Bera Bera Eskubaloia eta Aitor Etxaburu adostasun batera iritsi dira, entrenatzaile gipuzkoarrak 2014-15 denboraldian taldea zuzenduko duelarik.
Eskubaloiko arduradun Tati Garmendia eta Aitor Etxaburu bera komunikabideen esanetara jarriko dira bihar ostirala, ekainak 6, 12,15etan Bidebieta kiroldegian.
Hilabete honetan 48 urte beteko duen eirbartarra, Hondarribian bizi dena, entrenatzaile gisa Etxaburuk Bidasoa eta azkeneko lau denboraldietan Helvetia Anaitasuna zuzentu ditu, Iruñako taldea Zilarrezko mailatik igo eta aurten Errege Kopako lauko finalean kokatu du.
Elgoibarko Olaizaga kiroldegian jokatu arren, bertako Astigarraga Gys Sport taldeko pistan, hain zuzen, Bera Berako jubenilek hasieratik amaierara Gipuzkoako Kopa bereganatu zuten.
Verónica Valverderen jokalariak atsedenaldira 13-3 iritsi ziren eta bigarren zatian ondo baino hobeto kudeatu zuten abantaila, amaieran 23-15 nagusituz. Zorionak!
Union Artesanak gonbidaturik, Bera Bera Eskubaloiko plantillak, Fernando Diez Mintegi presidenteak eta eskubaloi arloko arduradun Tati Garmendia barne, Donostiako Alde Zaharrean afari oparo batekin itxi du denboraldia.
Elkarte historikoak Danborradan arriadara gonbidatu zuen Bera Bera, Matxalen Ziarsolo kapitainak gogo handiz bete zuena.
Harrera aurretik, plantillak azken entrenaldi saioa burutu zuen Bidebieta kiroldegian. Atzean, hamar hilabeteko lana eta sensatzio ugari, izan ere, intentsitate handiko denboraldia izan da, 2013ko abuztuaren 5ean hasi zena Josean Gaska kiroldegian egin zen topaketan.
Denboraldia zehaztasunez azaldu aurretik, Bera Berak guztira 38 partida ofizialak jokatu ditu (Superkopa, Ligako 26, Champions Leagueko sei, Erreginaren Kopako hiru eta Euskal Kopako bi), horietatik, 29 irabazi ditu, bakarra berdindu du (Ligako azken partida Leonen) eta zazpi galdu ditu (Ligako bi eta Championseko bost). Ondorioz, lau titulu eta Champions Leagueko partaidetza duina eta historikoa.
Hemendik aurrera, lan ugari gauzatzeke dago. Imanol Álvarezek Bera Bera entrenatzeari uko egin zionez, klubak entrenatzaile berria izendatu behar du eta zentzu horretan mugitzen ari da. Bestetik, Tati Garmendiaren asmoa da azken urteotako jokalari multzoarekin jarraitzea, nahiz eta oraindik ere bajaren bat egon eta, azkenik, klubak enpresei bere plataforma eskaintzen jarraitzen die babesleak gauzatzeko arrakastak mantentze aldera.
Bera Bera jubenil taldeak Gipuzkoako kopako finala izango du jokoan bihar Elgoibarko Olaizaga kiroldegian. Aurrean bertako Astigarraga Gys Sport, pista bere alde izango duena.
Donostiarrak eta elgoibartarrak multzo bakoitzako líder gelditu dira. Bi taldeek bost partida irabazi dituzte, Bera Berak Elgoibarko taldeak baino bederatzi gol gehiago sartu du eta 16 gutxiago jaso.
Bestetik, Irati Kamio eta Elene Vázquez bihar Gipuzkoako selekzioarekin Oñatin bertako jubenil mailako Aloña Mendiren aurka arituko dira.
Bukatu berri den denboraldian, behin lehiaketa hasita zegoela, Champions Leaguek lauko finala antolatu zuen garailea erabakitzeko, hau da, Budapesten elkartu ziren Main Round delakoan izan ziren lau talderik onenak garaikur preziatuena lortze aldera. Finalerdietan alde batetik izan ziren Györi eta Danimarkako FC Midtjylland eta, bestetik, Buducnost eta Vardar –Bera Beraren aurkaria izan zena multzoen fasean -. Györi bigarren aldiz Championseko garaile sortatu zen aparteko kirol ikuskizun batean.
Datorren denboraldiari begira, lehiaketa sistema aldatuko da. Alde batetik, Hungariak eta Danimarkak bakarrik izango dituzte bi talde Champions League hasieran, gainontzekoek Ligako txapeldunak izango dira, nahiz eta federazioek aukera izango dute gonbidabenak luzatzeko.
Oraindik ez dute multzoen osaketa (zerrenda buruak e.a.) ezagutzera eman. Multzoen fasean 12 talde kokatuko dira zuzenean eta gainontzekoak irailaren 20-21ean ospatuko diren kanporaketatik aterako dira, ondorioz, orain arte bezala, lau taldez osaturiko lau multzo planteatzen dira.
Beste nobedadea izango da, jardunaldia ostiralean jokatu ahal izatea. Horrela, multzoen fasea urriaren 17-19an hasiko da, sei jardunaldi jarraian burutu ostean, azaroaren 21-23an amaituko delarik. Aldaketa azpimarragarriena da multzoko aurreneko bi sailkatuaz gain hirugarren sailkatuak ere Main Round delakoan parte hartuko duela eta laugarren sailkatuak Cup Winners’ Cup jokatuko duela.
Aldaketa nabarmena da. Championseko multzoen fasean aurreneko aldiz izanda, Bera Berak partida bat irabazi zuen (Podravka Vegetari 28-19) eta hiru gol bestetik hirugarren sailkatuatik urrundu zuten. Eta laugarren izanda, Europatik at galditu zen.
Ondorioz, Eukopako eredua hartzen du hurrengo Championsak. Sei taldez osaturiko bi multzo izango da datorren urteko Main Round delakoan. Sailkapenean sailkatu diren taldeen aurka lorturiko puntutak besterik ez dira kontutan hartuko, urtarrilaren 30ean hasi eta martxoaren 13-15ean bukatu dena. Beste multzotik etorritako taldeak izango dira aurkariak, hau da, beste sei partida, hiru bidai eta beste baldintza batzuk (telebistazko produkzioa, eskubaidea, e.a.).
Main Roundetik zortzi talde pasatuko dira hurrengo fasera (multzo bakoitzatik, lau). Final laurdenak apirilaren 3-5ean izango da joaneako eta apirilaren 10-12an itzulera (multzo bateko irabazleak laugarrena izango du aurkari eta bigarrenak, hirugarrena). Maiatzaren 2-3an burutuko den Lauko finalera pasatuko dira irabazleak.
