22 Apirila 2015

Iazko denboraldian emakumezkoen arraun liga eta Kontxa irabazi zuen Pasai Donibaneko traineruan islatu nahi izan zuen atzo Bera Berako plantillak eskubaloiko ligako azken txanparako prest daudela. Pasai Donibaneko bateleren egoitzatik trainerua bizkar gainean hartu, Kintxo lagun, ontziari buelta ematen erakutsi die neskei, berriro altxatu dute eta uretara. Haizeak eta Bidebietan burutu behar zuten entrenaldia ez diote jokalariei arraunean egiteko aukerarik eman, baina nahikoa izan da argazkia ateratzeko momentua trainerua nola mugitzen den nabaritzeko. Orduan gerturatu dira Ane Pescador, Irati Salazar eta Lorea Etxart arraunlariak eta Juan Mari Etxabe entrenatzailea. Montse Puche patroi lanetan, Pinedo eta Arizaga jarri ziren aurrean eta Temprano atzean zegoelarik, trainerua osatu zuten hamalauek. Izan ere, 20 jardunaldi ostean, sei partida falta zaizkio Bera Berari hirugarren liga lortzeko, azken txanpa. Horretarako, martxoaren 7an bezala–Maialen Múgica izan ezik- jokalari guztiak daude entrenatzailearen aginduetara. Orduan Tati Garmendia. Castelldefelsen aurka Elorza eta Zugarrondok hartu zuten mina; ondoren Ana Martínez eta Amaia Azanza. Lau partida izan dira zazpi astetan, lau garaipen eta Tati Garmendiak lekukoa eman zion Montse Pucheri Elxen, non taldeak egin zuen erasoko joku azkarra harritu zuen. Zugarrondo lehengo astean itzuli zen taldera eta Amaia Azanza, herenegun. Hortaz, Montse Puchek badauka non aukeratu Valladolideko Aula Cultural taldeari aurre egiteko (Bidebietan, 18etan), eraso joku alaia egiten duen taldea eta, besteak beste, Telden Rocasari puntu bat kentzeko zorian egon zena.

22 Apirila 2015

Gipuzkoako eskubaloi federazioak eta Bera Berak antolaturik, ostiralean Kirol Etxean eta larunbatean Manteo kiroldegian formaziorako aukera izango da Juan Oliver, Espainia nahiz Brasilgo hautatzaile ohia eta egungo Espainiako jubenil mailako hautatzaile Jenaro Félixen bitartez.
Apirilaren 24ean ostirala, Kirol Etxean, 17etatik aurrera Juan Oliver komunikazioa eta entrenatzailea izango du hizpide eta 18,30etan Oliver berak Jenaro Félix lagun, mahai-inguruan, harrobiko taldeak eta partidak nola zuzendu aztergai izango dute.
Larunbatean Manteo Kiroldegian, arlo teorikoa eta praktikoa. 9,30etan Juan Oliverrek defentsa irekiei nola erasotu azalduko du; 10,15etan Jenaro Félixek entrenaldiak nola antolatu ikasten ari diren urtetan eta ondore arlo praktikoari ekingo diote. 11etan Oliver defentsa irekiekin, 12etan eraso jokuari helduko dio hautatzaile ohiak eta 13etan Jenaro Félixek entrenaldien antolaketa modu praktikoan azalduko du.
Izena emateko Gipuzkoako Eskubaloi federazioarekin harremanetan jarri: 943 452 534 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatzi.

21 Apirila 2015

Lehengo larunbatean eskubaloia ardatz hartuta hiru ikastetxe elkartu ziren jardunaldi baten inguruan Martuteneko Arantzazuko Ama ikastolan. Bertakoaz gain, Katalin Erauso eta Aieteko ikasleak, neska nahiz mutilak eskubaloiarekin gozatu zuten. Bertan izan ziren gainera Esther Arrojeria, Uxue Ezkurdia eta Lidia González jokalariak, Verónica Valveder harrobiko koordinatzailea eta Maria Gracia senior mailako entrenatzaileaz gain. Jubenil mailako selekzioa Gipuzkoako jubenil mailako selekzioak Orion datorren igande goizean burutuko duen entrenaldira Bera Berako lau jokalari deitu ditu: Elene Vázquez, Elene Sanz, Ainhoa Etxeberria Ugartemendia eta Maider Amilibia.

20 Apirila 2015

Bera Berako harrobiarentzat asteburu mamitsua. Jubenil taldeak 28-21 Ereintza Aguaplasti irabazi zion Bidebietan. Bertan Ainhoa Etxeberria Ugartemendiaren debuta izan zen lesio larria gainditu ostean.
Bestetik, kadete taldea 22-18 nagusi Ereintza Beissierren aurrean, infantil mutilek 19-26 irabazi zuten Zarauzko Amenabar D taldeari eta kadeteak Euskadiko txapeldun Zarautzi 27-19 irabazi zion.
Senior taldeak aldiz Ermuan amaiera jarri zion faseari porrot mingarri batekin 35-17 Errotabarriren aurka. Eta infantil taldeak 13-16 galdu zuten Ereintza C taldearen aurka.