Partida honek Ligako 17. Jardunaldia irekiko du bihar. Ordubete beranduago Mecalia Atlético Guardés- Helvetia Alcobendas hasiko da A Guardan. Hau da, bosgarrenak liderra hartuko du eta laugarrenak, bigarrena. Porriñon partida amaitzen denean BM Rocasa-Kukullaga Etxebarri hasiko da Telden.
Bera Berak azkeneko bi partidetako deialdia osatu du. Bidaian da taldekideekin Porriñoko jokalari Vero Cuña, taldearekin entrenatzen ari dena baina Imanol Álvarezen deialdian sartzeko oraindik falta zaiona.
Etxetik kanpo azkeneko bi norgehiagokak galduta, Alacanten eta Telden, gipuzkoarrek sentsatzio onak eta konfidantza berreskuratu nahi dute eraso jokua ardatz duen aurkari baten aurrean. Izan ere, BM Porriñon Bera Berak baino bost gol gehiago sartu ditu, hau da, partidako 28 baino gehiago; etxean, gainera, 30.
Valencia Canyamelar taldeak baino ez du Porriñon garaipenik lortu oso gol gutxiko partidan (18-21). Norgehiagoka hau kenduta, galizarrek etxean bataz beste 32 gol sartu dute. Alcobendasek berdinketarekin konformatu behar izan zuen (27-27) eta Rocasak 35-30 galdu zuen.
Halere, Bera Bera aurkari latza izan ohi da Porriñorentzat. Azkeneko bost norgehiagoketan, Porriñok ez dizkio 22 gol baino gehiago sartu Bera Berari. Joaneko partidan, 32-19. Gainera Alicia Fernández zentrala galdu du denboraldi osorako, golegile nagusienak esker belaunean lotailu gurutzatua hautsi baizuen lehengo larunbatean. Galiziarrak 11 gol egin zituen Bidebietan, taldearen erdia baino gehiago. Castelldefelsen mina hartu aurretik partidako 8,5 gol zeraman Fernándezek, ligako golegile nagusiena, baina bere taldeak bataz beste 28 gol sartzen ditu. Ondorioz, agerian dago Abel Estévez entrenatzailearen taldeak badituela beste baliabideak erasoan, horien artean Isa Bastero, Orsolya Andrea hugariara eta Maialen Mujika gipuzkoarra lehenengo lerroan; Itxakon jokatu zuen Nekane pibotean edo Sandra Costas eta Lorena Pérez hegaletan. Cacheda gazteak Alicia Fernándezen lekua hartuko du Castelldefelsen bezala, non galizarrak atsedenaldiko 16-11 markagailua iraultzeko zorian izan ziren.
Defentsa lana oinarri Ligako hirugarren erasoari aurre egingo dio Bera Berak. Gainera, Zuazoren aurka erabakiorra izan zen kontraerasoa ateratzen saiatuko da eta eraso geldian konfindantzaz aritu Ligako bosgarren defentsa txarrena baita Porriñorena, bataz beste 27 gol jasotzen baititu; etxean, 25.5.
Autocares Davideko eserlekuetan kokatu ostean, donostiarrek Burgoseko Olmillos de Salsamón herrian bazkalduko dgu, Porriñora 20ak aldera iritsi, ordubete entrenamendua burutu eta 22ak aldera, afaldu. Bihar plana: gosaldu ostean, bideoa, ondoren ibilaldia, 13etan bazkaldu eta 18etan, garaipena helburu bakarra.
Bestetik, euskal ligako kadete eta jubenil taldeak aurreneko aldiz banatuko dira. Hau da, Maria Graciak zuzentzen duen Bera Bera kadete taldeak Basauriko Artunduaga kiroldegian arituko da bertako taldearekin igandean 10,30etan eta Verónica Valverderen Bera Bera jubenil taldea Oñatira abiatuko da Aloña Mendiren aurka jokatzera 12etan igandean bertan.
Azkenik, Mauge Gezalak zuzentzen duen lurralde mailako kadete taldeak Urnietako kiroldegian jokatuko du bertako taldearen aurka igandean 12etan.
Juan Antonio Garaikoetxearen argazkian, Ainara García Txiki.
Izan ere, Bera Berak Porriñon jokatuko du Porriñon larunbatean 18etan eta ordubete beranduago Helvetia Alcobendasek, bigarren sailkatua, A Guardan Mecalia Atlético Guardesen aurka. Bestetik, BM Rocasa Ace Gran Canariak Kukullaga Etxebarri hartuko du 19,30etan (Euskadin).
Historian finkaturik dagoen pistara itzuliko da Bera Bera, hirugarren Kopa eskuratu zuen lekura, alegia. Eta sufritzen jakin izan zuen udal kiroldegi horretan. Kopako final-laurdenetan Zuazo luzapenean gainditu zuen; final-erdietan Elcheren aurkako partida irauli egin zuen bigarren zatian (8-12 atsedenaldian) eta gol bakar batez gainditu zuen Rocasa finalean (25-24).
Horrez gain, kasualitatez, duela urtebete Kopako final-laurdenetan ziren A Guardan, Mecalia Guardés eta Helvetia Alcobendas. Orduan galiziarrak nagusi izan ziren 26-22, final-erdietan Porriñon Rocasarekin topo egin zuten arte. Halere, Alcobendasek mendekua Ligan hartu zuen handik bi hilabetera (24-26) irabazita, galiziarren kalterako ia laugarren postua ziurtatuz.
Porriño eta Guardes taldeen igoeratik, Galizan beti puntuak lortu dituzte Bera Berak nahiz Alcobendasek. Azken bi urteetan, donostiarrek bi aldiz gainditu dute Porriño, beste bat Guardes non beste behin berdindu zuten; madrildarrak, aldiz, A Guardan lorturiko garaipena gehitu behar zaie Porriñon eman diren bi berdinketak. Halere, ez dute erraza izango, laugarrenak eta bostgarrenak dira egun sailkapenean eta Etxebarrin eta Castelldefelsen jasandako porrotak ahaztu nahi dituzte. Alicia Fernández jokalariarekin kezkaturik daude Porriñon, Catalunyan belaunean mina hartu baitzuen eta atzo egin zioten erresonantziaren emaitzen zain dira, denboraldia galdu baidezake.
Horrela, 9 eta 11 urte bitarteko 50 gazte inguruk eskubaloiarekin gozatzeko aukera izan zuten eta kirola hizpide elkarrekin aritu.
Hasieran batak eta besteek neska-mutilen norberaren taldearekin jokatu zuten baina ondoren nahastu ziren. Emaitza, oso arratsalde bikaina Bidebietan, jarraipena izango duten ekimenan.
Argazkia: Juan Antonio Garaikoetxea.
Eta hori Bera Bera ondo hasi zela. Arrojeria zuzendari lanetan, Menéndez eta Elorza alboetan, Ederra pibotean eta Etxeberria eta Ziarsolo hegaletan. Menéndez eta Elorzaren golek taldea konzentraturik zegoela adierazten zuten baina Arrojeriaren gola ostean (3-1), gipuzkoarrek eraso jokua galdu dute eta defentsan Tania Yáñezen barneraketekin sufritu dute.
Halere, gauza zailak jartzen direnean Bera Bera onena azaldu da. Atsedenaldi aurretik, Castro eta Pinedok Zuazorekiko aldea murriztu dute erdira utziz (11-14). Aldagela ondo etorri zaio Bera Berari iparra berreskuratze aldera.
Izan ere, bigarren zati hasiera erabakiorra izan da. Bera Beraren defentsa sendotu da Zuazoren albokoei estutuz. Ondorioz, lau kontraeraso jarraian eta donostiarrak aurretik (15-14) hiru minutuetan, hau da, lehenengo zati amaieratik eta bigarrenaren hasiera kontutan izanda, 9-2 partziala eta bigarren zatiko hamar minutuan, 9-1 (40. min, 20-15) Castro eta Pinedoren hiruna golei esker, hau da, Bera Berak 17 minutuetan 14-3 partziala ezarri zion Zuazori.
Baina partida ez da hor amaitu. Tania Yáñezek penaltian egindako hutsa ahaztu egin du eta jaurtiketei esker eta Ainhoa Hernándezen golei esker, Zuazo 21-20 gerturatu da Bera Beraren bi kanporaketa aprobetxatuz eta ondorez, 24-22. Halere, Pinedok asmatu du egoera ezberdinetan (penalti, hegaletik loratua eta pibotean) eta fisikoki Zuazok ezin zuen gehiago.
Ondorioz, garaipen landua, Bera Berak lidergoan bakarrik jarraitzeko balio duena.
Fitxa: Bera Bera 28, Zuazo Barakaldo 23
Bera Bera 28 (11+17): Temprano, Etxeberria (1), Menéndez (2), Arrojeria (1), Ederra (1), Elorza (3) eta Ziarsolo (1) –titular- Núñez (1), Pinedo (9, 1p), Ana Martínez (3), Castro (5), Arizaga (1) eta Dunay. Deialdian, María Akuña (o.a.).
Zuazo Barakaldo 23 (14+9): María Esteban, Etxabe, Bonilla (1), Hernández (2), A. Gil, Ahedo (4), Oihane Gil (1) –titular- Yáñez (11), Aldekoa (1), Cobo, Álvarez (3), Andraka eta Heras.
Epaileak: Alberto Hermoso eta David Monjo (Madrid) Kanporaketak: Menéndez, Elorza, Ana Martínez (2), Pinedo, Arrojeria eta Castro Bera Beratik eta Bonilla (2) eta Gorka Santibáñez entrenatzaileari Zuazo Barakaldotik.
Partzialak: 3-1, 3-3, 4-6, 5-10, 8-12, 11-14 –atsedenaldia- 16-14, 20-15, 21-19, 24-20, 25-22 eta 28-23.
