Bestalde, mutilen kadeteak Bidebietan La Salle Legazpi hartuko dute larunbatean 16etan.
Eta Legazpira egingo du bidaia Bera Berako senior taldeak, larunbatean Bikuñan 19,15etan La Salle Legazpiren aurka jokatzeko Xabier Elizetxea eta Jon Mendizabal gidaritzapean.
Bukatzeko, Zuazo Barakaldo ez du igande eguardian baino beste ordutegirik aurkitu euskal ligako kadete eta jubenil mailako partiden ordutegiak ezartzeko , Donostian EHFko itzulera norgehiagokarekin bat egingo duelarik. Horrela, kadete taldeak 10,30etan jokatuko du eta jubenil taldeak 12,15etan.
Bera Berako eraso jokual hutsuneak aurkitu zuen eslovakiarren defentsan, hiru kontraeraso baino ez zituen gauzate eta, akaso garrantzitsuena, orain badaki aurkariaren indarguneak eta gabeziak, astean zehar landu dituenak, aurrean Iuventa Michalove talde azkarra, kanpoko jaurtiketa indartsua duena baina, aitzitik, eslovakiarrek sufritzen duten arloetan eragin. Lehenengo lerroan Fucher edo Wollingerova zentralak zuzentzen dute jokoa, Chernova eta Fulkova albokoak, Perederiy pibotea eta Holesova eta Habankova hegalekoak Lafuente edo Medvedova atezainekin Eslovakiar txapeldunen zutabeak dira. Halere, Bera Berak baliabideak ditu bere jokua gelditzeko, kontraerasoak gauzatzeko bidea emango dutena edo pazientzia baloia ondo mugitzeko defentsan hutsuneak aurkitzeko.
Puche eta bere plantilla jokua ona eginez gero iraulketa posible dela sinisten dute. Gogoan, duela bi urt t’erdiko kanporaketa, 12 goleko tartea berdindu zuen Bera Berak Vistal Laczpol taldearen aurka. Donostiarrek Polonian gol gehiago sartu zutenez Errekopako final laurdenetara sailkatu ziren.
Bera Bera entrenatzaileak Eslovakiara bidaiatu zuten 13 jokalari eta Eider Lizarbe deitu ditu. Partida eguardiko 12etan hasiko da (ETB1), Maria Bennani eta Safia Bennani suediarrak zuzenduko dutena, Joao Costa portugesa EHFko delegatua delarik.Abonatuek sarrera libre izango dute eta gainontzekoek 8 euro ordaindu beharko dute, gazteek (12-18 urte) eta jubilatuek, lau.
EHFko hirugarren txandari dagokion joaneko partidan, Eslovakian ospatu zena lehengo igandean, Bera Berak porrota jaso zuen Iuventa Michalovce taldearen aurrean (34-29). Pucheren ustez “partida kontrolpean izan genuen baina taldeak ondo jokatu arren, azken minutuetan ihes egin ziguten eslovakiarrek, bakarrik jaurtiketetan kale egin genuen”. Horregatik dio bere jokalariek “guztia emango dute igandean Gaskan”. Partida 12etan izango da (ETB1), Maria Bennani eta Safia Bennani suediarrek zuzenduko dutena eta delegatua Joao Costa portugaldarra izango da.
Bere ustez, igandean Bera Berak pistara “disfrutatzera irten behar du, oso garrantzitsua da, bost goleko zama daramagu baina taldea arin baldin badago, gozatzen, lasai eta bost gol horiek kudeatzen aukera handiak ditugu”.
Era berean, Puchek zalegoei dei berezi bat bidali die. “Etxean jokatzen dugula nabaritu behar dugu. Eslovakian presio handia izan zen eta zaletuak ohiu ugari eta hori nahi dugu Gaskan, horregatik gonbitea luzatu nahi dut iganderako”. “Ziurtzat dute –jarraitzen du entrenatzaileak- eskubaloiarekin gozatuko dutela, taldeak guztia emango duela eta jendea goza araziko dugu Europako lehiaketa batean gainera”.
Aurkariaz galdetuta, hasteko “bere flair play eza” salatu du, izan ere, partida telebistaz zuzenean eskaini arren “ez digute bideorik eman”. Iuventa Michalovce taldeaz adierazi du “guk espero genuena egin zuen, halere, partidan ginen eta azken jaurtiketetan ez genuen asmatu eta hor ireki zen aldea baina Bera Bera hobea espero dut igandean”. Eslovakiarren jokuaz “kanpoko jaurtiketa” da bere kezka nagusiena, “bederatzi metroetatik haratago”, halere, astean zehar egingo duten lanarekin eta zalegoen babesarekin kanporaketa gainditzeko aukerak ikusten ditu Montse Puchek.
Bera Bera gaur arratsaldean entrenatuko da Bidebietan, bihar Gaskan; Iuventa Michalovce aldiz ostiral gauean iritsiko da eta larunbat arratsaldez entrenatuko da.
