Bera Beraren janzkera berriaren aurkezpenean, Aitor Etxaburu entrenatzailea komunikabideen esanetara egon da gaur goizean batez ere Superkoparen inguruko galderak erantzuten, datorren larunbatean (12,30etan, Teledeporte) Bera Berak eta Rocasak Guadalajarako Multiusos izeneko kiroldegian jokatuko dutena.
Bihar Etxaburuk zuzentzen duen taldeak bostgarren astea beteko du. “Oraindik ez gaude nahi genuen lekuean baina bagenekien hemen egongo ginela, horregatik ez gaude urdurik” adierazi du Bera Berako entrenatzaile berriak. Etxaburuk dio “lanarekin hobetzeko aukera dugu. Gure indarguneak esfortzua eta defentsan egiten den sakrifizioak dira, partidak arlo horretan irabazi behar ditugulako eta gero joku azkarra eta kontraerasoa aprobetxatu”. Halere, uste du “pixkanaka pixkanaka gure joku modua definitzen joango gara baina jokalarien ezaugarriei erreparatuz, nire ustez eskubaloi zuzena egingo dugu, hutsuneak sortu behar duena, bertikaltasun bilatuz”.
Horregatik eta hiru jokalari berri etorri direlako Azanza, Múgica eta Zugarrondo, Hondarribian bizi den entrenatzaileak ez du “faborito garbirik ikusten larunbatean, norbait esatekotan, nire ustez beraiek abantail txiki bat dutela”. Etxaburuk iritziari argudioak jarri dizkio. “Rocasak ia ez du aldaketarik izan, urte dexente daramate elkarrekin jokatzen, entrenatzaileak bezala, joku era oso nabaria da eta aurredenboraldian fisikoki taldea landu eta partidekin errendimendua bilatu dute”.
“Nire ustez, taktikoki atzean gaude –jarraitzen du- baina fisikoki paretsu eta gogo-aldartea, bikaina dugu”.
Etxaburuk dio denboraldi hasiera guztiak “konplikatuak dira, ez dakizulako oso ondo taldeak nola erantzungo duen, aurredenboraldiko lagunartekoetan ez dago lehiaketak eragiten duen estresa”. Horregatik, dio “lehenengo partida oso konplikatua eta zaila izango da, baina ere berean ilusioz beterik gaude titulo baten aurrean gaudelako”.
Aurkariaren ezaugarrien inguruko iritzia eskatu diotenean, Rocasa aztertu duela agerian utzi du Etxaburuk. “Oso talde ausarta da, defentsan aukera ezberdinak lantzen dituelako eta ez du zalantzarik egiten, ondorioz, sistema bakoitzari erantzun pare bat prestatu behar ditugu”. “Defentsan 6-0 itxia edo 4-2 egin dezake, edo 3-2-1 aldatu edo 5-1 edo alboko jokalariari mista bat egin, hau da, oso talde landua da” adierazi du. “Horrez gain, kontraerasorako sistematika ezberdinak ditu eta eraso posizionala buruz jokatzen du” amaitu du.
“Aurkariari errespetuaz” izatez gain, Bera Berak “ilusioa” du eta “gure indarguneak ustiatu nahi ditugu”.
Taldea gaur arratsaldean entrenatuko da eta bihar goizean Bidebietan. Etxaburuk 16 jokalari eramango ditu Guadalajara, David autobusak arratsaldeko 3etan irtengo delarik.
Bera Berako kapitainek Gaudalajarako Superkopa ere izango dute gaur hizpide (larunbata, 12,30etan). Aurrendenboraldian esker txarreko bost asteko lana bete ostean, Matxalen Ziarsolok eta Eli Pinedok lehiatzeko gogokin daudela onartu dute. “Oraindik ez daukagu joku sentsazioak baina aurredenboraldi osoa igaro dugu Superkopako partidan zain” komentatu dute.
Matxalen Ziarsoloren esanetan “oso partida estua” izango da. Eli Pinedo ados dago, “oso zaila, beraien aurka jokatzen dugunean badakigu partida bera ezagurrien ondora eramaten duen taldeak irabazioko duela”. Bere ustez, Rocasa “Ligako erasorik onena du eta, guk defentsa onenetariko bat”.
Ziarsoloren ustez “gora behera handiko partida izango da, paretsu egongo gara, ez da alde handirik egongo” donostiarrek eta kanariarren azken partidak bezala.
Iazko denboraldiarekin dauden aldea galdeturik,, Ziarsolok esan du “lehenengo lerrorako behar genitiuen jokalariak etorri dira” eta, bestetik, Pinedo adierazi du Etxabururekin “betiko filosofiarekin jarraitzen dugu eta gaizki egiten ditugun gauzak zuzendu nahi ditu; bere eskarmentua ondo etorriko zaigu”.
Bera Bera Eskubaloia transformazioa bizitzen ari dela nabarian gelditzen da Ziarsolo eta Pinedo ezik, taldean denboraldi gehien eman dituzten jokalariak Alba Menéndez (azaroan 23 urte) eta Nagore Arizaga (22 urte) izanik, zarauztarrak seigarrena beteko du aurten eta andoaindarrak, bostgarrena.
Beste adierazlea da Adriana Castro eta Nitsan Dunay jokalarien bajak izanda, Bera Bera atzerritar gabe geldituko dela, azkeneko 24 urtetan birritan baino eman dena. Bera Bera klubak taldea beregain hartu zuenean, hau da 1998-99 denboraldian, eta hurrengoan.
Garako kazetari Juan Carlos Elorzak bildutako datuen arabera 47 jokalari atzerritar dira Bidebietan aritu direnak 1990-91 denboraldiaz geroztik.
Azkeneko urtetan gertatutakoa aipagarria da, izan ere, taldeak 2010-11 denboraldian zortzi bazituen ere, hurrengoan sei izan ziren, aurreneko Liga eskuratu zuen 12-13 denboraldian, hiru eta iaz, bi.
Ciudad de San Sebastián Katamaranean egin du gaur goizean Bera Bera Eskubaloiko plantillak 2014-15 denboraldirako aurkezpena. Lehen Bidebieta gisa eta duela 16 urtez geroztik Bera Beraren baitan, Donostiak biziko du aurten 25 urte jarraian eskubaloi gorenean, izan ere, 1990. urtean ohorezko mailara igo zen eta 90-91 denboraldian egin zuen debuta.
Katamaraneko goiko aldera 21 jokalari eta talde teknikoa igo dira. Multzoka igo direlarik, aurreneko taldearekin aurredenboraldia osatu dutenak ere igo dira: Eider Lizarbe, Lur Errekondo, Olatz Ramon, Udane Rodríguez, María Akuña eta Andrea Zaldua, azken hau oraindik Aiala Zarautzeko jokalaria.
Ondoren hiru fitxaketak aurkeztu dituzte: Amaia Azanza eta Maialen Múgica alboko jokalariak eta Maite Zugarrondo atezaina. Eta gainontzeko plantilla, 21 osatu arte. Azkenik, talde teknikoa ere aurkeztu da, Iker Fernández prestatzaile fisikoa salbu, guztiak berriak: Nerea Uranga fisioterapeuta; Garikoitz Garagarza, bigarren entrenatzaile eta lehenengo entrenatzaile Aitor Etxaburu.
Agerraldietan, klubeko presidente Fernando Diez Mintegiren ustez “emakumezkoen eskubaloia eta emakumezkoen kirola indartu behar direla” eta era berean, azpimarratu du “oso berri ona dela taldea bizi ari den aldaketa, harrobi eta inguruko jokalariei aukerak emanez eta gazteei ere bai”. Azkenik, “instituzioen babesa eskertu” du eta enpresei eskatu die oso aukera ona dutela “talde honek zabaltzen dituen baloreekin bat egiteko”.
Bestetik, Aitor Etxaburu entrenatzaileak txantxetxan adierazi du “hirugarren urte jarraian triplete delakoa lortuz gero, hiru entrenatzaile ezberdinekin, plaza bati gure izena jartzeko modukoa izango litzateke”. Halere, erronka zaila bada ere, “borrokan egongo gara” aitortu du. Horrez gain, eskertu dio “Bera Berari emandako konfidantza”, zoriondu du taldea 25 urte beteko duelako maila gorenean eta “pozik” agertu da “plantillarekin eta lantaldearekin”.
Klubean 14. denboraldia beteko duen Matxalen Ziarsolo kapitainak adierazi du “gogokin gaude, lehen baino gehiago akaso” eta azpimarratu du “aurten, Europan, EHFk aukera gehiago emango dizkigu ahalik eta urrutiena iristeko”.
Instituzioak ere aurkezpenean izan dira. Alde batetik, Gipuzkoako foru Aldunditik, Kiroletako zuzendari nagusi Asier Sarriegi eta Kultura, Gazteria eta Kiroletako foru diputatu ikerne Badiola. “Foru Aldundia Bera Beraren ondoan eta emakumezkoen kirola babesten jarraituko du” azpimarratu du Badiolak, “babesle gisa enpresen inplikazioa” eskatu duena.
Donostiako udalak ere ordezkariak izan ditu. Kiroletako zinegotzi Josu Ruiz eta Juan Karlos Izagirre alkateak. “Harro gaude hirian horrelako talde batekin eta hiriari egiten dioduzen zabalkundea” azpimarratu du Izagirrek eta adierazi “maite zaituztegu irabazten duzuenean baina ez baduzue irabazten baita er”.
Ciudad de San Sebastianeko patroi Gonzalo Etxeberriari esker, badiara atera du katamarana buelta zoragarria emateko bildutakoen gozamenerako.
Mios Biganos Beglesen autobuseetako batek, bide erdian, izandako zulatuak galerazi dio Frantziako taldeari Donostiara iristea eta Bera Beraren aurka jokatzea Egiako txapelketan. Saiatu arren, Miosek ezin izan zuen arazoa konpondu eta antolatzaileek lagunartekoa bertan behera uztea erabaki du.
Norgehiagoka ezean, prestakuntzarekin jarraitzeko eta Egiara etorri den zalegoa kontutan hartuta, Etxaburuk 20 minutuko bi partida antolatu ditu, 15 jokalariekin, guztiak Maitane Etxeberria izan ezik, atsedena hartu duena badaezpada.
Zati bakoitzean talde ezberdinak osatu dira, Garikoitz Garagarza epaile zegoela, Etxaburuk egoera bereziak prestatu dituelarik. Intentsiatez aritu dira jokalariak eta zalegoak gol ikusgarriak ikusteko aukera izan ditu.
Taldea ofizialki astelehenean aurkeztuko da, irailak 1 (11etan), Ciudad de San Sebastián Katamaranean. Horren ostean, arratsaldero entrenatuko da, arropa berria ostegunean aurkeztuko du eta Guadalajara bidea hartuko du ostiralean behin Bidebietan goizeko entrenaldia bete ostean.
