06 Azaroa 2014

Valladolideko Huerta del Rey kiroldegian jokatuko den partidan (17,45etan, Javier Álvarez –EAE- eta Ion Bustamante – Nafarroa-), Aula Culturalek abian jarri duen ‘Mila helburu’ kanpaina dela eta giro aparta espero den lekuan, bi eredu parez pare jarriko dira eta norgehiagoka bere esparrura eramango duenak asko irabazita izango du. Izan ere Aula Cultural da egun ligako golegile nagusiena, partidako 30 gol baino gehiago sartu dituena. Bera Bera da seigarren arlo horretan (26,8) aitzitik, gol gutxien jasotzen duen taldea da (partidako 20 gol baino gutxiago) eta valladolidekoa, gol gehien jasotzen duen bostgarren taldea (28,1). Hortaz, partidak alde batera edo bestera egingo du zenbakia horietatik gertu egoten den taldearen alde. Izan ere, Aula Culturalek 26 gol egin sartu dituenean ez du partidarik irabazi (ez Rocasari ez Barakaldon). Iaz etxean kopuru horrekin edo gutxiagorekin bakarra irabazi zuen, bi berdindu eta hiru galdu, eta 26 gol baino gehiagorekin, bost irabazi. Bera Berak 25 golekin irabazi ditu partidak; baina iaz etxetik kanpo puntu bakarra urratu zuen aurkariak gol kopuru horretara iritsi zenean. Bera Bera eta Aula Cultural taldeak lidergoa batera izan dira bi asteetan –4. eta 5. jardunaldi amaieran-. Rocasarekin Huerta del Rey (26-32) eta Lasesarren Zuazo Barakaldoren aurka (30-26) galdu ostean laugarren postuan dira egun Guardés –Valladoliden gainditu zuena- eta Zuazorekin batera. Egun sailkapeneko gorenean diren aurkariaren aurka lehiatuko da aurreneko aldiz Bera Bera. Bidebietan Elche Mustang taldearen aurkako ezhusteko porrotak lidergoaren galera ekarri du Rocasaren mesederako, Aula Culturalen aurka eta Telden indartu berri den Mecalia Atlético Guardésen aurrean huts egin ez zuena. Orain donostiarren txanda da. Iaz Valladoliden asko sufritu zuten (23-24) eta aurtengo aurredenboraldian gipuzkoarrak eta valladolidekoak birritan izan dira elkarren aurka Peñafielen (22-26) eta Elgoibarren (23-22) abuztuan, hortaz, jakin badaki larunbateko partida seriotasun handiz hartu behar duela.

05 Azaroa 2014

Bera Bera Eskubaloia da Frantziako Fleury taldearekin batera Espainiako selekzioari jokalari gehien bidaliko duen taldea, Jorge Dueñasek Hungaria eta Kroaziako Eurokopari begira egindako zerrendan baitira Patricia Elorza, María Núñez, Eli Pinedo eta Ana Temprano.
Espainiako Federazioak gaur eguardian ezagutarazi duen deialdian, hautatzaileak 18 jokalari aukeratu ditu azaroaren 28tik 30era bitartean Fuengirolako nazioarteko txapelketan Brasil, Túnez eta Poloniako selekzioen aurka aritzeko.
Bera Berako lau jokalariez gain, zerrendan dira Ligako beste lau jokalari: Silvia Navarro (Rocasa), Cristina González (Cleba León), Naiara Egozkue (Mecalia Guardés) eta Ainhoa Hernández (Prosetecnisa Zuazo Barakaldo). Gainera, Frantziako ligak zortzi jokalari deitu ditu Jorge Dueñasek: Barbosa, Bea Fernández, Marta Mangué eta Marta López (Fleury), Bea Escribano eta Eli Chávez (Nice) eta Lara González (Metz). Macarane Aguilar (Györi) eta Nerea Pena (FTC) Hungariako ligan dira eta, azkenik, Errumanian, Carmen Martín (Bucaresti). Nely Carla Alberto (Míos Biganos) gipuzkoarra ez dago zerrendan bizkarren ebakuntza egin diotelako. Datu gisa, Macarena Aguilar eta Lara González bakarrik aritzen dira gaur egun Champions Leaguen.
Abenduaren 7tik 21era bitartean Hungarian eta Kroazian ospatuko den Eurokopari begira, Jorge Dueñasek bi jokalari baztetu beharko ditu.

04 Azaroa 2014

Pasa den asteburuan harrobiak jokaturik lau partidetatik, euskal ligako senior taldeak eta lurralde mailako kadeteak garaile irten ziren.
Senior taldea 12-21 nagusi izan zen Zumaian, Asador Basusta Pulpo K.E. taldearen aurrean, Usurbilekin batera bigarrena da sailkapenean Aiala B (Zarautz B) taldearen atzetik.
Bestetik, lurralde mailako kadete talkdeak Bidebietan Gasteizko Bar Alaiki gainditu zuen 17-13, Usurbil atzetik bigarren postuari eusteko. Eta euskal ligan, kadete eta jubenil taldeak Zarautzen galdu zuten. Ondo jokatu arren kadete taldeak 27-23 galdu zuen eta jubenilek, 21-15.
Azkenik, larunbata goizean Bidebietan 40 neska-mutilek eskubaloiarekin gozatzeko aukera izan zuten.
Ikus sailkapenak

Juan Antonio Garaikoetxearen argazkian, senior mailako taldeko jokalari Maialen Husillos.

04 Azaroa 2014

Bera Berako eskolako kideek kamiseta eta praka berriak estrenatu zituzten atzoko saioan. Kirolean aurreneko urratsak ematen dituzten 30 neska-mutilek Zico jantzia eramango dute Imanol Reformasen babesarekin, kamisetaren atzealdean logoak adierazten duen bezala.
Eskolan 8 eta 11 urte bitarteko gazteek eskubaloian murgiltzen dira aurreneko aldiz. Horrela, Verónica Valverde eta María Graciaren zuzendaritzapean astelehenero 18,30etatik 19,30etara Bidebietan kirola ardatz modua ondo pasatzeko aukera dago. Eta atzo Oierrek egin zuen moduan, frogatzeko aukera duzu Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera mezua bidaliz.