Bera Bera - Berriak

07 Otsaila 2015

Aitor Etxaburuk beste bi baliabide izango ditu bihar EHF CUPeko final-zortzirenetan, non Bera Bera Muratpasa Belediye turkiarra hartuko duen Gaskan, izan ere Eli Pinedo eta Amaia Azanza deialdian sartu dira, aitzitik, Maitane Etxeberriak ezin izango du jokatu zuntz haustura ez zaiolako erabat osatu.
Rocasaren aurka jokatu eta gero, Eli Pinedo EPI izeneko tratamendua hartzeari ekin zion oinean zuen faszitisa sendatze aldera. Uhinak eta atsedena ezinhobeto etorri zaie internazionalari eta bi egunetan baino entrenatu bada ere entrenatzailearen esanetara izango da. Komunikabideen aurrean “errekuperaturik” zegoela baieztatu zuen eta “igandean taldeari laguntzeko asmoz”. Amaia Azanza, bestalde, Akiles tendoian duen mina baretu da eta pistan izango da, Carobles Cleba León eta KH7 BM Granollers taldeen aurka ez bezala.
Hortaz, bihar Josean Gaska kiroldegian 12,15etan (ETB4), Laurynas Mykolaitis eta Gytis Sniurevicius lituaniarrak zuzenduko duten partidan, Bera Berak Turkiako txapelduna izango du aurrean, Turkiako ligak adierazten duena baino talde indartsuagoa. Izan ere, sei atzerritar ditu, besteak beste, urtarrilean fitxatu berri duten Maja Koznijak kroaziarra, Champions Leaguen aritu dena Zagrebeko Locomotiva taldearekin, Vuckovic serbiarra edo Olga Laiuk ukrainuarra, Puerto Sagunton urtebetez jokatu zuena.
Itzulera partida otsailaren 14an larunbatean izango da Antalyan, Euskadin 13etan.

06 Otsaila 2015

Asteburu honetan ere Diputazioak eskola kirola bertan behara utzi du, ondorioz, alebin eta infantil mailetako taldeek ez dute partidarik izango. Aitzitik, kadete eta jubenilek taldeek, bai. Bera Berako lurralde mailako kadete taldeak Bidebietan jokatuko du igande goizean, Ereintza Beissier taldearen aurka 9,30etatik aurrera. Euskadiko txapelketako fase berrian sartuko dira kadete nahiz jubenil taldeak Ermuan. Bihar larunbata izango da, Errotabarri izango dute aurrean 16,45etan kadete taldeak eta 18etan jubenilek. Bestetik, senior mailan, Errenteriako udal kiroldegian jokatuko du Bera Berak Ereintzaren aurka 20 etan.

06 Otsaila 2015

Gaur goizean Castelloneko Diputazioan burutu den zozketaren arabera, Bera Bera Eskubaloiari taularik zaileena egokitu zaio, otsailaren 20tik 22ra bitartean Castellon burutuko den XXXVI. edizioan. Hortaz, final-laurdenetan, 18etatik aurrera, Castellon hiria izeneko pabilioiak Bera Bera vs Elche Mustang partida hartuko du. Elxetarrak dira denboraldi honetan donostiarrak gainditu dutenak, gainera Bidebietan izan zen, azaroaren 1ean, eta ondo merezitako garaipena (20-24). Komunikabideei egindako adierazpenetan, Aitor Etxaburuk eta Eli Pinedok ez dute “errebantxa” hitza aipatu nahi izan. “Kopa ezberdina da, partida bakar batean edozein taldeak beste bat gainditu dezake baina Kopa irabazi nahi duenak aurrean dituen aurkari guztiak gainditu behar ditu”. Izan ere, taulan egingo duen ibilbidea Bera Berak zaileena da, aurrean Canyamelar Valencia edo Mecalia Atlético Guardés izango baitu (20,15etan), denboraldi honetan Bera Bera estu jarri duten taldeak. Bestetik, taulako beheko aldean, Rocasak Helvetia Alcobendas (15,45 etan) izango du aurkari eta bi debutariak, aurrez aurre, Aula Cultural Valladolid eta KH7 BM Granollers (12etan) XXXVI. edizioa irekiko dutenak. Bera Berak Elche Mustang gainditzen badu larunbatean 16etan edo 18,15etan jokatuko du finalerdia eta finala, berriz, igandean 13etan izango da (Teledeporte zuzenean).

06 Otsaila 2015

Komunikabideen aurrean egindako agerraldian, Bera Berako entrenatzaile Aitor Etxaburuk Muratpasa Belediye taldeari “errespetoa zor diola” adierazi di “oso plantilla zabala duelako, jokalari asko erabiltzeko aukera duelarik”. Bera Berak igandean Josean Gaska kiroldegian (12,15etan, ETB4) hartuko du Turkiako txapelduna EHFko final-zortzirenetako joanekoan. Laurynas Mykolaitis eta Gytis Sniurevicius lituaniarrak zuzenduko dute partida eta Manuel Conceicao portugesa izango da EHFko delegatua. Helduek 10 euro ordainduko dute, jubilatuek eta gazteek (10-16) erdia eta bazkideek dohainik izango dute norgehiagoka. Azkenengo bi fitxaketekin, urtarrilean egin dituztenak, Koznijak kroaziarra eta Kotsina bielorrusiarra, Muratpasak sei atzerritarrekin etorri da Gipuzkoara: Vuckovic serbiarra, Gjorgijevska mazedoniarra, Pavic kroaziarra eta Laiuk ukraniarra. Horrez gain, Turkiarekin internaczionalak dira Fatma Ay atezaina, Hosgor albokoa eta Sagdic hegalekoa. Muratpasa egun bigarrena da Turkiako ligan eta lehengo larunbatean etxetik kanpo berdindu zuen Ardesen taldearekin, hirgarren sailkatuarekin. Hortaz Ankara Yenimahalle liderra lau puntutara du. Etxaburuk azpimarratu du Muratpasa “ondo jokatzen ari dela, defensiboki sistema onak ditu eta jokalariak erabil ditzake”. Horregatik bere taldeari eskatu dio “partida landu egin behar dugu eta ez tartea segituan zabaldu nahi izatea”. Norgehiagokan izango dira Eli Pinedo eta Amaia Azanza, Maitane Etxeberriak zailago izango du ordea.

05 Otsaila 2015

Maialen Múgica alboko jokalariari eskuin belaunean lotailu gurutzatua konpontzeko ebakuntza egingo diote eta, ondorioz, aurtengo deboraldia amaitu zaio zarauztarrari.
Zarautzen ospaturiko Euskal Kopa osteko entrenaldi batean eskuin belauna joan egin zitzaion, hortaz, Kordobako kopako kanporaketara ez zen izan eta ligako lau partidetan. Lotailu gurutzatua erabat apurtuta ez duenez, jokalaria saiatu da azken egunotan baina belaunak ez du behar adina orekarik.
Ondorioz, Bera Berako jokalariak otsailaren 18an egingo diote ebakuntza eta hori dela eta baja izango da gelditzen diren hilabeteetan.