09 Abendua 2011

Bera Bera Eskubaloi taldea datorren astea gizarte arloko ekitaldiz beteta prestatzen ari da. Alde batetik, Lagun Aro Gipuzkoa Basket taldearekin batera datorren astelehenean, iluntzeko 8etatik aurrera, Donostiako Aquariumnean egutegia 2012 aurkeztuko da, Pedro Usabiagak bi taldeetako jokalariei ateratako argazkiaz osaturik dagoena.

Egutegiak gizarteari kirolaren balioak zabaldu nahi ditu, besteak beste, gidaritza, baikortasuna, integrazioa eta berdindatasuna. Ikus bideoa.

Bestetik, Bera Bera Eskubaloiak abenduaren 17an, larunbatean, lehenengo mus txapelketan burutuko du Erreka tabernan. Izena emateko garaian bazkideek %50eko beherapena izango dute, berau Erreka tabernan bertan egin daiteke,halere, gehienez 32 bikotek parte hartu dezakete.

Azkenik, abenduraren 18an, igandean, Bera Bera Eskubaloiko harrobi osoa Zubietako Araeta jatetxean bilduko da. Bertan bazkaltzen talde ezberdinetako jokalariak, teknikoak, delegatuak, gurasoak eta Bera Berako lagunak elkartuko dira. Bazkari ostean taldeak aurkeztuko dira.

08 Abendua 2011

Kadete mailako Udane Rodríguez eta Maitane Etxeberria jokalariak Euskadiko selekzioarekin izan dira abenduaren 5etik gaur arte, Gasteizen konzentraturik eta Iruñan lagunartekoak jokatzen.

Bestalde, jubenil mailako Olatz Ramón eta Nora Asurmendi jokalariak Euskadirekin izango dira gaurtik aurrera abenduaren 10erarte Madrilen txapelketa batean parte hartzen.

08 Abendua 2011

Asteburu honetan senior preferente mailako Egia Bera Bera eta infantil mailako taldeak atsedena hartu dute. Horrela, jubenil taldeak fase finalaren bigarren jardunaldiari ekingo dio Zarautzen Aialaren aurka larunbatean, arratsaldeko 5,30etan. Bestalde, Bera Bera Egia kadete 1 taldeak Aluminios Aleman hirugarren sailkatua izango du zain larunbatean Legazpiko Bikuña kiroldegian, goizeko 11etatik aurrera. Bera Bera Egia kadete 2 taldeak igandean jokatuko du, goizeko 11,30etan, Andoaingo Allurralde kiroldegian CDB Leizaranen aurka.

07 Abendua 2011

Bera Bera Eskubaloi taldeko zentral gaztea Nagore Arizaga Gipuzkoa Poliklinikan operatu dute gaur kanpoaldeko meniskoa osatzeko, izan ere, lehengo astean konfirmatu zioten hautsita zegoela. Ebakuntza ondo atera da, azkar egin diote eta Nagore ohetik altxa gabe egon beharko du bihar arte. Senior Preferente mailako Egia Bera Bera taldean ere jokatzen duen andoaindarra berriro pistatan ikusteko aurretik hilabeteko errekuperazioa burutu beharko du.