Bera Bera - Berriak

21 Urria 2015

Deitu eta handik egun gutxitara Bidebietan zegoen, Etxaburu kargutik kendu eta ligako hurrengo partidan, Tati Garmendiak zuzenduriko hiru norgehiagokan ondoan izan zuen Montse Puche, izan ere, Alcobendasen eserlekuan izan zen eta martxoaren bukaeran Canyamelar Valencia taldearen aurkako partidan, Zarautzen ospaturikoan ere bai. Ike Cotrinak laguntza eskaini zion hasieran Tatiri eta ondoren Montseri eta Elxen eserlekuan egon zen aurreneko aldiz. Hor kokatzen da ofizialki Pucheren debuta entrenatzaile gisa, El Carrus kiroldegian hain zuen, non Bera Beraren abiadura Elche Mustang taldearen gainetik pasatu zen (16-25), orduan ligako laugarren sailkatua. Bera Beraren intentsitatea handitu zuen Puchek, erasoan bide berriak eman zizkion taldeari gipuzkoarren baliabideak handituz eta urratsez urrats, oztopoak gainditzen joan zen uste baino aiseago, batez ere, Aularen aurka Bidebietan (36-23), Guardés (20-26) edo Rocasa (21-24) non Bera Bera ligako txapeldun sortatu zen matematikoki. Iazko denboraldian zazpi partida izan ziren, sei garaipen eta berdinketa bat, Leonen azken partidan lorturikoa, Bera Berak ligan puntu errekorra gainditu zuelarik, 48 rekin, alegia. Elxeko partidatik hona hamahiru zuzendu dizkio Puchek ligan Bera Berari, hau da, itzuli osoa eta emaitza ia gaindiezinak: 12 garaipen eta berdinketa bat. Gainera tarte honetan liga eskuratu du, hirugarrena erreskan, eta horrez gain, aurtengo denboraldia ireki zuen laugarren Superkopa, Rocasari irabazi ziona (18-17). Defentsan bi erreferentzi galdu arren, fitxaketa berriak jokura moldatu eta eraso jokoa lantzen jarraitu arren, bataz besteko gola, alde nahiz kontra hobeak ditu egungo denboraldian. Donostiarrek 31 gol sartzen dituzte (Bidebietan, 32) eta 19 jaso. Eta ibilbide honetan aipatzekoa da ere Eider Rubio eta Ike Cotrinak burutzen ari diren lana, zalantzak, ideiak eta asmoak aztertzen ditu beraiekin asko estimatzen duen laguntza, Nerea Uranga eta Iker Fernándezen lanarekin berdin.

19 Urria 2015

Asteburuak gauza askotarako ematen du. Infantil mailan, lau partidetan, hiru garaipen. Mutiletan, Bera Berak Bidasoa Irun C gainditu zuen (36-6); neskatan, Bera Bera bat taldeak Ereintza Cri irabazi zion (28-10), Ikus Bera Bera vs Bidasoa C argakiak
Bera Bera Bi 9-31 nagusitu zitzaion Arantzazu Ama taldeari, eta Bera Bera hiruk 19-8 galdu zuen Ereintza B taldearen aurka. Kadete mailako mutiletan, Ereintza B taldeak 44-16 gainditu zuen Bera Bera. Ikus Bera Bera infantil Bat argazkiak
Euskal ligan, atzo, Dani Nieto eta Josu Manzano entrenatzaileen jokalariak 32-16 nagusitu ziren Aiala B ZKE taldearen aurrean. Partidari oso erritmo altua jarri zion Bera Berak, Udane Rodríguez atezainak oso geldiketa onak egin zituen eta, besteak beste, Olatz Ramon piboteak ateari bizkarra emanez sartu zuen gol bat. Ikus Bera Bera vs Aiala Zarautz B argazkiak
Larunbatean Bidebieta, jubenil taldeak Tecnifuelle Elgoibar gainditu zuen 26-19 baina kadete taldeak ezin izan zuen Pneumax Elgoibar gelditu(14-19).

17 Urria 2015

Emaitzak ez du adierazten gaur arrastsaldean Málagan bizitakoa, bertako Clínicas Rincón eta Bera Beraren arteko partida, Loterias Ligako seigarren jardunaldian. Izan ere, malagako taldeak gipuzkoarrak estu hartu du eta partida amaieran 0-4 partzialari esker nagusitu dira euskaldunak. Plantilla osoa eraman arren –Maialen Múgica salbu-, Puchez ez ditu Alicia Fernández eta Matxalen Ziarsolo kantxaratu, belaunean mina jarraitzen du kapitainak. Aldaketa gutxi izanda, taldeak ez du ondo hasi partida, intentsitaterik gabe, Clínicas Rincón taldeak markagailuan aurretik jarri delarik Mjaerum, Gutiérrez eta Valdivia jokalarien golei esker. Bera Berak erantzun dio gol bakoitzari, Pinedok birritan eta Menéndez baina kostatu zaio El Carranqueko pistara egokitzea. 6-0 defentsan, Puchek hiru aldekata zituen, Ederrak Sans ordezkatu du defentsan eta Yáñez eta Ezkurdia. Kataluniarrak ezarri du 6-8 (13. min) markagailuan baina Virginia Fernández atezainak galerazi du donostiarrak abantail gehiago hartzea. 8-9 tik 11-9 pasatu da partida Yáñezen kanporaketa medio. Tempranok Zugarrondo ordezkatu du, defentsak Clínicas Rincón estutu du eta Ana Martínezen gol batekin, Pinedoren beste hiru eta Ederraren bikin, Bera Bera atsedenaldira 12-14 aurretik iritsi da. Bigarren zati hasieran Ederrak 12-15 jarri du baina Jennifer Gutiérrez berak bakarrik berdindu du lehia. Pinedok berriro aurretik jarri du Bera Bera, Bea Puertasek berdindu du (16-16. min 39) baina hortik aurrera gipuzkoarren eskarmentua nagusitu da. Martínez, Yáñez eta Ederrak 16-19 (min 44) jarri dute, Clínicas Rincón gerturatu da (18-19, min 47) baina azken 13 minutuetan gol bakar bat sartu dute eta Bera Berak norgehiagoka itxi du. Hortaz, landutako partida, pistako bederatzi jokalariekin datorren egutegia dela eta arriskurik hartu gabe. Gakoa, zati bakoitzaren amaieran egon da, 23. Minutuan 12-10 aurretik zen Clínicas Rincón eta atsedenaldian 12-14 eta 18-19tik hamahiru minutu falta, 19-25 amaieran. Bera Berak gainera Prosetecnisa Zuazo Barakaldori aldea kentzen dio Zarautzen galdu baitute bizkaitarrek (26-22) beste emaitza harrigarriak eman diren jardunaldian, izan ere, Carobels Cleba León 22-21 irabazi dio Helvetia Alcobendas (9-15 atsedenaldian), Aula Valladolidi irabazi dio BM Porriñok (26-33) eta Jofemesa Oviedok eta Canyamelar Valenciak, berdindu. Larunbatean Bidebieta (19etan), lidergoen arteko lehia: Bera Bera vs Rocasa Ace Gran Canaria, partida guztiak irabazi dituztenen arteko norgehiagoka. Fitxa: Clínicas Rincón Málaga 19, Bera Bera 25 Clínicas Rincón Málaga 19 (12+7): Fernández, Méndez (2), Mjaerum (1), Moreno (2), Puertas (3), Gutiérrez (6), Valdivia (3), Cuevas (1), Mihajlova (1), Jiménez, López, Mrkik, Vera eta Solano (o.a.) Bera Bera 25 (14+11): Zugarrondo, Etxeberria, Menéndez (2), Ederra (4), Arrojeria (2), Martínez (5) y Pinedo (8) –titular- Sans (2), Yáñez (2), Ezkurdia y Temprano (p.s.). Deialdian: Ziarsolo eta Fernández. Epaileak: Francisco José Gallardo eta Sergio Francisco Gallardo (Andaluziarrak) Kanporatuak: Méndez, López eta Mjaerum Clínicas Rincónetik eta Yáñez eta Martínez Bera Beratik Partzialak: 2-1, 5-6, 7-8, 9-9, 12-11, 12-14 –atsedenaldian- 13-15, 16-16, 16-19, 18-20, 19-22 eta 19-25.

16 Urria 2015

Emakumezkoen eskubaloi Loterias izeneko liga seigarren jardunaldiari ekingo dio aste honetan. Bera Bera Eskubaloia Málagara egingo du bidaia puntuak behar dituen, bakarra baitauka, Clínicas Rincón taldearen aurka lehiatzeko. Asteazkenean jokatu zen jardunaldiko lehenengo partida, Mecalia Atlético Guardések aise gainditu zuena KH7 BM Granollers (35-21) A Guardan, izan ere galizarrek Errekopako kanporaketa jokatuko dute asteburuan. Gaur arratsaldeko entrenaldiaren zain, Bera Berak deialdian sartuko du Alicia Fernández atzo Egiako senior mailako mutilen taldearen aurkako partida-entrenaldian parte hartu ez zuena. Matxalen Ziarsolok ezta, gimnasian egin zuen lan, baina biak Málagara egingo dute bidaia. Aitzik, selekzioarekin egon ondoren Eli Pinedok lagunartekoa jokatu zuen. Intentsitate handiko partida izan zen, non Pucheren jokalarien saio ona frogatu zen. Aurreneko zatia menperatu ostean (19-12) bigarrenean markagailua kudeatu zuen (35-33). Donostiarrak Zaragazatik Málagara Abiadura handiko trena egingo dute bidaia. 19etan Clínicas Rincón izango dute aurrean El Carranque pistan, Francisco José Gallardo eta Sergio Francisco Gallardo, andaluziako epaileen zuzendaritzapean. Aurkarian Jennifer Gutiérrezen erasoko ekarpena da azpimarratzekoa, Loterías ligako bigarren golegile nagusia da eta horrez gain Estefanía Méndez eta María José Moreno eskarmentuko jokalariak ditu Clínicas Rincón taldeak, bataz beste 29,6 gol jasotzen dituena eta 26,4 sartu. Bestetik, Bera Bera defentsa itxi, kontraeraso irten eta bere eraso jokua hobetzen saiatuko da. Gola egiteko gaitasuna eta batez ere aukera ezberdinak dira iaztik hona aldatu dena. Golegile nagusien taulan 23. Eli Pinedo da taldean gol gehien daramana, hortaz, ligako talde guztiek dute marka hori gainditu duten gutxienez jokalari bat, azpimarratzeko datua kontutan hartuta Bera Bera dela gol gehien sartu duen bigarren taldea, izan ere, hamar jokalarik hamar gol baino gehiago sartu baitute.

15 Urria 2015

Bera Berako infantil mailako hiru taldeak falta ziren eta asteburu honetan egingo dute, hortaz, kadete, jubenil eta seniorrekin batera, harrobi osoa lehiatzen egongo da.
Horrela, infantil mailako neskak, Martuteneko Arantzatzu Ama ikastolan Bera Bera Bi taldeak bertakoa izango du aurrean 11,30etan. Ordubete beranduago Errenteriko udal kiroldegian Bera Bera Hiru taldeak Ereintza B izango du aurkari eta Bera Bera Bat taldeak Ereintza C hartuko du Bidebietan igandean 11 etan.
Mutiletan, kadete mailako taldeak Errenterian, Berauneko pilotalekuan, 16etan egon beharko du Ereintza B taldeari aurre egiteko eta infantil mailakoak Bidebieta irekiko du igandean 9,30etan Ereintza C taldearen aurka jokatzeko.
Azkenik, Bidebietan ospatuko dira Euskal ligako hiru partidak. Larunbatean Bera Bera vs Elgoibar kadete eta jubeniletan, aurrenekoak 17etan eta besteak 18,30etan, senior taldeak aldiz igandean Zarautz B hartuko du 12,30etan.

Euskadirekin

Euskadiko selekzioak deitu ditu Evelyn Briones (infantil mailakoa), Nerea Álvarez (kadete) eta Mikel Apaolaza (infantil), datorren igande arratsaldean Arrasateko Iturripe kiroldegian teknifikazio saioak burutze aldera.

Juan Antonio Garaikoetxearen argazkian, senior mailako jokalari Lidia González