Bera Bera Eskubaloiko arduradun Tati Garmendiak gaur goizean Bidebieta kiroldegia Ana Temprano atezaina aurkeztu du, datorren denboraldia Yamiley Rodríguezekin batera atea osatuko duen jokalaria.
29 urteko oviedoarra, Balonmano Gijon taldean lau urte eman zituen ohorezko mailan, Castro Urdialesen bi, Ucam Murcian, bat eta aurten Zuazo Barakaldon. “Ilusionaturik” dagoela dio, “Ligako txapeldunaren deia ez delako ohikoa eta erronka handia da Darly ordezkatzea”.
Ana Tempranok onartu du “buruan beste gauza batzu nituelako pentsatu nuen, nire Fisioterapia ikasketak esate baterako”, baina gaineratu du “ezin nuen horrelako aukerarik pasatzen utzi, berriro pasatuko ez delako”.
Egon den taldeak jaitsiera postuak ekiditzea zuten helburu, halere, Ana Temprano atepean talde horiek ez zuten mailarik galdu eta Tati Garmendiak azpimarratu duen bezala “gainera, bere ekarpenari esker Ucam Murcia eta Zuazorekin Kopa jokatu du”, final-laurdenetan Bera Beraren aurkako partida bikaina jokatuz. Anari irria atera zaio, “bai, egia esanda, oso ondo atera zitzaidan, gutxitan emango den maila hura”.
Bera Beraren inguruan, asturiarrak “Ligako betiko taldea da, goiko lehian urte asko daramana eta super-Itxakok baino ez zuen iaz gainditu”. Horregatik, “hiru txapelketekin balioa frogatu du”.
Atezainak “mentalitate aldatu behar dut, eta asko, liga irabazteko eta Europan jarduteko” baieztatu du. Bere ustez, “Bera Berak betiko ideiarekin jarraitzen du eta nabaritzen da, etxeko jendea mantenduz gaur egun ligako gainontzeko taldeak baino urrats bat gorago dago”.
Ana Tempranok “Bera Berak atea eta defentsa azpimarratzen ditu eta horregatik onartu nuen eskaintza. Nire ustez partidak irabazteko gakoak dira, erasoan golak sartu baino garrantzitsuagoa da golak ez jasotzea” onartu du.
Larunbat arratsaldean jokatu zuen Usurbilgo Oiardo kiroldegian Aiala Zarautz taldearen aurka eta 15-22 irabazi zuenez, Bera Bera Egia Jubenil taldeak Gipuzkoako Kopa eskuratu zuen. Zorionak neskak, Tati Garmendia entrenatzaileari eta Verónica Valverde harrobiko koordinatzaileari.
Atzo bidai luzea burutu ostean, Galizan da Euskadiko selekzioa txapelketa bat jokatzeko asmotan. Bera Berak datorren denboraldirako fitxatu berri duen entrenatzaile Imanol Álvarez da hautatzailea eta zerrendan dira Alba Menédez, Nagore Arizaga, Uxue Ezkurdia eta Esther Arrojeria.
Euskadik gaur arratsaldean jokatuko du bigarren final-erdia Galizaren aurka Carballo herrian 20,30etan eta aurretik Italiak eta Kataluniak irekiko dute topaketa 18,30etan. Bihar, igandea, finala 13etan izango da eta 3. eta 4. posturako norgehiagoka, 11etan.
Hau da deialdia osatu duten jokalariak:
• Nagore Odriozola – AIALA ZARAUTZ KE
• Lide González Txabarri – AIALA ZARAUTZ KE
• Maite Alcoba – AIALA ZARAUTZ KE
• Oihane Gómez – TECNIFUELLE ELGOIBAR
• Ainara López – TECNIFUELLE ELGOIBAR
• Cindy-Lur Birberg – TECNIFUELLE ELGOIBAR
• Maialen Mujika – BM PORRIÑO
• Nagore Arizaga – BERA BERA
• Alba Menendez – BERA BERA
• Esther Arrojeria – BERA BERA
• Uxue Ezkurdia – BERA BERA
• Ixone Minguez – ERMUKO ERROTABARRI
• Lorea Arrizabalaga – ERMUKO ERROTABARRI
• Ariane Gayoso – ERMUKO ERROTABARRI
Entrenatzailea: Imanol Alvarez
Entrenatzaile Laguntzailea: Olatz Arrarte
Zuazo Barakaldo eta Kukullagak ez dituzte jokalariak Bizkaiko Kopa jokoan dutelako.
Asteburua gaur irekiko du Egia Bera Bera senior taldeak Oñatiko Zubikoa kiroldegian Aloña Mendiren aurka 20etan, Gipuzkoako kopako jardunaldian.
Eta bihar Bera Bera Egia jubenil taldeak Gipuzkoako kopako finala jokatuko du Usurbilgo Oiardo kiroldegian 16etan Aiala ZKE taldearen aurka.
Bera Bera Eskubaloiak Ana Temprano atezaina fitxatu du datorren denboraldirako.
29 urteko asturiarra, Zuazo Barakaldo taldean jokatu du aurten. Aldez aurretik Balonmano Gijón taldean lau urte eman zituen, Castro Urdialesen beste bi eta Ucam Murcian bakarra.
Datorren astean Bidebieta kiroldegian aurkeztuko den Temprano, Yamiley Rodríguezekin batera izango dira Bera Beraren datorren denboraldiko atezainak.
