24 Abuztua 2014

Bera Berak berriro ere Prosetecnisa Zuazo Barakaldo gainditu du, oraingo honetan Bidebietan ospatu den lagunartekoan, aurrendenboraldiko hirugarrena, hain zuzen (33-17). Partida hasiera traketsa ostean, donostiarrek aurredenboraldian barkatzen diren akatsak ondoen aprobetxatzea jakin izan zuten (10. Min. 2-0). Bera Berak Elorza, Núñez, Azanza eta Menéndez kokatu zituen erdian, horma gogorra suposatu zuelarik Ahedo, Elizegi eta Bonillarentzat, Zuazoren erasoa zuzentzen zutenak, alegia. Eta gipuzkoarrak lasaitu zirenean kontraerasora irteteko aukera izan zuen, Tempranok ondo zuzenduta (21. min 10-1) eta Pinedok gauzatuta (lau gol). Udane Rodríguezek ordezkatu zuen asturiarra atepean atsedenaldira heltzeko hamar minutu falta zirela eta oso geldiketa onak egin zituen donostiarrak. Bera Bera defentsan sendo zegoen baina erasoan, ilun (13-5, atsedenaldian). Aitzitik, bigarren zatian, Bera Berak eraso jokuan gehiago asmatu zuen pibote posizioetan lotura interesgarriak lortuz. Amaieran 33-17, defentsan sentsazio onak, Zugarrondorentzat minutuak eta Andrea Zalduarentzat ere bai, Bera Berarekin entrenatzen ari den Zarautz taldeko jokalariak bi gol sartu ditu. Bera Bera 33, Zuazo Barakaldo 17 Bera Bera 33 (13+20): Temprano, Ezkurdia (3), Menéndez (1), Arizaga, Azanza (1), Núñez (5) eta Ziarsolo (5, 2p) –titular- Elorza, Arrojeria (2), Pinedo (4), Múgica (3), Etxeberria (1), Ederra (3), Martínez (3), Zaldua (2), Rodríguez (o.a.) eta Zugarrondo (o.a.)

22 Abuztua 2014

Aurrendenboraldiko hirugarren lagunartekoa. Oraingo honetan Bera Bera etxean arituko da, Bidebieta kiroldegian bihar, abuztuak 23, (18,15etan) eta aurkaria Prosetecnisa Zuazo Barakaldo izango da.
Frograri begira, Aitor Etxaburuk Peñafielen Valladolideko Aula Cultural taldearen aurka jokatu zutenak deitu ditu eta zerrendan Udane Rodríguez atezainak María Akuña ordezkatuko du. Udane lehenengo taldearekin lehen aldiz aritu zen Barakaldon, abuztuaren 16an, 18 urte bete zuen egunean, hain zuzen.
Peñafielen bezala, Elorza defentsan bakarrik arituko da, eskuin sorbalda mina duenez, jokalarien artean minutuak banatuko ditu eta entrenaldietan landu dutena pistan agerian utzi nahi du entrenatzaileak.
Biharko partidan, dohainik izango dena, irailaren 13an hasiko den denboraldi berrirako abonamendua eskatzeko aukera izango da Bidebietako bulegoetan.
Datorren astean Bera Berak hiru lagunarteko izango ditu bata bestearen atzetik. Orion ospatuko den Kilometroak egitasmoa dela eta, abuztuaren 27an, Karela kiroldegian 18etatik aurrera donostiarrek Aiala Zarautz izango dute aurrean, Zilarrezko mailan dagoena eta aurten Martin Larrañaga zuzenduko duen taldea. Hurrengo egunean, Elgoibarren, 19etatik aurrera, Valladolideko Aula Cultural izango da aurkaria eta agian Aitor Etxabururi erreferentzia gehien emango dion norgehiagoka Egiako txapelketan burutuko dena izango da, izan ere, abuztuaren 30ean, larunbata 12,30etan Bera Bera eta Frantziako Mios Biganos taldeak elkarren aurka arituko dira.

22 Abuztua 2014

Emakumezkoeen ohorezko mailan 25. denboraldia betetzear dagoela, zalegoei abonamendua ez igotzea erabaki du Bera Bera Eskubaloiak, ondorioz, 65 euroei esker Ligako 13 partida eta EHFko direnak ikusteko aukera egongo da. 10 eta 12 urte (biak barne) bitarteko gazteek eta jubilatuek, 35 euro ordainduko dute eta 10 urtera bete ez dutenek dohainik sartuko dira. Horrela, Bera Berak azkeneko denboraldietako salneurriak mantendu ditu. Halere, beste erabakiak hartu ditu. Alde batetik, familiarrei zuzendutako abonamenduari heldu dio aurten ere, hau da, 130 eurotan, bi heldu, gazteak eta jubilatuak sar daitezke. Horrez gain, partidako sarrerak euro bat igo ditu, ondorioz, zortzi eurotan izango dira salgai (gaztentzat eta jubilatuentzat, lau euro). Eta beste aukera da 30 eurotan Ligako bost partida ikusi ahal izatea (gazteak eta jubilatuek, 15 euro), hau da, interesatuak aukeratuko lituzke norgehiagokak Europakoak izan ezik. Horrez gain, Bera Berako abonua eskuratzen duenak merchindisingean deskontuak izango ditu, eta beste era batekoak, Eroski Bidaiaken eta AVIA gasoldegietan. Azkenik, Donostian goi mailako eskubaloia eskaini duenez azkeneko 25 urtetan, Bera Bera ekimen baten inguruan hausnarketa burutzen ari da. Biharko lagunarteakoan (Bidebietan, 18,15etan, Zuazoren aurka) izena emateko orrialdea betetzeko aukera izango da. Era berean, helbide elektronikoaren bidez ere jaso daiteke Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera mezua helaraziz edo Bidebietako bulegoetatik pasatuz (9etatik 13etara). Guadalajarako Superkopa ostean, Bera Berak Liga Bidebietan irekiko du irailaren 13an KH7 BM Granollers taldearen aurrean.

21 Abuztua 2014

Bera Bera Eskubaloiak Peñafiel hiriko bigarren txapelketa eskuratu du (22-26) Valladolideko Aula Cultural taldea gaindituta Valladolideko hiriko udal kiroldegian ospatu den lagunartekoan. Aurredenboraldiko bigarren frogan, Aitor Etxaburuk plantilla osoa izan du prest Aula Cultural taldeari aurre egiteko, iazko ligan oso joku alaia egin zuena. Halere, Patri Elorzak ordu laurden bat jokatu du bakarrik bizkarrean duen mina ez areagotzeko eta María Akuñak ezin izan du parte hartu orkatila bihurritu duelako. Data hauetan gertatu ohi denez, partidak gorabeherak izan ditu eta markagailuan donostiarrek ia beti aurretik joan arren, Valladolideko jokalariek ez diote lehiari muzin egin, joku erraza bezain eraginkorra betez. Etxetik kanpo Helvetia Alcobendas gainditu berri duen taldea hasieratik menperatu du Bera Berak. Halere 7-1 partzialari esker, pibotearekin lotura aurkituz markagailua irauli egin zuen Aulak. Lehenengo zati amaiarean gipuzkoarrak berriro nagusi (12-14), gauza bera eginez, pibotearen bidez, alegia. Bigarren zatian, Bera Berak aldeak mantendu zituen 6-0 defentsari esker. Halere, erasoan egindako galderak Aulari bizitza eman zien, partida amaitzeko 11 minutu falta zirela (20-20) lagunartekoa berdindu zuelarik. Aitor Etxaburuk hutsartea eskatu zuen eta gipuzkoarrek bi gol besterik ez zuten jaso. Ondorioz, oso froga positiboa, talderaren eskarmentuak eta kalitareak erabaki zutena azken unean. Maialen Múgica –oso lan ttukuna defentsan- eta Maite Zugarrondo, -lehenengo zatian aritu zen- jokalarientzat aurreneko minutuak eta hurrengo lagunartekoa larunbatean Bidebietan 18,15 etan Zuazo Barakaldoren aurrean. Partidaz aparte, plantillak Peñafiel ez ezik Protos Bodega ere ezagutzeko aukera izan du. Aula cultural 22 – Bera Bera 26. Bera Bera 26 (14+12): Zugarrondo, Pinedo (3), Elorza, Menéndez (2), Arrojeria (2), Arizaga (1), Núñez (4), Martínez (4), Ederra (5), Etxeberria (1), Ziarsolo (1), Azanza (1), Múgica, Ezkurdia (2), Temprano (o.a.) Epaileak: Jose Reyes eta Fernando Ocuel Kanporaketak: Núñez, Menéndez eta Arizaga Bera Beratik. Partzialak: 1-3, 3-6, 6-7, 9-7, 11-10, 12-14 –atsedenaldia- 15-16, 16-19, 17-20, 20-21, 22-23 eta 22-26