Bera Bera - Berriak

02 Abendua 2011

Gaur gauean (00.00etan Euskadin) Brasilek eta Kubak inauguratuko duten emakumeen eskubaloiko Mundiala antolatzen duen Brasilgo selekzioko kapitaina da Dara Carvalho. Datorren urtean Londresen Joku Olinpikoetan aritzeko txartela Mexikoko Joku Panamerikarretan eskuratu zuen urrea irabazita, brasildarrek antolatzen duten Mundiala izango dute helburu. Darak azaltzen duen bezala “Panamerikarretan Mundiala prestatu genuen, entrenaldi asko egiten ditugu eta gutaz asko espero dute hemen”. Azkeneko lagunartekoetan garaipenak lortu arren: Espainari 28-24; Holandari 30-27 eta 28-24 Montenegrori, Mundiala hitz handiak da. “Zazpigarren postua da Brasilen sailkapen hoberena, halere, etxean gaude eta erantzukizun handiagoa dugu baina ez dugu hori zama bihurtzerik”. “Ahalik eta goraino iristeko borrokatuko dugu” dio piboteak. Bestalde, “kapitain papera ondo betetzea” nahi du Darak, hau da, “taldea elkartuta egotea uneoro arazoei aurre egiteko eta jokatzen gozatzeko”. Horrez gain “minutuak jokatu nahi ditut eta dudan guztia emango dut dena ondo egiteko”. “Bera Bera, goraino” Darak oso gaizki pasatu zuen Mar Saguntoren aurkako partida jokatu ezin zuelako. Brasilen zeogela, @BalonmaBeraBera Twitterren bitartez jarraitu zuen partida eta jokalariak oraindik pistan zirela askokin hitz egiteko aukera izan zuen”. Brasildarrak “primeran” ikusten du taldea “hobetzeko tartea izan arren”. Halere, dio “oso emaitza onak lortu ditugu egunero egiten dugun lanaren fruitu”. “Taldea zoragarria da, nire lankideak onenak eta ni oso gustora nago, oso pozik, behin esan nuen bezala, etxean bezala sentitzen naiz, bizitza osoa elkarrekin jokatuko begenu bezala”. Darak jakin badaki “aurten minutu gehiago ditut, erantzukizun gehiago eta ondo betetzen ari naizela uste dut, hobetzeko aldea badugu eta entrenaldiek eguneroko hobekuntza ematen dit”. Bera Beraren helburuaz galdetuta, brasildarren kapitainak dio “sailkapenean goiko aldean egon beharko genuke eta lehiaketa guztiak lehiatu, EHF kopa nahiz Liga”. Horretarako, partida bakoitza “finala balitz bezala hartu behar dugu gauza handiak lortzeko taldea dugulako”.

02 Abendua 2011

Arratsaldeko 4etatik gaueko 9ak arte hiru partida, bata bestearen atzetik. Bihar Bidebietan Bera Bera Egia Kadete 1 taldeak irekiko du jardunaldia CDB Leizaranen aurkako partidan. Ondoren, 17,45etan, Bera Bera Egia Kadete 2 liderrak Urnietako B izango du arrean eta amaitzeko, 19,30etatik aurrera, jubenil taldeak igotzeko faseari ekingo dio Aloña Mendiren aurka.

Bestetik, infantil taldeak Ordizian eta Zarautzen jokatuko dituzte partidak. Bera Bera Egia infantil Bk Zarauzko kiroldegian, larubantean goizeko 11etan, Aiala C ZKE taldearen aurka. Bera Bera Egia Infantil Ak, bere aldetik, Ordizia Eskubaloia izango du aurrean igandean, 12 etan, Majori kiroldegian.

Senior Preferente mailako Egia Bera Berak igandean 12 etan Antonianos ikastetxean jokatuko du Aiala Zarautz KE taldearen aurka.

02 Abendua 2011

Gaur gauean Brasilen hasiko den Emakumeen Mundiala dela eta eskubaloi ligak etenaldia bizi duenez Bera Bera Eskubaloiak Etxebarrin lagunartekoa jokatuko du bihar bertako Kukullaga taldearen aurka.

Bera Berak Sagunton garaipena lortu ostean liga gelditu zen, azaraoaren 16tik Gabonak pasatu arte, urtarrilaren 7rarte, alegia, Bera Berak adina puntu dituen BM Alcobendas taldea Bidebietan agertuko denean.

Egoera honen arrean, Bera Bera Eskubaloiko talde teknikoak intensitate handiko entrenaldiak prestatu dituzte eta, gutxienez, astero lagunarteko bat lehiatzeko erritmoa ez galtzeko.

Horrela, Mundialean diren Dara Carvalho, Eli Pinedo eta Antonella Mena eta lesionaturik dagoen Nagore Arizagaren bajak izango ditu Bera Berak bihar, Etxebarri, arratsaldeko 6etatik aurrera jaisteko postuak ekiditzen saiatzen ari den Kukullagaren aurkako lagunartekoan.

01 Abendua 2011

Datorren larunbatean, abenduak 3, debuta egingo du 2011ko Mundialean pibote argentinarrak, Suediaren aurkako partidan, hain zuzen (Euskadin, arratsaldeko 4etan). Brasilek eta Kubak larunbatean (00.00 Euskadin) –Brasilen, ostiralean iluntzeko 9etan- inauguratuko duten erronka honen aurrean Antonella Menak argi ditu Argentinaren helburuak. “Oso talde gogorra tokatu zitzaigun: Danimarka, Suedia eta Kroazia, partida hauetan minutuak hartzeko oso onak izango dira”. Horrela, Argentinaren asmoa da “Uruguai eta Boli Kostaren aurkako norgehiagokak irabaztea”. Lortuz gero gozatzera irtengo dira final-zortzirenetan. Antonellak, bestetik, argi du bere asmoa “Mundiala ona egin, pistan ahalik eta minutu gehienak egin jokalari gisa hobetzeko eta ahal den goraino eraman Argentinako eskubaloia”. "Taldera moldatzen ari naiz" ABF ligara burutzen ari den moldatzeko aldiaren inguruan “oso ona dela” dio, “oso eroso sentitzen naiz Bera Berako lankideekin, elkartasuna adierazten didate eta, gainera, hiria oso polita da”. Atezainen entrenatzaile Esther Bonillarekin bizi da Antonella “moldatzeko aldian nago oraindik taldean baina partidak pasatu ahala konfidantza gehiago dut eta taldearen jokora egokitzen saiatzen naiz”. Antonellak Joku Panamerikarretan partida ugari izan zituen eta horren ostean Bera Berarekin minutu gehiago jokatu du. Mexikoko egonaldia onuragarria izan zela galdetuta, pibote argentinarrak dio “txapelketak jokatzen hobetzen duzu, gauza askotarako balio dute pistan pasatzen dituzun minutuak eta konfidantza hartzeko ere bai, jakina”. Antonellaren ustez “liga oso indartsua da baina txapelketari aurre egiteko oso ondo entrenatzen gara”. Sagunton defentsan oso lan txukuna egin zuen Menak. “Ondo sentitu nintzen, defentsan lagundu nuela uste dut eta partidak jokatu ahala nire jokua hobetzea espero dut”. Bere ustez, Bera Beraren helburua “sailkapenean aurreneko lekuetan egotea da, asko entrenatu eta hobetzen jarraitu”.

01 Abendua 2011

Tunisiaren aurkako lagunartekoan bete zituen 100. partida Espainiako selekzioarekin, orain arte 184 gol sartu dituen taldearekin, hain zuzen. Eli Pinedok jakin badaki taldeko betebeharrak bihar gauean hasiko den Brasilgo Mundialean “preolinpikoa jokatu ahal izateko, gutxienez, final-laurdenetara iritsi eta, hortik aurrera, lasaitu ostean gauza handiak egin ditzakegu” adierazi du Bera Bera Eskubaloi taldeko jokalariak. Espainia B multzoan kokaturik dago Holanda, Errusia, Kazajistan, Australia eta Korearekin batera. “Garaipenak behar ditugu final-zortzirenetan Alemania, Montengro edo Noruega bezalako selekzio indartsuak ekiditeko” azaldu du arabarrak. Eli Pinedo 2011 Mundialean abenduak 3, larunbatean, egingo du debuta, 23,15etan (Euskadin) Holandaren aurka. Igandean Errusia izango da arerio latza (21etan Euskadin).Sao Paolon jokatutako lagunartekoetan, Espainiak Brasilen aurka galdu zuen eta Tunisiari 29-25 irabazi dio. “Lastima liga orain gelditu izana” Brasilen egon arren, Eli Pinedok Mar Saguntoren aurkako garaipena gogoan du. “Partida bukatu bezain pronto lankideei komentatu nien lastima zela liga orduan gelditzea”. Bere ustez, Sagunton “irabazi genuen partida osoan adi-adi egon ginelako” eta taldea “partidak jokatu ahala hobeto ikusten dut” azpimarratu du. Eli Pinedo disfrutatzen ari da. Egun Bera Bera taldeko golegile nagusiena da, asko jokatzen du eta adierazten duen kemena besteengan eragin positiboa du. “Oso pozik nago, jokuarekin gustora, taldearekin gustora eta jokalari eta lankideekin gustora”. Hori dela eta “sailkapeneko goiko postuak izan behar ditugu helburu”.