Bera Bera Eskubaloiak aste bizia du. Bihar Málagara egingo du bidaia Zaragozan AVE delakoa hartuta, 14,30etan iritsiko da, bazkaldi, atsedena hartu eta ohikoa ez den ordutegian, 21,30etan jokatuko du Carrenque izeneko kiroldegian. Ligako lehenengo fasea itxiko duen partidan bi puntu nahi ditu Bera Berak.
Horren ostean, ostegun arratsaldean Málagatik Erromara egingo du bidaia Salernora 21ak aldera iristeko. Bera Berak EHFko hirugarren txandako kanporaketa osoa bertan jokatuko du Italiako txapeldun Jomi Salernoren aurka, ostiralean (20etan) eta igandean (18etan).
Komunikabideen aurrean, Aitor Etxaburuk argi utzi du “gure helburu nagusiena liga izanik, ez dugu indarrik gordeko Italiako partidetarako”. Eibarko entrenatzaileak bere taldeari eskatu dio “partida borobil bat” eta horretarako “konzentrazioa, disposizioa eta fisikoki joera ona izatea” ditu ardatz.
Bere ustez Malagan “ez digute ezer oparituko”. Etxaburuk azaldu du Clínicas Rincón Málaga Costa del Sol taldea “oso alaia da jokoan, jarraipen handia ematen diote eta askatasuna jokalariei”. “Horregatik gure lana egin behar dugu eta AVEtik mentalizaturik atera, EHFko kanporaketan ezin dugu pentsatu”.
Mecalia Atlético Guardésen aurka galdutako puntuaz galdeturik, Etxaburuk dio “45-50 minutuetan oso ondo jokatu genuen talde sendo baten aurka, indarberritu dena”. Halere, onartu du “erasoan ez genuen asmatu, lasaitasuna behar izan genuen, arlo negatiboa ikusri eta zuzendu”.
Horrela, partida horren ostean, Etxaburuk “ondo ikusten du taldea, ondo entrenatu du egun hauetan eta jokatzeko gogokin dago”. Elche Mustang taldearen aurka galdu eta gero Valladoliden oso partida ona egin zuen Bera Berak, “borobileenetarikoa eta taldea, ilusioarekin, konzentraturik eta lehiatzeko gogokin dago”. “Ilusioa” aipatu du, “liga estu baten aurrean landu behar dugun arloa, obligazioa gainetik”.
Bestalde, Matxalen Ziarsolok onartu du “jokatzeko irrikan gaude, Guardesen aurkako azken 20 minutuak burutik kendu eta beste partiduetan izan ditugun sentsazioak berreskuratu”. Kapitainaren ustez biharko gakoa “gure jokoan egongo da”.
Bera Berako asteburuko emaitzetaik aipagarrienak dira jubenil neskak eta infantil mailako mutilek lortutako garaipenak, biak gol bakar batez izan zirenak. Verónica Valverdek zuzentzen dituen taldeak, alde batetik, euskal ligako jubenilek 22-21 irabazi zioten Elgoibarko Astigarraga Gys Sport taldeari Bidebietan eta mutilek 25-26 Bidasoa Irun Cri.
Horrez gain, euskal ligako senior taldeak 33-19 gainditu zuen Ereintza Eskubaloia; infantil neska taldeak Aiala 36-5 liderraren aurka galdu zuten eta euskal ligako taldeak 17-23 Tecnifuelle Elgoibarren aurka.
Juan Antonio Garaikoetxearen argazkian, Haizea Aragón jubenil mailako jokalaria.
Espainiako junior mailako selekzioak Maitane Etxeberria eta Andrea Zaldua jokalariak deitu ditu abenduaren lehenengo astean Errumanian txapelketa batean parte hartzeko.
Espainiako hautatzaile Sagario Santanak 16 jokalariekin osatu duen zerrendan dira Bera Berako hegalekoa eta Zilarrezko mailan sasoian den Aiala Zarautzen utzita dagoen albokoa, azaroaren 30ean Guadalajaran konzentraturik behar dutenak.
Ondoren, abenduaren 3an, Errumanira egingo dute bidaia, hurrengo egunean Danimarka izango dute aurrean Craoiva hirian, bertako selekzioa izango da aurkaria abenduaren 5ean Caracalen eta, azkenik, Slatinan Hungariarekin amaituko dute abenduaren 6an.
Errumanian jokatuko dituen partidak oso erreferentzi ona izango da Sagrario Santanarentzat, 1996 eta 1997an jaiotako jokalariekin osatu duelako selekzio eraberrituta.
Partida amaitzeko minutu t’erdi falta zela, Egozkiek zazpigarren penalti gauzatuz partida berdindu du. Pinedo zentral moduan egon arren, Bera Berak baloia zailtasunarekin mugitu du, erasoan falta ezarri diote eta Mecalia Guardés taldeak partida irabazteko aukera izan du. Hutsarte batean Manu Etayok jokaldia prestatu du baina baloia ez da Liliana pibotearengana iritsi eta Tempranok Pinedori baloi luzea bidali dio. Hegalekoa zuzenean abiatu da ateruntz baina bere jaurtiketa loratua Irene Sánchez atezainak igorri du, hortaz partida berdinketarekin amaitu da (22-22).
Ia partida osoan Bera Bera aurretik joan da baina bigarren zatian Mecalia Guardések pixkanaka pixkanaka tartea murrizten asmatu du, norgehiagoka amaitzeko 90 segundu eskas berdintzeko.
Partida oso erritmo altuarekin hasi da. Guialok bi golekin kanpoko jaurtiketan iaioa zela frogatu du. Guardésen baloiak galdu ditu, Bera Berak aprobetxatu ez dituenak baina Elorzaren hiru golei esker Bera Berak aurreneko abantaila eskuratu du (9. min. 5-3). Galizarrak Liliana pibote handiarekin loturak lortzen saiatu dira, Egozkuek hain ondo gauzatu dituen penalti ugari lortu dituelarik.
Bera Berak abantaila kudeatu du defentsari eta Tempranoren geldiketeik esker. Atezainak Ziarsolori baloi luzea bidali dio (24. min 10-6) baina hankarekin moztutako baloi batek bi minutu eserlekura eraman du kapitaina, Guialok 11-9 ezarri du eta atsedenaldira iristeko segunduak falta zirela Arrojeria eta Pinedok sortu duten fly gauzatu du hegalekoak (12-9).
Bigarren zatian, Bera Bera sutsu atera da, batez ere Alba Menéndez, bere hiru golei esker gipuzkoarrak 16-9 jarri dira (33. min). Etayok partida gelditu du eta Guialoren jaurtiketak itzuli dira berriro, donostiarren baloi galduak kontraerasoetan bihurtu ditu Guardesek eta Egozkuek penaltietan ez zuen hutsik egiten.
Bera Berak emaitzari eutsi dio baina erasoan makal zebilen. Etxaburuk Arrojeria, Martínez eta Pinedo jarri ditu zentral moduan baina kontraerasoa zen baliabide bakarra. Guardes gol bakar batera gerturatu da Cerqueirariu esker (48 min, 19-18) baina Pinedok arnasa eman dio taldeari eta Arrojeriak (51 min. 21-18) tartea zabaldu du. Tempranoren bi geldiketa jarraian ez ditu Bera Berak aprobetxatu eta Espiñeirak bere taldea gerturatu du. Azken bederatzi minutuetan gipuzkoarrek penaltiz bakarrik sartu dute gola eta Guardések azken bost minutuetan bi penaltiekin berdindu du partida.
Ondorioz, berdinketa Bidebietan, puntu bat galdu dela sentsazioarekin.
Orain, begiradak datorren astean kokatuko dira. Asteazkenean, hilak 19, Bera Bera Málagan arituko da, 20an Salernora (Italia) egingo du bidaia EHFko kanporaketa Jomi Salernoren aurka jokatzeko, 21 eta 23an.
Fitxa: Bera Bera 22, Mecalia Atlético Guardés 22
Bera Bera 22 (12+10): Temprano, Etxeberria, Menéndez (3), Elorza (5), Núñez, Pinedo (4) y Ziarsolo (6, 3p)– titular- Arrojeria (2), Múgica (1), Martínez (1), Azanza, Zugarrondo (p.s.). Deialdian: Arizaga, Ederra eta Ezkurdia.
Mecalia Atlético Guardés 22 (9+13): Sánchez, Cerqueira (1), Doiro (1), Hernández (3), Liliana (1), Guialo (6) eta Egozkue (8, 7p) –titular- Ferreira, Espiñeira (1) y Machado (1).
Epaileak: Ignacio García eta Andreu Marín (Catalunya)
Kanporatuak: Menéndez, Ziarsolo eta Elorza Bera Beratik.
Partzialak: 3-2, 5-4, 6-4, 7-5, 10-6-12-9 –atsedenaldia- 16-10, 17-14, 19-16, 20-18, 21-19 eta 22-22
Larunbatean eskubaloia ez da faltako Bidebietan. Euskal Ligan, kadete nahiz jubenil taldeek Elgoibarko taldeak izango dituzte aurrez aurre. Liderraren aurka arituko dira kadeteak 16etatik aurrera eta jubenilen txanda, berriz, 17,30etan izango da.
Bestetik, senior taldeak Gascan jokatuko du Ereintzaren aurka 19etatik aurrera, Andoainen utzitako puntua eta amorrua ekidin aldera.
Eta infantil mailan, mutilak Irunen arituko dira larunbatean Bidasoa C taldearen aurka 11,30etatik aurrera eta neskak, igandean Zarauzko Antonianosen, Aiala A taldearen aurka, 12,30etan.
Ikus sailkapenak Bestetik, euskal selekzioak Elene Vázquez kadete mailako jokalaria deitu du azaroaren 23an Hondarribiko Hondartza kiroldegian (17,15etan) entrenaldi saioa burutzeko.
