Lehengo ostiralean, eskuin laterala errusiarrak bihurritu zuen orkatila gaizki erorikoa kausa eta pasa den astelehenean kapoaldeko ligamentuaren haustura konfirmatu egin zuten. Horrela, gaur egin diote ebakuntza Anna Punkori, hiruzpalau astez hankan igeltsua eraman beharko du eta, dirudienez, gutxienez bajan bi hilabete emango ditu.
Ondorioz, Bera Berak Punkorik gabe berrabiaraziko du liga urtarrilean eta, ziur aski, Lada Togliatti errusiarraren aurkako EHF Kopako kanporaketan ere eskuin laterala baja izango da.
Horrela, errusiarrak urtarrilean –hilan 7an bueltatuko da liga- jokatuko diren partidak galduko ditu eta oso aukera gutxi ditu EHFko kanporaketari dagokion Lada Togliatti errusiarraren aurkako joaneko partida jokatzeko.
Ezbehar hau izan arren, Bera Bera Eskubaloiak prestakuntza prozesuarekin jarraitzen du eta gaur arratsaldean lagunarteko berri bat jokatuko du, Bidebieta 6,30etan, Bizkaiko Kukullaga taldearen aurka. Reyes Carrere entrenatzailearen asmoa da ostiralean beste partida bat izatea eta, horrez gain, astelehenean, abenduak 19, Mios Biganos talde frantziarraren aurka neurtuko da Bera Bera eta gabonetako oporraldiak hartu baino lehen, asteartean, Egia Bera Bera izango da arerioa.
Bestalde, Bera Bera Egia kadete 1 taldeak Legazpin galdu zuen (26-19) gaur egun sailkapenean bigarrena den Aluminios Aluminiosen aurka, larunbatean Gascan (16etan) Bera Bera Egia kadete 2 taldearen arerioa izango dena, hain zuzen. Kadeteek aise irabazi zion CDB Leizarani (22-36) larunbatean Andoainen.
Partida gaizki hasi arren eta Madrilen Euskadirekin ziren Nora Asurmendi eta Olatz Ramon jokalarien bajak zituela, jubenil taldeak erreakzionatzeko grina izan zuen eta Zarauzko Aiala 18-25 gainditu zuen. Larunbatean, arratsaldeko 5,45etan Bidebietan, sailkapenean lider direnen arteko lehia: Bera Bera Egia jubenil eta Ereintza Aguaplast taldeak aurrez aurre, alegia.
+Emotion lemapean, egutegiak tolerantzia, lankidetza, kemena, konpromisoa bezalako baloreak zabaltzen ditu, hamabi guztira, Pedro Usabiaga argazkilari donostiarrak egindako 24 irudi artistikoen bidez. Kirol adierazpen hauek bizitzan ere erroturik daude, hala nola, iritzi edo jarrera ezbedinak onartzea, nork bere burua gainditzea, etsipenari aurre egin, helburu bat lortzeko irrika edo proiektu batean inplikazioa.
Aquariumeko auditoriumean burutu den ekitaldean bi taldeetako jokalariak, entrenatzaileak, zuzendariak eta babesleak izan dira. Bera Bera Eskubaloia eta Lagun Aro Gipuzkoa Basket taldeen arteko lankidetza aitzindari honek kirola erabili du gizarteari balore positiboak zabaltze aldera. Hori da, hain zuzen, bi presidenteek azpimarratu dutena, Bera Beraren eskubaloi sekzioko presidente Amaia Ramirezek eta Lagun Aro GBC taldeko presidente Gorka Ramonedak, alegia.
Horrela, bihartik aurrera, abenduak 13 asteartea, egutegia 10 eurotan salgai izango da: bi taldeetako bulegoetan –Bidebietan eta Anoetan-, partida egunetan (asteartea, abenduak 13, 19etan Bera Bera-Kukullaga lagunarteakoan eta larunbatean, abenduak 17, iluntzeko 8etan Lagun Aro GBC – Fuenlabrada norgehiagokan Ilumben) eta, horrez gain, Erreka tabernan, Bidebietako estankoan, Ulialde liburudendan –Galtzara nagusia, 30- eta Kevin Sport dendan–Gipuzkoa plaza-. Egutegia nola egin zen
Teorian, Espainiako selekzioak zailago du, Montenegro arerio arriskutsua baita. Era berean, maiatzan ospatuko den preolinpikoa jokatzeko txartela jokoan dute bi taldeek. Lehenengo fasean balkaniarrek Alemania, Angola eta Txina gainditu dituzte eta gol bakar batez galdu dute Islandia eta Norvegiaren aurrean.
Dara, 5 baloi blokeatuta
Anfitrioek arerio errazago dute. Brasilek, C multzoko líder gisa, Boli Kosta laugarren sailkatua bere multzoan izango du aurrean. Brasildarrek Tunisiari irabazi zioten Babi atezainak sartutako golari esker, partida amaitzeko hiru segundu falta zirela.
Brasilgo kapitaina eta Bera Berako pibote Dara Carvalhok minutu gehien jokatu dituen selekzioko zortzigarren jokalaria da, partidako ia 28 minutu, hain zuzen. Zazpi gol sartu ditu, %58ko portzentajearekin kontraerasoetan asmatu ez duelako jaitsi zaio ehunekoa. Horrez gain, defentsan bost baloi blokeatu ditu Darak, taldeko onena arlo honetan.
Elik eta Antonellak, minutu gehien
Lehenengo fasean Eli Pinedo da gehien jokatu duen Espainiako selekzioko jokalaria, bost partidatan guztira pistan hiru ordu baino gehiago egon den bakarra da, bataz beste, 36 minutu. Gertu Macarena Aguilar du, golegile nagusiena, hain zuzen. Itxako taldeko jokalariak 19 gol sartu ditu, Bera Berako hegalak, Nely Carla Albertok eta Carmen Martinek (penaltiz 7 gol) baino bat gehiago.
Era berean, azpimarratzekoa da Eli Pinedoren %72ko portzentajea eta baloi gehien lapurtu duena, sei, hain zuzen.
Bestalde, Argentinak ezin izan ditu helburuak bete partida guztiak galdu dituelako. Bihar Kubaren aurka jokatuko du azkeneko postua ekiditzeko. Halere, Bera Bera taldeko pibote Antonella Menak minutu ugari jokatu ditu. Mundialean gehien jokatu duten jokalarien artean dago argentinarra, izan ere, lau ordu baino gehiago izan da pistan –Eli Pinedok baino ordubete gehiago- , hau da, partidako 49 minutu.
23 urterekin Suedia, Danimarka eta Kroaziaren aurka aritzea ondo datorkio Antonella Menari. Gainera, % 71ko portzentajearekin partida bakoitzean gola sartu du.
