izan da. Núñez eta Menéndez erdian, Pinedo eta Arrojeria ondoan eta Etxeberria eta Ziarsolo hegaletan, Bera Bera sendo ezarri da defentsan eta gainera Tempranok asko lagundu du. 3. Minutuan Patri Alonsori penaltia gelditu dio eta Bera Berak ez zuen zalantzarik egiten korrika egiteko, batez ere Ziarsoloren bidez.
Donostiarrak 7-3 aurreratu dira. Susana Parejak partida gelditu du eta Menéndez bi minutu kanporatu dutenez Canyamelarrek ondo aprobetxatu dute, gainera Etxeberriak eta Pinedok kontraerasoak huts egin dituzte. Halere, etxeko jokalari Menéndezek moztu du bolada txarra eta Bera Bera atsedenaldira aurretik iritsi da: 14-8.
Baja ugari zirela eta, Pinedo eta Ziarsolo ia partida osoa jokatu dute, aurrenekoa lehenengo lerroan. Menéndez eta Arrojeriak ere zama handia jasan izan dute, Núñez eta Etxeberria bezala baina hauek Ederra eta Ezkurdiaren laguntza izan dute.
Bigarren zatian, Bera Berak berdin jarraitu du. Hasierako minutuetan baloiak galdu dira alde batean zein bestean baina kontraerasoak gauzatzen jarraitu dute gipuzkoarrek, Ezkurdiak ondo baino hobeto aprobetxatu ditu baloi luzeak. Gaur ere Montse Puche lagun aulkian, Tati Garmendiak Maialen Husillos sartu du ohorezko mailan debuta eginez.
Fitxa: Bera Bera 29, Canyamelar Valencia 19
Bera Bera 29 (14+15): Temprano, Etxeberria, Menéndez (3), Núñez (5), Pinedo (6), Arrojeria (3) eta Ziarsolo (8) –titular- Ederra (1), Ezkurdia (3), Arizaga eta Husillos. Deialdian: Elorza eta Udane Rodríguez (o.a.).
Canyamelar Valencia 19 (8+11): Aguas, Bravo (2), P. Descalzo (2), Segura (5), Esterri, Alonso (3) eta Payá (5) –titular- E. Descalzo (1), Cañavera, Amo, Herreros (1) eta Gutiérrez (o.a.)
Epaileak: Javier Gutiérrez –kantabriarra- eta Sergio Elordui –euskalduna-. Kanporatuak: Menéndez (2), Núñez, Arrojeria, Ederra eta Arizaga Bera Beratik eta Amo eta Herreros Canyamelar Valenciatik.
Partzialak: 3-2, 6-3, 7-5, 10-6, 12-6, 14-8 –atsedenaldia- 15-9, 17-12, 20-12, 21-14, 25-16 eta 29-19

27 Martxoa 2015

Bi etenaldien artean –hurrengoa Aste Santua dela eta- ligako 19. jardunaldia jokoan izango da eta nobedadea da Bidebietatik at hartuko duela Bera Berak Canyamelar Valencia taldea (Javier Gutiérrez –kantabriarra- eta Sergio Elordui –euskalduna-), hortaz, bihar (19,30etan) Zarauzko Aritzbatalde izango da donostiarren etxea, ZKEk betetzen duen 50. Urteurrenaren baitan.
Azkenean Maite Zugarrondo ez da deialdian izango eskuin sorbaldako errehabilitazioarekin jarraitzen duelako. Ondorioz, Alcobendasen bezala, Udane Rodríguez izango da bigarren atezaina. Bestalde, zerrendan izango da Uxue Ezkurdia hegalekoa.
Ligan Bera Bera estu hartu zuen lehenengo taldea izango dute aurrean gipuzkoarrek. Izan ere, donostiarrek Valentzian partida irauli egin zuten, azken jokaldian erabaki zena, Pinedoren hegaletik sartutako golari esker. Horregatik, barneratuta dago Canyamelar Valencia taldeak lanak emango dituela eta defentsan nahiz erasoan estutuko dute Bera Bera. Horrez gain, Aritzbatalden aritzeak zalantzak sortu ditzake baina zaletuek asko bultzatuko dutela ez dago zalantzarik.
Etxetik kanpo bederatzi partida jokaturik, Canyalmelar Valencia taldeak hiru irabazi ditu: Granollers, Málaga eta Alcobendasen eta Leonen berdidu zuen. Bataz beste 28 gol baino gehiago jaso ditu eta 25,6 sartu. Bestetik, Bera Berak Bidebietan 26 gol baino zertxobait gehiago daramazki eta 20 baino gutxiago jaso.

Gipuzkoan geldituko da Montse Puche

Tati Garmendiarentzat pistatik taldea zuzenduko duen azken partida izango da biharko. Alcobendasen bezala, Montse Puche izango du lagun –Canyamelar Valencia taldeko entrenatzaile Susana Parejaren taldekidea izan zen-. Bera Berako entrenatzaile berria larunbatean iritsiko da Donostiara eta bertan geldituko da, hau da, datorren astelehenean Bidebietan aurreneko entrenaldia zuzenduko du eta taldeko ardura hartuko du.

26 Martxoa 2015

Bera Berako harrobi taldeak sei partida jokatuko ditu asteburu honetan. Lurralde mailako kadete taldeak irekiko du larunbatean Gastezien, Lakua kiroldegian 10,30etan, Carpintería Bascongadas taldearen aurka. 11etan Eibarren, infantil nesken txanda, Ipuruako kiroldegian, Eibar B taldearen aurrean. Bidebietan 12etan, infantil mutilek Bidasoa C hartuko dute eta 18etan, Bidebietan bertan, senior taldeak Oñatiko Aloña Mendi izango du aurkari. Igandean 9,30etan, lurralde mailako kadete taldeak bertan behera gelditu zen partida Yoldin jokatuko du Urretxu eta Zumarragako Urola Acer taldearen aurka. Eta asteburua itxiko du infantil neska taldeak, Errenteriako Beraun pilotalekuan arituko dena Ereintzaren aurka igandean 10,30etan.