09 Azaroa 2015

EHFko kanporaketa dela eta Bera Berak Loterías ligako 10. Jardunaldia aurreratuko du biharko, izan ere, Jofemesa Oviedo taldeak onartu zuen gipuzkoarren eskaera eta horrela Puchek egun bat gehiago izango du Eslovakiako joaneko norgehiagoka prestatzeko.
Hortaz, liga azaroko ohiko etenaldira iritsita, Bera Bera Eskubaloiak aurreneko fase honi amaiera jarriko dio Oviedoko Florida Arenan (19,30 etan José Carlos Friera –Asturias- eta Matías Muñiz –Nafarroa-). Partida Ana Tempranorentzat oso berezia izango da, izan ere, bere etxera itzuliko baita. Gipuzkoarrak Astuariasera itzuliko dira lau urte eta hilabete bat beranduago, 2011-12 denboraldian jaitsi zen Gijonen (15-34), hain zuzen.
Lehengo larunbatean BM Porriñori irabazi ostean, partida hasierako urduritasuna gainditu ostean, Bera Berak sentsazio onak berreskuratu zituen baina erlajaziorako betarik ez duela jakinaren gainean dago. Larunbatean pistan jokatu zutenak eramango ditu Puchek Oviedora, hau da, Maitane Etxeberria Donostia geldituko da bere belauna Europako kanporaketa begira jartze aldera.
Bestetik, Jofemesa Oviedok bihar 16 jokalari izango ditu eta puntu bakar bat lortu du Canyamelar Valencia taldearen aurka etxean lortu zuena eta urtarrilean aurkari zuzenen aurrean izango ditu hizpide. Aída Palacio eta Irene Espinola alboko jokalariak dira golegile nagusienak, partidako bost gol baino gehiagorekin, taldeko golen erdia, alegia.

06 Azaroa 2015

“Egoera zaila da baina astean zehar animoak altxatzeko lan egin dugu klubeko arlo guztietatik eta jokalari guztiei babesa adierazi diegu. Taldeak jakin badaki zer nolako egoeran dagoen, talde kementsua da, irabazlea eta ligako azken jardunaldira arte ez du amore emango” hórrela hasi du bere agerraldia komunikabideen aurrean gaur goizean Montse Puche, Bera Berako entrenatzaileak. Bera taldeak bihar larunbata (19etan) Bidebietan BM Porriño hartuko du (Ignacio García eta Andreu Marín, Catalunya). Galiziarrek Bera Beraren ondoan daude sailkapenean eta donostiarrek bezala Rocasa eta Guardés aurka galdu dute. Hortaz Bera Berak errespetatzen duen taldea da eta Puchek “goruntz ikusten du” BM Porriño, “bere ligako partidak irabazi dituena”, ondorioz, “azkarrak eta adi egon behar dugu”. Bere ustez biharko norgehiagoka “erabakiorra izango da sentsazioak berreskuratzeko”. “Talde handi batek egoerae zaileetatik altxatzen jakin behar du eta nire ustez taldea gai da hemendik etenaldira ditugun partidei heltzeko, gero arnasa hartu eta hausnarketa egin” adierazi du madrildarrak. Bera Berak Oviedora egingo du bidaia asteartean ligako aurreneko faseari amaiera jarriz. Horren ostean EHFko kanporaketari ekingo dio Iuventa Michalovce taldearen aurka, joaneakoa Eslovakian azaroaren 15ean eta itzulera, azaroaren 22an Gaskan (12etan). A Guardan izan ziren jokalariekin bat egingo du Maialen Husillos albokoak baina Maitane Etxeberria bertan izango nahi eta bere partaidetza kolokan egon.

05 Azaroa 2015

Erreka Laranja Peñak ekimen berria abian jarri du Bera Berako etxeko partidetako jokaldirik ikusgarriena azpimarratuko duena. Esate baterako, Bidebietan jokaturiko Rocasaren aurkako azken partidan, Ana Martínezek ezker eskuarekin sartutako gola izan zen botu gehien lortu zuena. Ekimen honek bat egiten du Bidebietan jokaturiko partidetatik jokalaririk onena izendatzen dutenarekin denboraldi amaieran, plantilla osoarekin burutzen duten afari batean ezagutzera ematen dutelarik. Erreka Laranja peña ezaugarria da Bera Bera Eskubaloitik gertu dago uneoro. Kopa da urte osoan zehar gehien espero duten txapelketa baina aurtengo denboraldian taldea gertuagotik jarraitzeko asmoa du eta bidaiak antolatzen hasi dira: Zarautz –urtarrilak 30-, Valladolid –otsailak 13, Barakaldo –maiatzak 14- edo León –maiatzak 21-. Horrez gain, harrobiko taldeak animatzen ere saiatuko dira, batez ere euskal ligako senior, jubenil y kadeteak. Horrelako bidaiak ordaindu ahal izateko larunbat honetan Erreka Laranja peñak La Perlako Talasoterapian bi lagunentzako zirkuito bat zozketatuko dute euro baten truke.

05 Azaroa 2015

Legazpiarra da, 18 urte beteko dituena hile honen amaiera eta uda mugitua izan du, izan ere, bizitzak aldaketa ugari ekarri dizkio. Alde batetik, Fisioterapia ikasketak medio Bilbon bizi da eta kirol arloan, jubenila izanda euskal ligan aritzetik Zilarrezko mailan debuta egin du Ermuko Errotabarri taldearekin, Bera Berak lagunduta.
Ane Encina da, lehenengo lerroko jokalaria eta asteazkeneko Bidebietan agertzen da Bera Berako lehenengo taldearekin entrenatzera, Montse Puche eta Eider Rubioren zuzendaritzapean.
Aldaketa guzti hauek “ondo” daramala dio “gogorra izan arren” onartuz. Astelehena, osteguna eta ostirala Ermuan entrenaldiak ditu, Donostian asteazkenetan eta egunero Bilbora itzultzen da. Ikasten ere “ondo” dabil “aztekertak oraindik ez ditugu egin”.
Estatu mailako bigarren mailan aritzen da, Bera Berako entrenatzaile ohi Imanol Álvarezek zuzentzen duen Errotabarrin. Ane Encina azaldu du “denboraldiari hasiera ona eman diogu, uste baino hobeto, gure helburuan mailan gelditzea delako”. Sailkapenean laugarrenak dira, hiru garaipen, Amaia Azanzaren Beti Onak taldearen aurka galdu du bakarrik “ez dira gure ligakoak” eta lehengo larunbatean Gasteizen puntu bat urratu zuten azken segunduetan. Partidako sei gol baino gehiagorekin, taldeko golegile nagusiena da Ane Encina.
Donostiara Tania Yáñezekin dator “fabore handia egiten dit” eta beroketan gazteengana jotzeko ohitura du, Husillos, Lizarbe edo Maider Amilibia, egun horretan ere lehenengo taldearekin aritzen dena. Asteazkenak Montse Pucherekin egun gogorrak izaten dira, blokeak egiten dituztelako eta intentsitate handiz aritzen dira baina “gustora nago, pixkanaka moldatzen, gauzak ikasten eta fisikoki geroz eta hobeto”.
Jakina denez, Ane Encinak “mailaz koxka bat nabaritzen du, batez ere, erritmoan eta exijentzian”.