Bera Bera - Berriak

22 Uztaila 2014

Emakumeen Ohorezko mailari dagokion Ligako egutegiko lehengo jardunaldia ezagutzera eman etan handik minutu gutxira, Bera Bera Eskubaloiaren izena Vienan agertu da, EHF Cupeko hirugarren kanporaketako zozketan, hain zuzen.
Donostiarrek lehenengo partida etxean jokatuko dute, azaroaren 15-16an bigarren txanda gaindituko duen taldearen aurka, Italiako txapeldun Jomi Salerno edo Islandiako IBV, Ligan finalerdietara iritsi zen taldea. Italiarrek zein islandiarrek Salernon elkar ikusiko dute urriaren 18-19an eta itzulera Islandia hegoaldean uharte batean dagoen Vestmannaeyjar hirian, urriaren 25-26an.
Eskubaloian Islandia erreferentzia handiko herria izan arren, IBV taldeak eskarmentu gutxi du Europan. Bi aldiz baino ez da izan bertan: 2000-01 denboraldian EHFn eta 2003-04an Challenge Cupean, finalerdietara iritsi zelarik. Ligan azkeneko hiru denboraldietan hirugarren gelditu da Liga erregularrean, play-offean final atarian geldituz.
Italiako txapeldun Jomi Salerno, aitzitik, 2000.ko lehenengo hamarkadan askotan aritu zen Europan. Iaz Champions Leagueko prebia antolatu zuen Salernon –Napolitik 55 kilometrotara-, eta WHC Vardar, Rostov eta Fleury talde handiak hartuz. Mazedoniarrek eta errusiarrek ez zuten kupitu. Ostean prebian nagusi izan zena eta Championseko Bera Berako aurkari Vardarrek 35-16 gainditu zuen Jomi Salerno eta hirugarrena izateko partidan, Rostovek 41-18.
Ondorioz, Cup Winners’ Cup jokatu zuten italiarrek, Spono Nottwil suizarra mendean hartu zuten (61-42) baina hirugarren kanporaketan Norvegiako Tertnes Bergen taldearen aurka galdu zuten (49-58).

EHF 2014-15

21 Uztaila 2014

Zozketa eguna biharkoa, Espainiako Eskubaloi Federazioko egoitzean goizeko 11etan hasiko da Emakumeen ohorezko mailako ligako egutegiarena. Lehiaketa irailaren 13an abian jarriko da eta 2015eko maiatzaren 30ean amaitu. Bestetik, bihar eguardia baino lehenago jakingo du Bera Berak EHFko aurkaria, izan ere, Vienan burututuko den zozketan azaroaren hirugarren txandari dagokion kanporaketa ere ezagutuko baita (joanekoa, 15-16an eta itzulera, 22-23an). Bertan 41 talde izango dira. Azaroan lehiaketari helduko dioten 23 taldeen artean dira gipuzkoarrak, ondorioz, gainontzeko 18 taldeek urrian kanporaketa jokatu beharko dute. Gainera, EHFk ezarritako rankingaren arabera Bera Bera bostgarren taldea izanik, aurkari zaileenak saihestuko ditu: Lada, Rostov eta Astrakhanochka errusiarrak, Buxtehuder eta Bayer Leverkusen alemaniarrak, Erdi HC eta Dunaujvarosi hungariarrak, Corona Brasov eta Dunarea Braila errumaniarrak, Danimarkako Esbjerg eta Tvis Holstebro, Pariseko Issy edo Rocasa kanariarra. Halere zozketan maila handiko taldeak gelditzen dira eta saihestu beharreko bidaiak. Bihar bertan kanporaketa osaturik gera daiteke edo urriko kanporaketaren zain egon beharko luke Bera Berak. Lehenengo kasuan aurkari gisa izan daitezke Mazedoniako Vardar (Championsen aritzen den filiala), Amsterdameko Succes Schooonmaak, Stabaek norvegiarra, Poloniako Metraco Zaglebie Lubin, Portugaleko Alavarium Love Tiles, Esloveniako GEN Zagorje edo Suediako Lugi Lund. Donostiarrek Skopje bezalako zailtasun handiko bidaiak ez dituzte nahi ezta ere Poloniako azpitxapeldun edo Esloveniako bezalako aurkariak. Aurreneko kanporaketari ekin behar dioten taldeen mailari erreperatuz, Eslovakiako Iuventa Michalovce agertzen da, gainera bidai ez eroso bati helduta, eta korapiloz beteriko beste hainbat desplazamendu: Ukrainia (Eslovakiako muga ondora), Bielorrusia, Faroe Irlak edo Islandia.

21 Uztaila 2014

Bera Bera Eskubaloiak plantilla osatzen jarraitzen du lehenengo lerroko bi jokalariekin, Maialen Múgica zarauztarra fitxatuz eta Ana Martínez elxetarrari kontratua luzatuz, ohorezko mailan jarraian 25. denboraldiari ahalik eta ondoen heltzeko.

Maialen Múgicak 23 urte berri bete ditu, 1,75 m. altuera du eta azkeneko hiru denboraldietan BM Porriño taldean jokatu du. Azken urte honetan erasoan ardura gehiago hartu du, Ligan ia ehun goletara iritsita.
Bestetik, abenduan 23 urte beteko dituen Ana Martinezek kontratua luzatu du Bera Berarekin. Elxetar hegalekoak iaz iritsi zen Bera Berara eta bere ekarpena erabakiorra izan zen tituluak lortzeko. Ana Martínezek liga sei partida eta Champions Leagueko hiru norgehiagoka galdu zituen Espainiako selekzioarekin sorbaldan izandako luxazioa dela eta. Ondorioz, kluba ziur da jokalariak aurten gehiago emango diola taldeari.
Jorge Dueñasen azken deialdietan izan da Ana Martínez. Orain, Unibertsitateko selekzioan izango da Maialen Múgica eta María Núñez bezala. Hirurak Pontevedran egon beharko dute uztailaren 27an, Guimaraesen abuztuko lehenengo astean burutuko den Unibertsitate mailako Mundiala prestatzeko.
Argazkian (Iris González): Ana Martínez eta Maialen Múgica, aurrez aurre.

18 Uztaila 2014

Bera Berako entrenatzaile Aitor Etxaburuk eta Esther Arrojeria jokalariak Gipuzkoako Kirol Egokituen Federazioarekin bat egin dute gaur eguardian Hondarribiko hondartzan, ‘Oztoporik gabeko bainua’ egitasmoaren aurkezpenean.

Programa honen bitartez, mugimenduak murriztuta dituzten pertsonei, ezintasunagatik nahiz adinagatik, eguzkiaz eta itsasoaz berdintasunean gozatzeko aukera izango dute, langile prestautekin eta hainbat baliabideei esker. Hondarribiko hondartzan asteartetik abian jarri zena abuztuaren 31ra arte luzatuko da egitasmoa.

Gipuzkoako Kirol egokituen Federazioa

16 Uztaila 2014

Bera Bera Eskubaloiak Matxalen Ziarsolo kapitainaren ekarpena izango du datorren denboraldian. Ezker albokoak 14. urtea beteko du donostiarrekin, izan ere, 2001-02 denboraldian egin zuen debuta Bera Berarekin. Kluban urte gehien dabilen jokalaria izateaz gain, Matxalen Ziarsolo da gol gehien sartu dituen hirugarren jokalaria, Tati Garmendia eta Esme López ostean. Ondorioz, Eli Pinedorekin batera, Bera Berak luxuzko ezker albokoa osatuko du berriro ere. Gainera, duten eskarmentua eta kalitateari esker Ziarsolok zein Pinedok beste posizioetan maila ona emateako aukera dute. Ziarsolorekin, Bera Berak hamaika jokalari ditu plantillan: Temprano, Pinedo, Elorza, Núñez, Menéndez, Arizaga, Ederra, Etxeberria, Arrojeria eta Azanza.