Gaur 19:00etan Bera Bera eskubaloi taldeak Bidebietan 2010/2011 denboraldiko lehen partidu ofiziala jokatuko du, non Monovar Urbacasas taldea izango duen aurrez aurre. Alakant-eko taldea talde donostiarraren lehen biktima izan beharko luke.
Mar Alicanteren aurka ligaren lehen partidua galdu eta gero, Bera Berak gaurko lehia irabazteko beharra du. Goiz da beharretaz hitz egiteko, baina igo berria den Monovar Urbacasas, nahiz eta ondo fitxatu duen, ez da hain indartsua kale egiteko.
Pasa den asteko porrotak min egin zuen, nahiz eta bertan galtzea ein batean espero zen. Horregatik gure neskek gaurkoan garaipena bilatuko dute izotza hausteko, eta sentsazioak aurkitzeko. Zaleen animoekin errazagoa izango da. Aupa Neskak!
Bera Berak gaur denboraldiko lehen garaipena lortu du Monovar Urbacasas-en aurka, 27-23 irabazi ondoren Bidebietako Polikiroldegian. Horrela, lehen garaipena lortzeko helburua bete du, arerio zail baten aurka, oposizio gogorra eskaini zuena.
Nerbioak hartuta, taldea nahiko makal hasi zen erasoan, hainbat jaurtiketa huts eginez. Motel ibiltze honek markagailuan ikusi da, lehen zatian atzetik ibili baikara denbora askoan.
Hala ere, hasierako presioa utzita, Bera Berak aurrera egin du, eta atsedenaldira hiru goleko errentarekin iritsi da. Ikusitakoa ikusita, ez zen gutxi.
Bigarren zatian, donostiarrak abantaila kontrolatzen aritu dira, beti ere Beatriz Fernandez bikain batean eta Anna Punkon oinarrituta. Hala ere, hiru kanporaketa jarrain egon dira, eta honek min eman dio taldeari. Hori dela eta, arerioak bi goletara hurbildu dira, baina jada jokalari guztiak berreskuratzean, Bera Berak berriro ere abantaila argiagoa lortu du, azkenean 27-23 amaitu arte.
Horrela denboraldiko lehen garaipena lortu da, ligaren geldialdiari begira oso ondo datorkiguna. Hurrengo partidua urriaren 2an izango da Castron.
Bera Bera: Hasierako zazpikoa: Obein, rubio(2), punko(5), altuna(2), Aguirre (2), Ziarsolo(3), Bea fernandez(8). Carballo(1), Cunha(2), Menendez, Tomasevic, Melinda(2), Campa.
Monovar: Hasierako zazpikoa: Muñoz, Rodriguez(6), López, Martí (1), Gonzalez (3), Gerola (5), Vlaskalic(4). Martínez, Morales(2), Bjlelicic(2), López Jiménez, López Martín, Carrera.
Kanporaketak:
BBB:Carvalho (2). Rubio (1), Punko (1), Campa (2)
MU: Rodriguez(1), Blicici(1), Morales (2), Vlasckik (1)
Partzialak: 3-2, 3-5, 4-7, 7-8, 10-10, 14-11 (atsedenaldia) 15-13, 17-15, 20-17, 22-18, 25-21, 27-23
Epaileak: Casado y Vera (Andaluzia)
Bera Bera Eskubaloi taldeko Dara Carvalho jokalari brasildarra gaur ez da taldearekin entrenatu, sabeleko hainbat arazo direla eta. Horrela, bihar Monovar Urbacasas-en aurkako partidua galdu dezake hobera egiten ez badu.
Brasileko selekzioarekin askotan aritutakoa, Dara Carvalho Bera Berara aurten iritsitakoa da. Kalitate handiko pibotea da, liga bikain ezagutzen duena Elda-n eta Mar Alicante-n aritu eta gero. Bihar Reyes Carrere-ren aginduetara egotea espero dugu, eta horrela taldeak lehen garaipena lor dezan laguntzeko.
Espainiako selekzioak Beatriz Fernandez deitu du, uda honetan Bera Bera-ra iritsi berri dena, hurrengo astelehenean Pinton (Madril) kontzentratzeko. Irailaren 24tik 26ra Txekian ospatuko den txapelketan parte hartuko du, Europako txapelketa prestatzeko balioko duena.
Bere fitxaketa udako sonatuenetakoa izan zen, izan ere, kantabriar jokalaria estatuko onenetarikoa da. Alakant utzi eta Bera Bera-rengatik fitxatu baino lehen, espainiako eskubaloi selekzioarekin 80 aldiz baino gehiagotan aritutakoa da, besteak beste.
Oraingoan, Europeoa prestatzeko balioko duen txapelketa bat jokatzeko izan da deitua. Kontinenteko talderik onenak Danimarkan eta Norbegian egongo dira hurrengo abenduan, eta horregatik, liga urteko azken hilabetean gelditu egingo da.
Espero dugu Beatriz Fernandez bertan egotea, izan ere, horrek are eta interesgarriagoa egingo bailuke Europako txapelketa hau. Gainera, bere dohainetako bat golak sartzea da, eta horren lekuko dira orainarte estatuko selekzioarekin sartu dituen 209-ak. Lehenago bere kalitateaz Bera Beran gozatzeko aukera izango dugun arren, harro sentitzen gara gure jokalariei euren kirol ibilbidean aurrera egiten jarraitzeko aukera emateagatik.
Bidebieta auzoan bertan jaioa, ez da auzoko kluban bertan bakarrik
izan, baizik eta auzoan bertan bizi eta hezi egin du. Bere inguruneari
oso lotua, kirolean hasi zen Bidebieta eskolan. Hamar urte besterik
ez zituenean, izen bereko klubean sartu zen, eta ez du utzi 36
urte bete arte. Denboraldi bakar batean izan zen kanpoan, Osito
L´Elianan (Valencia), 98/99an.
Gazte mailan zegoenean, 90 urtean, ohorezko mailan egin zuen
debuta, eta hori izan zen ere kluberako lehenengo urtea goi mailan.
Bi hamarkada hauetan ihardetsi dituen lorpenak ugari izan dira, 104
aldiz internazionala, 15 urte baino gehiago Europako lehiaketetan,
hirutan irabazi egin du Erregina Kopa, Superkopa bat, eta 2008an
Macedonian lortu egin zuen zilarrezko domina Europa Txapelketan,
Espainiako selekzioa ordezkatuz.
Baina guzti hauek datuak besterik ez dira, eta ez zen legezkoa izango
horretan geratzea.
Tati duintasuna da, kalitatea, lehiaketa hutsa. Baina baita klubarekin
identifikazioa ere, kolore batzuetara leialtasuna, eta hori ez da
txantxetakoa gaurregungo goi mailako kirolean. Klubarekiko
leialtasuna behin eta berriz argi utzi egin du, eta horren azalpena
garbia izan zen taldearen entrenatzaile-jokalaria izan zenean, eta
gainera klubeko lehenengo titulua lortuz, 2006ko Erregina Kopa,
hain zuzen ere.
Urteotan zaletuek izugarri disfrutatu egin dute bere jokaeraz,
bere duintasunaz, eta azkenean jokalari izateari utzi egin dio, baina
amaiera bat izanda ere ez da agur bat izango.
