Bera Bera - Berriak

02 Urtarrila 2014

Urola Kirol Elkarteak antolaturik, Urretxu eta Zumarragako udalen laguntzarekin, Zumarragako Ispilla kiroldegian burutuko da urtarrilarren 4 eta 5ean emakumeen eskubaloiko 2014ko Euskal kopa Aiala Zarautz, Kukullaga Etxebarri, Zuazo Barakaldo eta Bera Bera taldeen partaidetzarekin. Gaur eguardian Zelai Arizti kultur etxean aurkeztu da txapelketa Zumarraga eta Urretxuko alkateak bertan zirela, Mikel Serrano eta Oihane Zabaleta; Euskal eskubaloi federazioko presidente José Manuel Ruiz de Cenzano; Urola K.E. eskubaloi arloko presidente Jon Mendia eta Bera Bera ordezkatzen, bigarren entrenatzaile Martin Larrañaga. Horrela, larunbatean 16,30etan lehenengo final-erdian izango dira Aiala Zarautz eta Kukullaga Etxebarri taldeak. Ostean, 18,30etan, Bera Bera eta Zuazo Barakaldoren txanda izango da. Irabazleek elkar ikusiko dute igandeko finalean, 11.30etan. Partida guztiak Zumarragako Ispilla kiroldegian ospatuko dira. Aurkezpenean, Zumarragako alkate Mikel Serranok “udalentzako oinarrizko kirola sustateaz gain, emakumeen elite mailako euskal kirolara hartzeko” aukera azpimarratu du. Urretxuko alkate Oihane Zabaletak azpimarratu du “emakumeen kirolarako ereduzko kirolariak gertu izatea garrantzitsua da”. Bestetik, José Manuel Ruiz de Cenzanok eskertu die udalei izandako “inplilazioa” eta, era berean, berretsi du Federazioak egin duen “emakumeen eskubaloiren aldeko apustua” eta Jon Mendiak “publikoari ikuskizunaz gozatzeko” eskatu dio. Bera Beraren izenean, bigarren entrenatzaile Martin Larrañagak, bi udalei eta Urola Kirol elkarteari Euskal Kopa antolatzeagatik eskertzeaz gain, txapelketaren garrantzia azpimarratu du, izan ere, “oso ondo etortzen zaigu taldea Ligarako prest jartzeko”. Urtarrilaren 11n Ligara itzuliko da Bera Bera sailkapenean bigarrena den Helvetia Alcobendasen aurka “eta Zumarragara prest diren jokalari guztiekin etorriko gara, horien artean duela bi aste jokatzerik izan ez zuen Matxalen Ziarsolo eta Eli Pinedo eta Patricia Elorza internazionalak”. Argazkian: Martin Larrañaga, Ruiz de Cenzano, Serrano, Zabaleta eta Mendia.

31 Abendua 2013

Bera Bera aurreneko aldiz emakumeen eskubaloi Ligako txapelduna sortatu zen urtea badoa. 2013an Liga, Kopa eta Superkopa eskuratzeaz gain –denboraldi berean Gipuzkoan lehenengo aldiz- Europako goreneko txapelketan Champions Leagueko multzoen fasean debuta egin dute gipuzkoarrak. Urte historikoa, zalantzarik gabe, Gipuzkoako Kirol Kazetarien Elkarteko urteko galan ez ezik Teledonosti nahiz Onda Ceroko ekitaldietan ere horrela adierazita gelditu izan da. Aurten jokaturiko Ligako 26 partidatan, -12-13 denboraldiko 16 norgehiagoka eta egungo hamar- porrota bakarra jasan izan dute donostiarrek. Valentzian izan zen (25-23). Halere hurrengo sei partidak irabazi eta Castro Urdialesen eskuratu zuen Liga maiatzean. Egungo denboraldian, gipuzkoarrek guztia irabazi dute estatuko txapelketatan. Irailaren 4ean Superkopa BM Rocasari eta Ligako hamar jardunaldiak, besteak beste, A Guardan eta Bidebietan Rocasa eta Elche gaindituz. Bera Berak ere 2013ko Kopa bereganatu zuen sufritzen jakin izan zuelako. Otsailean A Guardan eta Porriñon ospatu zen txapelketan Zuazo luzapenean gainditu zuen, Elche Munstang taldearen aurkako partida irauli egin zuen eta gol bakar batez irabazi zion Rocasai finala. Europan, iraulketa historikoa Europako partaidetzaren inguruan, Cup Winners’ Cup txapelketan Bera Berak hamabi goleko desabantailari aurre egin zion Serbiako Mundialean Poloniarekin laugarren gelditu diren hainbat jokalari zituen Vistal Laczpol Gdynia taldea, alegia. Ondoren ezin izan zuen Alemaniako Thüringer taldeari aurre egin final-laurdenetan. Champions League Ligako txapeldun gisa, Bera Berak Champions Leagueko multzoen fasera lortu zuen txartela zuzena. Bertan Larvik azpitxapelduna, Mazedoniako Vardar indartsua eta Kroaziako Podravka Vegeta izan ziren aurkariak. Aurreneko partidan, Bera Berak Vardar estutu zuen, Serbiako selekzioko –azpitxapelduna- gidari den Lekic jokalariak ardura hartu zuen arte. Debutariek horrelakoetan ordaindu behar duena ordaindu zuen Kroazian Bera Berak eta bederatzi goleko aldea erabakiorra izan zen. Norvegiarrak eta Mazedoniako taldeak gaindiezinak, kroaziarrak eta euskaldunak Cup Winners’ Cupera txartela jokoan izan zuten Gaskan. Bera Bera 28-19 nagusitu zen, balentria lortzeko hiru gol falta zirela. Halere, oso paper duina Bera Berarena Champions Leaguen, partida bat irabazi lortuz eta gol gutxien jasotzen, zortzigarren taldea. Agurrak Aurten Reyes Carrerek entrenatzeari eta Eider Rubio eta Libe Altuna jokatzeari utzi diete. Horrez gain, Frantziako Fleuryk Darly Zoqbi fitxatu zuen eta Bidebietara etorri dira Imanol Álvarez entrenatzailea, Ana Temprano atezaina eta lehenengo lerrorako, Ana Martínez. Emaitza, ezinhobea. Entrenatzaileak eta taldeak segituan elkar ulertu dute, Temprano oso denboraldi ona burutzen ari da eta bi hilabetetan Ana Martinezek kalitatearen berri eman du. Elxetarra esker bizkarra berreskuratzen lanean ari da. Vero Cuña eta Yamiley Rodríguezen lesioek minutuak eman dizkie lau jokalariei, dagoeneko lehenengo taldean direnak. Esther Arrojeria eta Uxue Ezkurdiak aurreneko denboraldian minutuak izan zituzten eta aurten debuta egin duten Maitane Etxeberria (16 urte) eta María Akuña atezaina. Eskuin hegalak etorri galanta dauka (21 gol Ligan eta Larviken aurka, titular). Atezainak ondo baino hobeto erantzun zion egoera zail bati, Castelldefelsen Temprano ordezkatu behar izan zuen bigarren zati osoan markagailua berdintuta. Azken agurra, tristea izan da. Abenduan, Adriana Castrok kontratua eten egin zuen senide arazo larriak direla eta. 2014: hasiera zaila Iaz bezala, Bera Berak urteko hasiera gogorra izango du. Halere, egoera ezberdina da. Iaz, garai honetan, hirugarrena zen, Rocasa liderra bi puntuta zuen eta Elche puntu bakarrera. Halere, lehenengo itzulia buruan amaitu zuen Kanarietan irabazita eta Elchek Alcobendasen galduta. Oraingo honetan, lider hartuko du –hiru puntuko aldea- Helvetia Alcobendas bigarren sailkapenean, Bidebietan urtarrilaren 11n Ligara itzuliko dena. Otsailaren 1ean Mecalia Guardes izango da Donostian eta bigarren asteburuan Kanarietara abiatuko da. Ligarako partida erabakiorrak izan daitezke. Horretarako, urtarrilarren 2tik aurrera, baliabide urratuei ahalik eta etekin handiena ateratzen saiatuko dira Imanol Álvarez eta Martin Larrañaga entrenatzaileak. Aurredenboraldiko lehenengo egunean ziren Cuña, Yamiley, Nitsan, Ana Martínez eta Castro ez dira izango epe motzera. Horregatik, harrobiara helduko diote eta gaur amaituko den 2013. urtean bizitakoa berriro gozatzeko gogoak lagungarria izango da. Oporretarako egun batzuk izan ostean, nahiz eta ariketa batzuk bete behar izan, urtarrilaren 2an itzuliko da taldea entrenaldietara. Eta bertan izango dira Eli Pinedo eta Patricia Elorza internazionalak, Serbia Mundialean izan ostean. Azkenik, lerro hauen bitartez, Bera Berak 2014 urte zoriontsua opa nahi dizkie taldea gertutik bizi duenari.

27 Abendua 2013

Gipuzkoako Kirol Kazetarien Elkarteak bart Donostiako Amara Plaza hotelean ospaturiko XXV. Edizioko galan Bera Bera Eskubaloia izendatu zuten 2013ko klubarik onena.
Liga, Kopa eta Superkopa eskuratzeaz gain, Europako goreneko txapelketan, Champions Leaguen alegian, paper duina egiteak pisuzko argudioak izan ziren kazetari gehienentzako sari nagusiena Bera Berari emateko. SabadellGuipuzcoano presidente Javier Echeniquek eskeini zien garaikurra Fernando Diez Mintegi presidente eta Matxalen Ziarsolo kapitainari.
2013. urteko kirolari onena saria jasotzeko zerrendan ziren Errealeko futbol eta belar hockey taldeak, Gipuzkoa EHU saskibaloi taldea, Basozabal golf kluba, Hondarribia Arraun elkartea eta Ampo-Ordizia rugby taldea.
Sari nagusiaz gain, Kirol Elkarteak esker ona adierazi die Ander Vilariño pilotuari, Juanjo Aranburu tiratzaileari, Mirene Etxeberria arku-tiroko kirolariari, Leire Olaberria txirrindulariari, Naroa Agirre eta Asier Cuevas atletei, Snowoboardeko Lucas Egibari, Asier Illarramendi futbolariari, Julen Olaizola eta Mikel Motos saskibaloilariei, futboleko 21 urte azpiko Julen Lopetegi hautatzaileri, Miguel Ángel Pérez Lasa futboleko epaile-ohiari, Jaime Caballero igerilariari eta Ainhoa Olarra golfistari.
XXV edizioa izanik, Kirol Elkarteak elkartu zituen atzoko galan beste urtetan sari nagusia jaso zuten kirolariak, besteak beste, Bidasoa, Luis Arconada, Zamora, Txema Olazabal, Andrés Vilariño, Marino Lejarreta, Abraham Olano, Joseba Beloki, Richard Oribe, Leire Olaberria, Patxi Usobiaga eta Aritz Aranburu. Historia handiko argazkian kokatu da atzotik Bera Bera Eskubaloia.
Argazkian, saria jaso zuten kirolari guztiak.

26 Abendua 2013

Maria Gracia entrenatzailearen gidaritzapean, gaur goizean Bera Bera Eskubaloiaren Gabonetako Kanpusak lehenengo eguna bizi izan du hamaika gazte parte hartu dutelarik, mutilak gehienak. Bidebieta kiroldegiko pistan jokuak eta partidekin osatu dute goizeko lehenengo zatia eta hamaiketako ostean, jokuak pilotalekuan burutu dira. Bertaratu dira eta partaide izan dira ohorezko mailako taldeko kapitain Matxalen Ziarsolo eta Udane Rodríguez, Maialen Husillos eta Irati Kamio harrobiko jokalariak. Kanpusak bihar eta etzi jarraituko du eta igandean, abenduaren 29an, amaituko da.

23 Abendua 2013

Ez zen asteburu ona izan Bera Beraren harrobiarentzat. Senior taldeak, larunnbat arratsaldean Zarautzen puntu bakarra eskuratu zuen Aiala ZKEren aurrean (18-18).
Lurraldeko kadete mailako taldeak galdu zuen Josean Gasca kiroldegian Aloña Mendi B taldearen aurka jokatu zen partida (21-24).
Euskal Ligan, oso joku ona burutu zuen Bera Bera jubenil taldeak baina ordu laurden iraun zuen. Ondorioz, Autobuses Juantxu Kukullaga liderrak (18-26) gainditu zituen donostiarrak. Era berean, kadete taldeak 11-32 galdu zuen bizkaitarren aurka.
Argazkian (Juan Antonio Garaikoetxea): Ana Rodríguez jubenil jokalaria.