08 Uztaila 2014

Bera Bera Eskubaloiak 2014-15 denboraldian EHF Cupean parte hartuko du, Champions League ostean Europako bigarren txapelketan, alegia.
Ligako txapeldun gisa, donostiarrek Europako goreneko txapelketan aritzeko aukera zuen. Halere, Champions Leaguearen antolaketak eragiten dituzten gastuak egun jasaezinak direnez, Bera Berak bertan lehiatzeari uko egin zion. Championsen ez bezala, EHF Cupen ez da derrigorrezkoa eskubaloi marradunak bakarrik duen pista batean jokatzea, azken txandara arte telebistari dagokion exijentziak ezta ere. Azkeneko urtetan bezala, Bera Berak ‘Euskadi – Basque Country’ marka eramango du bere kamisetan.
1993an Errekopan debuta egin zuenetik, birritan baino ez du huts egin Bera Berak Europan, EHF, Errekopa –Cup Winners’ Cup-, City Cup eta Champions League aritu delarik. Europako goreneko txapelketako multzoen fasean jokatzeaz gain, Bera Beraren lorpenik handiena 2008ko Errekopako finalerdiak dira, Errumaniako Brasov taldearen aurka jokatu zituenak.
Teorian, EHFko hirugarren txandan lehian sartuko litzateke Bera Bera, hau da, azaroan, joaneko partidan 15 edo 16an eta itzulera, 22 edo 23an.

07 Uztaila 2014

Bost egunetan hamar partida jokatu ostean, Bera Berako jubenil taldeari Málaga World Handball txapelketa borobiletzea falta izan zitzaion Holandako Selekzioaren aurkako final galdu baitzuen (10-16). Finala estu izango zela argi zegoen, izan ere, aurreneko fasea gipuzkoarrak nagusi izan ziren gol bakar batez eta bigarren partidan berdinketa sortatzu zen. Finalean, Veroniva Valverderen neskek ez zuten asmatu atearen aurrean, Malagatik azpitxapelketa eskuratuz. Halere, balorazioa oso positiboa izan da, hama partidetaik, zazpi irabazi dituzte, bat berdindu eta bi galdu. Koardila etxean da dagoeneko merezitako atsedena hartzeko. Argazkia: Luis Aragoncillo

04 Uztaila 2014

Bera Bera Eskubaloiko jubenilak oso txapelketa ederra burutzen ari dira Malagan. Izan ere, zortzi partidetatik, sei irabazi dituzte, bakarra berdindu eta gol bakar batez beste norgehiagoka galdu, hau guztia, Málaga World Handball Cupean.
Horrela, Verónica Valverderen jokalariak multzoko aurrenak dira eta laugarren sailkatua izango dute aurkari final-erdietan, antza, Portugaleko Didaxis bi aldiz gainditu duten taldea. Beste finalerdietan Holandako selekzioa eta andaluziako Pink FBB taldea izango dira aurrez aurre larunbatean bertan finala jokatzeko txartela lortu nahian.

01 Uztaila 2014

Bera Bera Eskubaloiak etorkizunaren aldeko apustua egin du plantillako jokalari gazteenak berritzerakoan, horien artean Nagore Arizaga (22 urte), Esther Arrojeria (20 urte) eta Maitane Etxeberria (17 urte). Andoaingo zentrala Nagore Arizagak laugarren denboraldia beteko du lehenengo taldearekin. Bestetik, Esther Arrojeria eta Maitane Etxeberria jokalariek minutu asko izan dituzte aurten eta, Alcobendaseko Kopa ostean, Espainiako junior mailako selekzioarekin debuta egin zuten. Etxeberriak datorren uztailean jubenil mailako selekzioarekin Frantzian txapelketa bat jokatuko du eta Finlandian lagunartekoak. Hiru gazte hauek berrituta, Bera Berak bederatzi jokalariak ditu egun plantillan: Eli Pinedo, Patri Elorza, Alba Menéndez, María Núñez, Silvia Ederra, Ana Temprano, iazko denboraldikoak guztiak eta bajak betetzeko atezaina, lehenengo lerroko bat eta posizio bat baino gehiago menperatzen duen beste jokalari baten bila dago taldea.