Bera Bera - Berriak

03 Azaroa 2013

Europako federazioko www.eurohandball.com eko web orrialdean partida atarian, Bera Berak zalego neutralaren sinpatia bereganatu duela jartzen duen arimagatik, gaur arratsaldean Larviken berriro ere erakutsi duena nahiz eta egungo azpitxapeldunaren aurka 29-21 galdu. Izan ere erronka oso zaila zen eta are eta gehiago donostiarren bajak kontutan izanda. Bera Bera konzentraturik irten da partidara eta ez dio jokatzeari uko egin amaiera arte. Larvikek lehenengo zati amaieran baino ez du tartea ireki, izan ere, Gro Hammerseng, Koren Riegelhuth eta Sulland jokalariei esker 6-2 aurreratu dira baina Castro, Elorza eta Pinedok markagailuari eutsi diote. Alba Menéndezen gol batek 9-6 ezarri du baina hortik aurrera Larvikek abantaila haunditu du Mörk jokalarien bitartez, Nora eta Thea, atsedenaldira 15-9 iritsi direlarik. Lehenengo zati honetan Gipuzkoarren 6-0 defentsa ondo aritu da eta are gehiago Ana Temprano atezaina. Erasoan gehiago kostatu zaio Norvegiarren 6-0 defentsak hutsuneak aurkitzea. Bigarren zatian, Bera Bera ez da kokildu. Pinedo lehenengo lerrora pasatu da eta Maitane Etxeberriak Championsen lehenengo gola sartu du. Bera Bera tarteari eutsi dio eta Matxalen Ziarsolok bi kontraeraso gauzatu ditu. Halere, Larvikek sei metroetako lerroa bilatu du bost penalti ia jarraian lortuz, Sulland jokalariak gauzatu dituenak, kanpoko jaurtiketan ere oso fin ibili da eskuin albokoa. Azken hamar minutuetan, Imanol Álvarezek Pinedo eseri du, Maitane Etxeberria eskuin albokoan jarri du eta gipuzkoarrek Patri Elorza eta Alba Menéndez aurkitu dituzte eraso jokoan, halere, ez du abantaila gutxitzeko aukerarik izan Champions League irabazteko faborito baten aurka. Fitxa: Larvik 29, Bera Bera 21 Larvik 29 (15+14): Hasanic, Koren Riegelhuth (4), Sulland (11, 6p), Breivang (3), J Kristiansen, Gro Hammerseng (4) y Loke (2) - titular- Thea Mörk (2), Nora Mörk (3), Johansen, T. Kristiansen, Stange, Bjaaland, Lund. Bera Bera 21 (9+12): Temprano, Castro (1), Elorza (8, 3p), Menéndez (5), Núñez (1), Pinedo (2) eta Ziarsolo (3, 1p) –titular-, Etxeberria (1), Ederra, Arizaga, Dunay eta Arrojeria. Deialdian ziren Uxue Ezkurdia eta María Akuña. Epaileak: Bojan Lah eta David Sok, Eslovenia Kanporatuak: Thea Mörk, Loke eta Johansen Larviketik eta Núñez (2), Pinedo eta Elorza Bera Beratik. Partzialak: 2-2, 4-2, 7-3, 7-5, 11-7, 15-9 –atsedenaldia- 17-11, 20-13, 24-15, 26-17, 27-20 eta 29-21.

01 Azaroa 2013

Norvegiako Larvik Champions Leagueko ohiko taldea eta 2009an inauguratu zen Arena Larvik jokalari guztiak egon nahi duten xarma berezietako pista. Larvikek aurtengo edizioa kontutan harturik 15 urte daramazki Championsen –bederatzi jarraian-. Eta azkeneko lau denboraldietan gutxienez finalerdietara iritsi da –guztira bederatzi aldiz-, 2010-11ko edizioko txapelduna –Itxako gaindituz- eta iazko finala Hungariako Györi taldearen aurka galdu zuena (43-47).
2011tik Ole Gustav Gjekstadek zuzentzen duen taldeak Champions League du helburu, bere Liga aise menperatzen duelako. Halere, datorren asteazkenean egun Byasen liderra hartuko du Arena Larviken. Izan ere, 15 urtez Norvegiako txapelduna izan da Larvik, 2000. urtez geroztik behin baino ez dio liga ihes egin eta hurrengo denboraldian, hau da, 2004-05ean Cup Winners’ Cup delakoa irabazi zuen.

Aktibazioa

Larvikera egindako bidaia ostean, hiru orduko hegaldia Bartzelona-Oslo eta beste bi autobusez, Bera Bera 19,30etan iritsi da bertara eta afaldu aurretik hotelaren inguruan bueltatxo bat egin du taldeak eta aktibazio ariketak. Imanol Álvarezek bihar goizean hitzaldia emango du eta eguardian entrenatuko dira Arena Larviken Europako azpitxapeldunaren aurkako partida prestatze aldera, 19,30etan (Bojan Lah eta David Sok, Eslovenia) hasiko dena eta EHF TVren bitartez ikusterik izango dena.

Castelldefelsen landu zuen garaipena ostean iritsi da Bera Bera eta lehiaketa hau eta bereziki partida hau ikasgai bezala hartzeko asmoarekin.

31 Urria 2013

Autocares Davideko autobusean abiatu da gaur goizean Bera Bera Eskubaloiko gaztetu den plantilla Castelldefels helburu, Can Vinader kiroldegian non gaur 20etan Ligako zazpigarren jardunaldiari ekingo dion (Jordi Ausas y Miquel Florenza, Catalunya) Esportiu Castelldefelsen aurka.
Bera Bera Ligara itzuliko da 15 egun ostean. Azken partidan Adesal Córdoba gainditu zuen (28-23) Championsen Larviken aurka jokatu aurretik. Orain Castelldefelsen jokatuko du Norvegiara bidaiatu aurretik, berriro lehiaketako egungo azpitxapeldunaren aurka aritzeko.
Ligan gipuzkoarrak lidergoan bakarrik daude jokaturiko sei partidak irabazi ostean eta historiako hasiera onenak berdinduz, 94-95 eta 2002-03 denboraldikoak, alegia. Ondorioz, Bera Berak gaur marka berri bat ezartzeko aukera du, aurreneko aldiz Liga hasieran zazpi garaipen arraskadan lortzea, hain zuzen ere.
Partida zuzenean castelldefelstv.org web orrialdean ikus daiteke.

31 Urria 2013

Euskal Ligako senior taldeak baino ez du izango jardunaldirik asteburu honetan. Lur Errekondorekin eta ohorezko mailako taldearekin diren Esther Arrojeria, María Akuña eta Uxue Ezkurdia jokalaririk gabe Egia Arrono taldeari bisita egingo dio larunbatean 16,30etan Egiako kiroldegian. Euskal selekzioa Bera Berako jokalari Eider Lizarbe eta Anne Valle deitu ditu jubenil mailako Euskal selekzioak ostiralean eta igandean hiru entrenaldi gauzatze aldera. Bihar Barakaldora abiatuko dira Lasesarre kiroldegia 11etatik 13ak arte eta 16etatik 18ak arte entrenatzeko eta igandean Ermuko Miguel Ángel Blanco kiroldegian egingo dute Saioa 10etatik 13ak bitartean. Maitane Etxeberria ere zerrendan zegoen baina Bera Berako lehen taldearekin dagoenez joaterik ez du izango.

31 Urria 2013

Bera Bera Eskubaloiak markagailuak adierazten duena baino gehiago lan egin behar izan du gaur ilunabarrean Castelldefelsen irabazteko, izan ere, partidari heltzea kostatu zaio eta behin egin duenean Ana Tempranoren txartel gorriarekin gehiegi konplikatu da. Atezainak kontraerasoa mozteko pista erdira irten da eta Castelldefelseko jokalari batekin topo egin duenez epaileek kanporatu dute. Sara Gilek gola sartu du eta kataluniarrek berdinketa lortu dute atsedenaldian (11-11).
Halere, gertaera honek taldea pizteko balio izan du eta bigarren zatian Maria Akuña atezain gaztea babesteko jomuga eginez 0-6 partziala ezarri du Adriana Castro, Ederra eta Pinedoren golei esker. Gipuzkoarren defentsak Castelldefelsen erasoan hiru baloi galtzea eragin du eta Maria Akuñan hiru geldiketa egin ditu, Sara Gil jokalariari penalti bat barne.
Bera Berak konzentraturik zegoen eraso posizionalean eta asmatu egin du, 19 gol lortuz bigarren zatian, Adriana Castro ondo bilatuz –zazpi gol-. Eta defentsan behin galdu du konzentrazioa Castelldefels gerturatuz (16-18) bigarren zatiko hamargarren minutua pasaturik. Halere, beste 1-4 partziala Pinedo eta Castrori esker (17-22) arnasa eman die donostiarrei tartea oso ondo kudeatu duena amaierara arte.
Izan ere lehenengo zatian Bera Berak ez du defentsan asmatu eta Tempranoren geldiketei esker eutsi dio markagailuari. Amaieran 0-3 partziala, Núñez, Ziarsolo eta Elorza jokalarien golei esker aurretik jarri da baina azken minutuan partida berdintzeko aukera eman dio.
Ondorioz, helburu beteta, bi puntu gehiago, Bera Berak ligako hasiera onena lortu du jokaturiko zazpi norgehiagokak irabazita eta orain, Norvegiako bidaiari heltzeko txipa aldatu beharra dago.

E. Castelldefels 24, Bera Bera 30

E. Castelldefels 24 (11+13): Lladro, Gil (6, 3p), Manaut (8), Boada (5), Sans (2), Poo (2) eta Cadens –titular- Royo, Espinola, Sancho, Toro eta Alfaro (1).

Bera Bera: 30 (11+19): Temprano, Etxeberria, Menéndez (3), Núñez (1), Elorza (3), Dunay (1) eta Pinedo (7, 1p) –titular- Ziarsolo (5), Arizaga (1), Akuña (o.a.), Castro (7, 2p), Ederra (2) eta Arrojeria.

Epaileak: Jordi Ausas eta Miquel Florenza (Catalunya) Kanporatuak: Boada eta Gil Castelldefelsetik eta Arizaga eta Elorza Bera Beratik. Tempranori txartel gorria 29. minutuan.
Partzialak: 1-2, 4-4, 6-6, 9-8, 9-10, 11-11 –atsedenaldian- 11-14, 14-17, 17-21, 21-25, 22-28 eta 24-30.