Aurredenboraldiko lehenbiziko torneoak ezin izan du amaiera hobea izan Akaba Bera Berarentza, Bascharage (Luxemburgo) Txapledunen nazioarteko Leihaketan garaipena lortu baitu finalean Olimpija Ljubljana talde esloveniarra 32 eta 21 gaindituz.
Merezimendu osoz lortu dute donostiarrek txapelketa hau, bi egunetan sei partida jokatu ondoren, bakarra galdu izan dute, esloveniarren kontra aurreko faseetan, eta lortu dute finalean gainditzea. Garaipenaren oinarria defentsa izan da, baloi ugari berreskuratzeko aukera izan baitute, eta horrela kontraerasoak antolatzeko paradak sortu dira. Txapelketaz gain, Tati Garmendia izendatu egin dute Jokalaririk Onena.
Finalean, Akabak nekea kontrolatzen trebea izan da, eta markagailuan abantaila lortu dutenean, kapazitate handia azaldu du partidaren erritmoa kontrolatzeko, erabakitzen noiz korri egitea, eta noiz gelditzea. Hala eta guztiz ere, partidaren hasieran esloveniarrek lortu dute bi goleko abantaila, baina berehala donostiarrek lortu dute aurrean jartzea, eta atsedenaldian 15 eta 12 ziren aurretik. Bigarren zatian, 8-0eko partzialak lortu du Akabak eta bertan partidaren jabeak izan dira, eta lortu egin dute azkeneko hamar minutuak lasaiagoak izatea.
Zailagoa izan dute goizean finalerdiko partida, non 23 eta 19 gainditu egin zuten Trier talde alemaniarrak. Talde honek, duela hiru urte, donostiarren kontra jokatu zuen EHF Kopako 16.etako kanporaketa, eta Akabak penaltitan kanpoan utzi zuen talde germaniarra.
Talde honek oso boteretsua da kanpoko jaurtiketetan, eta partida hasieran zailtasuna izan du Karreresen taldeak defentsan aritzeko, bai jaurtiketak ez egoteko, eta baita pivotarekin egiten zituzten konbinaketak geldiarazteko. Horren ondorioz, lehengo zatian 3 goleko desabantaila izan zuten, baina atsedenaldian hamarna zen markagailuan.
Bigarren zatian, ordea, defentsa eta atezaina oso ondo aritu zen, eta horrek probokatu egin zuen kontraerasoak antolatzeko aukera gehiago izatea, garaipena lortzeko oinarrizkoa izan dena.
Txapelketa honetan izandako lan txukunak adierazten du orain arte egindako lana ildo honetik doala, eta Karreresek lortu egin duela taldea bat egiten, nahiz eta lau baja izatea Luxemburgon. Hurrengo astean, abuztuak 29 eta 31 bitartean, Bad Urach (Alemania) hirira joango da taldea Sika 08 Cup Txapelketan parte hartzeko. Txapelketa hau udako inportanteenetako bat da, eta bertan arerio boteretsuak izango ditu, halaber, Kometal (Macedonia), Goppingen (Alemania), Hypobank (Austria), Zvezda (Errusia), Brasov (Errumania), Byassen (Noruega) eta Bayer Leverkusen (Alemania).
Akaba Bera Berak bere aurredenboraldian izan dituen lehenbiziko emaitzak ezbedinak izan dira. Dena dela, Luxemburgoko Txapeldunen Lehiaketan estreineko jardunaldian itxura ona eman du talde donostiarrak, bere multzoan bi partida irabazi eta bestea galdu egin baitu.
Torneoari hasiera eman zion Akabak Schouweiler sedean, Besançon talde frantziarrari 21 eta 20 irabaziz, hasieratik bukaera dominatua izan zuen Reyes Karreresek zuzentzen duen taldeak. Zerbait aipatzekotan, esan behar da taldeak erakutsi zuen defentsa ona izan zela, eta erasoan ondo bukatu zituzten bere aukerak hegaletik. Atsedenaldian, donostiarren abantaila lau golekoa zen, eta bigarren zatia hasi bezain laister, lortu zuten bost goleko errenta izatea. Dena den, eta Akabak jaso zituen hiru exklusioen ondorioz, frantziarrek lortu zuten bi kontraeraso burutzea eta bi goletara jarri zen. Hala eta guztiz ere, garaipena Akaba Bera Berarentzat izan zen.
Jardunaldi luze honen bigarren partida RK Olimpija Ljubljana talde esloveniarraren aurka izan du Akaba Bera Berak, eta bertan lehenbiziko porrota jasan behar izan du, 21 eta 24koa izan zen bukaeran emaitza. Partida oso parekatua izan da, eta halaxe azaltzen zuen atsedenaldian emaitzak 10 eta 10ekoa zela. Nahiz eta bigarren zatian ezin izan zuen garapiena lortu, Akabak oso maila ona erakutsi zuen defentsan, batez ere pase lerroan eginikoa. Dena den, esloveniar talde boteretsuak lortu du azkenean garaipena partida honetan.
Ezinhobeto bukatu egin du taldeen faseak Akaba Bera Berarentzat, Trier alemaniarren kontra 21 eta 20 emaitzarekin garaipena lortu bait zuen, beste multzoarekin gurutzerakoan lehenbiziko postuan sailkatu delako. Partida hori irabaztekotan, lortuko du lehiaketa famatu honen finalerdietan sartzea. Garaipena lortzeko oso ondo antolatutako defentsa bat azaldu du, batez ere pase lerroak ezabatuz, eta erasoan talde jokoa izan da nagusiena, baloirik gabeko akzioetan oso ondo arituz, garaipena lortzeko Karreren taldearentzat.
Akaba Bera Berak 21 eta 16 irabazi egin dio Fémina Vissé talde belgiarrari, Luxemburgoko Txapelketen Lehiaketaren multzo ezberdinak gurutzatzen ziren partidan, eta horren ondorioz finalerdietarako sailkatzea lortu du, Trier alemaniarren kontra jokatuko duela.
Reyes Karreren jokalariak oso nekaturik zeuden, lau partida jolastu baitute jardunaldi beran, eta hori dela eta, Amélie Godjo pivote frantziarrak ezin izan du jokatu izterran kontratura bat izan duelako. Azkeneko egunetan jadanik arazoak izan ditu gorputz atal horretan.
Partidan abantaila nabarmenak izan ditu talde donostiarrak, lehenbiziko zatian 8 goleko diferentzia lortu izan duela. Bigarren zatian, ordea, abantaila mantentzea besterik ez du egin taldeak. Gainera, Akaba Bera Beran minutu asko izan dituzte Patricia Aisa eta Kattalin Olasagasti gazteak.
Bihar, 12tan, finalerdietako partida jokatuko dute Trieren aurka. Talde hau multzoen fasean gainditu egin zuen Karreren taldeak 21 eta 20. Txapelketaren finala arratsaldeko 6tan izango da.
Akaba Bera Bera taldeak gaur, ostirala, Luxemburgoko Bascharage herrira abiatu da, abuztuak 23 eta 24an bertan jokatzen den Txapeldunen Leihaketaren bederatzigarren edizioan parte hartzeko. Torneo honetan Europako txapelketetan parte hartuko duen hainbat talderen kontra jolastu behar izango du.
Torneo honetan donostiarrek jolastuko dute aurredenboraldiko lehenbiziko partidak, nahiz eta lanean egon abuztuak 1etik aurrera. Txapelketari aurre egiteko Reyes Karreresek lau jokalariren falta izango du; alde batetik Tervel eta Lacrabère frantziarrak Pekinen daude Joku Olinpikoetan; eta bestalde, hegaleko ezkertiarrak, Esme López eta Libe Altuna, beren lesioetatik errekuperatzen ari dira oraindik.
Partidak lau taldeko ligan izango dira, eta 40 minutuko iraupena izango dute, arerio guztien kontra jokatuz. Lehenengo ihardunaldian lau partida izateak eragingo du lan karga handiagoa izatea, eta iraupen murriztuak jokoaren erritmoa altuagoa izatera eramango du.
Abuztuak 23an debuta egingo dute Besançon (Frantzia) taldearen aurka, eta gero RK Olimpija Ljubljana (Eslovenia) eta Trier (Alemania) taldeen kontra jokatuko dute. Jardunaldia bukatzeko, beste multzoarekin gurutzatuko dira, eta honetan bertako Bascharage taldea izango da, Wien (Austria), TV Uster (Suitza) eta Fémina Visé (Belgika) ostauko dute multzoa. Hurrengo egunean sailkapen definitiboa ezagutzeko partidak izango dira.
Akaba Bera Berako entrenatzailea den Reyes Karreresek adierazi du “txapelketa honen helburu nagusia prestakuntzarekin jarraitzea da, liga hasieran momentu hoberenean egotearren”, baina azaldu du emaitza onak lortzekotan “kontutan hartzeko datu bat izango litzateke, gure sasoi prestakuntza bide onetik doala erakutsiko du”.
Hurrengo astean donostiarren aurredenboraldian beste torneo garrantzitsua izango dute, Alemanian Sika Cup `08 txapelketan parte hartuko baitute abuztuak 29, 30 eta 31ean. Uda txapelketa hau Europako izen handikoenetakoa da, eta Akaba Bera Beraz aparte, Kometal (Macedonia), Hypobank (Austria), Zvezda (Errusia), Byassen (Noruega), Brasov (Errumania) eta alemaniar Goppingen eta Bayer Leverkusen talde boteretsuak izango dira.
Karrerek argi utzi du aurredenboraldi europarrak “talde ezberdinen eta kalitatezkoen kontra jokatzeko aukera emango du, eta gainera partida ugari jokatuz”.
Talde donostiarrak aurredenboraldian jokatuko dituen partidak Irailak 3an bukatuko dira, Superliga ABF arerio bakarraren kontra, Barakaldoko BM Zuazo taldea, hain zuzen ere, maila gorenean berria den taldea eta hamar egun beranduago Akaba Bera Beraren kontra jokatuko duena ligaren hasieran.
Gaur abuztuak 1, ostirala, Akaba Bera Berak aurredenboraldia hasi du. Goizeko saioa taldearekin eta teknikariekin elkartzeko balio izan du, datorren denboraldiako helburuak eta planifikazioa aurkezteko, baino baita ere aurpegi berriak ezagutzeko. Arratsaldekoan, berriz, pistako lanari ekingo zaio, indarraren testak egin ondoren.
Lehenengo saio honetara Rafhaelle Tervel eta Alexandra Lacrabère falta izan dira, Frantziako Selekzioarekin baitdaude Pekín-en ospatuko diren Joku Olinpikoak prestatzen. Hilaren bukaeran etortzekoak izango dira.
Datorren denboraldiko helburua, azken urteetan eraikitako bideari jarraituz, parte hartzen diren lehiaketa guztietan lortutakoa hobetzen jarraitzea izango da. Horretarako, klubak beste urteetako taldea mantentzea lortu du eta hauei, hiru jokalari berri gehitu zaie.
08-09 denboraldiko plantila hau izango da:
Atezainak:
Johanna Bouveret y Patricia Aisa
Egalak:
Matxalen Ziarsolo, Verónica Valverde, Libe Altuna, Esme Lopez
Piboteak:
Zulai Ágirre, Amelie Goudjo eta andoaingo BM Leizaranetik datorren Kattalin Olasagasti gaztea eta internazionala jubeniletan
1º lerrokoak
Patri Pinedo, Tati Garmendia, Eider Rubio, Rafhaelle Tervel, Yolanda Sanromán eta frantziako gazte internazionala Alexandra Lacrabère
Bajak
Montse Puche, Natasa Krnic, Ana Petrinja e Ixone Minguez
Gauza berri bezala eta taldearen lehikortasunaren hobekuntza bilatzen, aurredenboraldi honetarako Akaba Bera Berak egingo dituen lagunarteko partida ia guztiak atzerrian jokatuko ditu. Europa mailan dauden bi torneo garrantzitsuetan parte-hartzearekin eta, Akaba bezala, beste talde guztiak ere europako txapelketetan daudenez, taldearen indarrak neurtzeko oso aproposa izango da. Bi torneo hauek oso partida motzak jokatzeagatik eta intentsitate handiakoak nabarmentzen dira.
Abuztuaren 24an eta 25ean Bascharage Torneo Interanzionalean parte hartuko da (Luxenburgo), bertan Rulmentul Brasov (Errumania), Trier (Alemaniarra) eta Besançon (Frantziarra) parte hartzen dute ere.
Abuztuaren 29, 30 eta 31an Akaba Bera Bera alemaniako Sika Cup’08 Bad Urach torneoan parte hartzeko gonbitea jaso du. Hau, esan daiteke europa mailan udan antolatzen den onenen artean dagoela. Bertan parte-hartzen dutenek oso talde garrantzitsuak dira Kometal (Mazedonia), Goppingen (Alemania), Hypobank (Austria), Zvezda (Errusia), Byassen (Norvegiarra) eta Bayer Leverkusen (Alemania)
Superliga ABFko taldeen kontrako lagunarteko partida bakarra, aurten igo berria den BM Zuazo Barakaldarraren kontra izango da irailaren 3an
