Europako lehia bukatuta, Akaba Bera Bera ligara itzultzen da. Oraingo honetan Itxako Navarra izango da aurkaria. Bi taldeen europako konpromisoak zirela eta, bihar asteazkena arratsaldeko 19:00etan Bidebieta kiroldegian, ligako atzeratutako jardunaldia jokatuko da.
Bi taldeentzako oso asteburu intentsoa eduki ondoren iristen da euskal derbia. Akaba Bera Bera Errumanian larunbatean jokatu ondoren eta Europako Errekopako finalera iristeko aukerak galduta europa mailan talde onenetariko baten aurrean. Itxako, berriz, lau goleko errentako desabantaila gainditu behar izanaren premia Dunaferr talde hungariarrari, EHFko finalera iristsi da eta hemendik zoriontzen dugu lortukako arrakastagatik.
Baino orain, bertako txapelketan murgildu behar da. Akaba Bera Bera erabat nekatuta iritsi da denboraldiko azken txanpa honetara. Hasieran jarritako helburuetan lehia guztietan pausu bat gehiago ematea baldin bazen, edukitako emaitzen arabera balantzea oso positiboa izan dela baloratu dezakegu. Superkopako txapelduna, Kopako txapeldunordea, Europako Errekopako semifinalista eta une hauetan, liga bukatzeko lau jardunaldi bakarrik geratzen direnean, bostgarren postuan finkatuta datorren urtean europako txapelketa jokatzeko aukera ematen duena. Ezin da gehiago eskatu klubaren historiako denboraldi bikainena eduki ondoren. Baino honek guztiak, jokalarien nekean eragina zuzena du. Plantilak lau lehiari aurre egin behar izan dio eta urtarrila geroztik ia-ia asteazkenero eta larunbatero jokatu behar izan du, bidaia luzeak barne.
Denboraldiko helburuak soberan bete izana, lasaitasunez eta azkeneko hilabeteetako presiorik gabe aurre egitea aukera ematen du biharko partida, ligako lehen jardunalditik bizitzen ez zen egoera bat. Honengatik guztiagatik, jokalariak berreskuratzeari lehentasuna eman zaio eta atzo, astelehena, taldea Zumaiako Talasoterapiara joan ziren eta gaur, asteartea, ohiko ez dena, entrenamendu bakarra egingo da Itxakoren kontrako aldez aurretiko norgehiagoka prestatzeko. Reyes Carrerek jokalari guztiekin kontatu ahal izango du, lesionatutako Libe Altuna ezik.
Aldiz, Itxakok asko du jokoan. Bere ibilbide bikaina, denboraldi honetan EHFko finalera iristetik aparte, ligako lehen postutik puntu bakar batera kokatzera eraman du ere. Beraz, bihar jokoan jartzen diren bi puntuak oinarrizkoak ditu Txapeldunen Ligan leku bat lortzeko borrokan jarraitzeko, baita ligako txapelketa irabazteko ere.
Akaba Bera Beraren ikaragarrizko garaipena Europako talde onenetarikoaren aurka, Rulmentul Brasov. Partida, Bidebieta kiroldegiko harmailak jendez leporaino bete zegoela ospatu zen, non, ateak itxi egin behar izan ziren partida hasi baino lehen. Goi mailako eskubaloi ikuskizunarekin gozatzeko Bidebietara bertaratu zen hamaika zaleturen gogoak erabat bete ziren. Jendeak etengabe animoak eman zuten eta donostiar taldeari lagundu zioten garaipena lortzen.
Bi talde handi neurtzen ziren. Alde batetik, etxekoak oso denboraldi bikaina egiten ari direlako eta bestetik, errumaniar taldea donostiara iristen zirela denboraldi honetan partida bat galdu gabe.
Aurrez, oso partida zaila zen Akaba Bera Berarentzat, norgehiagoka irabaztera behartuta zegoelako kanporaketa honetan aukeraren bat eduki nahi bazuen, itzuliko partida errumanian jokatzen baita. Hau zen helburu nagusia, irabazi. Eta bai lortu ere.
Garaipena lortzeko, oso defentsa onean oinarritu zen eta joku bizia erabiliz, bai kontraerasotan bai eraso posizionalean. Jokatutako abiadura azkarra ustekabean harrapatu zuen talde errumaniarra, oso defentsa gogorra erabili behar izan zuelarik, batzuetan gehiegizkoa, euskal taldeen erasoaldiak moztu ahal izateko.
Beraz, goi mailako eskubaloia bi taldeek eskeini zutena. Datorren larunbatean, apirilak 26, Errumanian egingo den itzuliko partidan erabakiko da nor izango den Europako Errekopako finalista. Hansen eta Pettersen norvegiar epaileak izango dira partida zuzenduko dutenek.
Beste finalerdietako kanporaketan, Larvik norvegiarra eta Prodavka kroaziarren arteko norgehiagoka, kroaziarren alde bukatu zen 29 eta 27ko emaitza estuarekin. Itzulikoa Norvegian jokatuko da datorren larunbatean arratsaldeko 16:15etan.
Akaba Bera Bera taldea une goxoak bizitzen ari da. Oraingo honetan, lortu dituen garaipenak aintzat hartuta, Eusko Jaurlaritzak banatzen duen EUSKADI KIROL SARIA merezi izan du 2007ko talde onena izendatzeko. Baino gainera, taldearen babeslea, MUEBLES AKABA S.A. Euskadi Saria lortu du ere Enpresa Babeslea egindako lanarengatik.
Bi sariak datorren apirilaren 22an, arratsaldeko 19:00etan, jasoko dira Lehendakaritzaren egoitzan Juan Jose Ibarretxe Lehendakaria eta Miren Azkarate Kultura Sailburuaren aurrean.
Kopako finala jokatu eta bi egunetara, Akaba ligara berriz itzuli behar izan du Leongo taldeari aurre egiteko. Hauek, donostiarrekin alderatuta, ez nekea ez eta presiorik gabe jokatzeko aukera eduki zuten. Partida honetarako Reyes Carrerek atsedena eman zion Tati Garmendiari eta Eider Rubiori, bada bi hilabete biak giherretako min garrantzitsuekin jokatzen ari direla. Beraz, ez ohiko jokalariei minutu gehiago ematea erabaki zen eta hauetatik Krnic gaztea oso ondo aprobetxatu zuen emandako aukera zazpi gol sartuz.
Partida erraz menperatu zuten hasieratik Akabako jokalariek, zazpi goleko errentara iritsi arte, baino bukatzeko hamar minutu falta zela nekea agertu zen eta Leon-ek oso ondo aprobetxatu zuen 5-0ko partziala egiteko.24 eta 23ko aldearekin minutu bat falta zela bukatzeko, Krnic-en kanpotik sartutako golari esker berdinketa lortu zen.
Cleba León: Cristina González, Carvalho (4), Cembranos, Milene, De Moura (5), Caño, Mugosa -hasierako zazpikoa-, Güedes, Cañon (1), Martínez (3), Rodríguez (2), Caño (3), Bent Salah (5), Valiente eta Arias (1).
- Akaba Bera Bera: Bouveret, Petrinja, Valverde (2), Tervel (1), Agirre (2), Krnic (7), Sanromán (1) -hasierako zazpikoa-, Aisa, Rubio, Alcoba, Pinedo (4), Esme López (2), Ziarsolo (3) eta Puche (2).
- Epaileak: Donado Arias eta Gardón Teixeira (Madrid). Leon-en aldetik kanporatu zituzten Demoura , Valiente eta Carvalho. Donostiarren partetik, berriz, Petrinja (2), Agirre (2) Ziarsolo eta Pinedo (2) kanporatuak izan ziren
- Markagailua bost minuturo: 12-1, 2-2, 3-5, 6-7, 9-9, 10-13 (atsedena), 11-13, 12-18, 15-19, 18-22, 23-22 eta 24-24 (amaiera)
Apirilaren 19an, larunbata, Europako Errekopako finalerdiko partida dela eta, Eskubaloiko Bera Bera klubak argazki erakusketa zabalduko du Akaba taldea gai hartuta. Argazki hauek Donostian kokatua dagoen Lanbide Heziketako DISEINU GRAFIKOKO CEINPRO zentruko ikasleek egindakoak dira.
Apirilaren 19tik 31a bitarte jarrita egongo da publiko guztiarentzat Bidebieta kiroldegiko pasiloetan
