Bera Bera - Berriak

30 Urria 2015

Goizeko 8,30etan abiatu da Autocares Davideko autobusarekin Bera Bera Eskubaloiko tropa Bidebietatik A Guardaruntz, non bihar zortzigarren jardunaldiari dagokion partidari helduko dion Mecalia Atlético Guardésen aurka (Jesús Escudero eta Jorge Escudero, kantabriarrak) 19etatik aurrera.
Norgehiagoka Espainiako eskubaloi federazioko orrialdian eta www.marca.com ikusgain izango da streaming bidez. Mecalia Atlético Guardések taldeari laguntzeko eguna ezarri du, hortaz, bazkideek 8 euro ordaindu beharko dute eta bazkide ez dena, 15 €.
Montse Pucheren zerrendan baja dira Maialen Múgica eta Matxalen Ziarsolo, azken honek meniskotik ebakuntza noiz egingo dioten zain. Ondorioz, Bera Berak 12 jokalari izango ditu A Sangriñako pistan, ‘Infernua’ ezizenez ezagutzen dena udan gehien indartu den taldearen aurka jokatzeko, sailkapenean gipuzkoarrengandik puntu bakarra dagoena.
Bera Berak zehatz-mehatz aztertu du lehengon Bidebietan Rocasaren aurkako porrota. Puche entrenatzaileak “badakigu non eragin” adierazi zuen komunikabideen aurrean eta astean zehar lanari ekin diote, batez ere, defentsan egindako akatsak zuzentze aldera eta A Guardako lehia jokatzeko irrikan daude.
Bestetik, Mecalia Atlético Guardés taldeak Rocasaren aurka Telden galdu zuen ligako aurreneko partida eta partida osoa kontrolpean eramanda, Barakaldon berdindu zuen Prosetecnisa Zuazoren aurka. Hortaz, partidarako aurreneko aldiz puntuen beharra somatzen da alde batean eta bestean, Rocasarekiko ez badute gehiegi aldentzerik nahi. Kanariarrek BM Porriño hartuko dute, A Sangriña baino galdu ez duena.
Manu Etayo entrenatzaile nafarraren taldea, Angolako jokalariarik gabe, defentsan oso sendo dabil –Bera Berak baino bost gol gehiago jaso ditu- eta fitxaketa berriak oso emaitza onak eman dizkie Haridian Rodríguez, Estela Carrera edo Anna Manaut. Gainera, Kurchnkovak duen maila berreskuratu du, Inés Hernández eta Barrios jokalariek ardura gehiago dute eta Egozkue eraginkor dago ate aurrean. Hortaz, larunbateako porrota atzean uzteko eta Rocasa líderraren atzetik jarraitzeko aurkari gogorra.

29 Urria 2015

Hogei bat kirolari edo Gipuzkoako klubak hartu dituzte gaur goizean Foru Aldundian Ahaldun nagusi Markel Olanok eta lurraldeko kiroletako ardura duen Denis Itxaso foru diputatuak, horien artean Bera Bera Eskubaloia zegoen Liga eta Superkopa lortzeagatik. Taldeko ordezkari gisa izan dira bertan Tati Garmendia, Montse Puche, Eli Pinedo, Silvia Ederra eta Ana Temprano, Iñaki Lifaterraren litografia jaso dutenak Markel Olano eta Denis Itxaso foru diputatuengandik. Biek azpimarratu eta goraipatu dute “emakumeen kirolaren presentzia”. “Beti egiten duzuena baina gehiago demostratu behar duzue, arro gaude zuekin, babes osoa duzue eta Gipuzkoarentzat balioak zarete” adierazi du Kultura, Gazteria, Turismo eta Kiroletako foru diputatu Denis Itxasok. Emakumeen kirolak lorturiko arrakastak azpimarratu aurretik, aipatu du “Gipuzkoa lurralde txikia izan arren, baloretan hadia da eta kirolariek hori islatzen duzue”. “Kirolaren bidez Gipuzkoako gizartea batzen da eta horrek arro sentiarazten gaitu” onartu du. Diputatu nagusi Markel Olanok ere aipatu du bereziki emakumeen kirola. “Argazki honek Gipuzkoako kirolaren errealitatea erakusten digu”. “Gure lurraldeko kirolak goi mailakoa da baina emakumeek duzuen kalitatea eta gaitasuna emaitzean adierazte da”. Bera ustez, “emakumeen indarrak kirolean egoera normalizatuagoa utzi du”. Olanok “aitortu” nahi izan du bertan elkartu diren kirolariei eta “sakrifizioa” goraipatu du.

27 Urria 2015

Infantil mailako Bera Bera Bi neska taldeak lorturiko emaitza larunbat goizean iragarri zuen ondorengoak, izan ere, bertakoak 13-12 irabazi zuten. Arratsaldean gol bakar batez gainditu zuen Rocasak Bera Bera eta emozioak jarraitu zuen igandean, euskal ligako Bera Bera eta Errotabarrik jokaturikoak, kadeteetan 19-20 irabazi baitzuten bizkaitarrek baina jubeniletan Bera Berak partida iraultzea lortu zuen 24-23. Bestetik, senior taldeak Asador Basusta Pulpo KEri irabazi zion Zumaian (22-25). Infantil mailako taldeek partidak irabazi zituzten Arantzazuko Ama taldearen aurka eta Egian. Mutiletan, aldiz, infantil mailako taldeak 15-18 irabazi zuen Ereintza D taldeari eta kadeteetan 12-32 galdu zuen Eslaban Eibar Eskubaloiaren aurrean.

27 Urria 2015

Espero zena gertatu zen, hau da, Iuventa Michalovce izango da Bera Beraren aurkaria EHFko hirugarren txandan. Eslovakiako txapeldunak minutu gutxi batzu besterik ez zuten behar Luxemburgoko HC Standard taldea gainditzeko (95-25). Bera Berak joaneko partida Eslovakian jokatuko du azaroaren 15ean, igandea, 17,15etan eta itzulera, igandean ere bai, azaroaren 22an, 12etan, Josean Gasca kiroldegian ETBk eskainiko baitu. Kanporaketa dela eta ligako 10. jardunaldia aurreratzea dagokio, etenaldira iritsi aurretik. Bera Berak Oviedoko Jofemesa taldeari eskerrak eman nahi dizkio partida asteartean jokatzeko eskaera onartu duelako. Hortaz, Oviedon jokatuko du Bera Berak azaroaren 10ean 19,30etan, Puchek EHFko kanporaketarako egun bat gehiago izango duelarik. Iuventa Michalovce Plantilla zabala du, Eslovakiako selekzioarekin hiru jokalari aritu ziren urrian. Azken partidan Eurokoparako txartela lortze aldera Poloniaren aurka galdutako partidan ziren Filkova eta Habankova albokoak eta Medvedova atezaina. Horrez gain, Ukrainiako lau jokalari ditu Perederiy piboteak oso protagonismo handia izan zuen Serbia eta Txekiar Errepublikaren aurrean bere taldeak galdu arren. Gainera aurten Raquel Álvarez atezain asturiarra fitxatu du eta plantilla osatzeko Chernova eta Golubeva errusiarrak. Bestetik, Bera Berak 20 jokalari sartu ditu zerrendan, Maialen Múgica izan ezik bajan jarraitzen duelako. Ohorezko mailakoaz gain, bertan dira Eider Lizarbe, Maialen Husillos, Olatz Ramon, Ainhoa Etxeberria, Amaia Jaka, Leire Oiarbide eta Udane Rodríguez.

23 Urria 2015

Bera Berako infantil mailako mutilen taldeak irekiko du asteburua, bihar 12etan Errenteriko udal kiroldegian eta bertan Ereintza D taldea aurrean izango du. Orduerdi beranduago, 12,30etan , Bidebietan aurreneko partida. Bera Bera Bi infantil neska taldeak Usurbil B hartuko du eta arratsaldean, 16etan kadete mailako mutilen taldeak Eibarren aurka jokatuko du. 19etan Loterías ligako Bera Bera vs Rocasa.
Igandean (gogoratu 3etan, 2ak izango direla), Bera Bera Hiru infantil neska taldeak Arantzazuko Ama hartuko du 9,30etan Bidebietan. 10,45etan Egian, Bera Bera Bat infantil neska taldeak Egia 1 izango du aurrean.
Euskal ligan, Bera Berak Ermuko Errotabarri hartuko du Bidebietan. 11etan, kadeteen txanda eta 12,30 jubenileena. Senior taldeak itxiko du asteburua Zumaiako Lubakin. 1etatan Pulporen aurka jokatuko baitute.
Mikel Urio, Juan Antonio Garaikoetxearen argazkian