29 Urria 2014

Azken urtetan gutxi izan dira Bera Berako jokalari ohiak Espainiako ohorezko mailako eskubaloi ligan jarraitu duenak. Aurtengo denboraldian bi baino ez dira, eta biak Elche C.F. Mustang taldean daude, Llanos Trigueros atezaina eta Nitsan Dunay israeldar albokoa dira.
Llanos Triguerosek 2006-07 denboraldian jokatu zuen Bera Beran, Mihaela Ciobanurekin atea zaintzea zen bere ardura eta Tati Garmendiak jokalari eta entrenatzaile lanak egiten zituen orduan. 23 urte zituen, donostiarrak bostgarrenak izan ziren ligan baina historiako aurreneko tituluaren jabe egin ziren, Erreginaren Kopa apirilaren 1ean L’Elianan Ribarroja gaindituz.
Hurrengo urtean, Reyes Carrere itzuli zen donostiar eserlekura eta Bouveret- Patri Aisa bikoeta osatu zen atepean.
Bera Berako entrenatzaile ohiaren hautua izan zen Nitsan Dunay israeldar internazionala. Bere herria aurreneko aldiz utzi eta Bidebietan 2012an agertu zen albokoa. Ligako aureneko txapelketaren denboraldian Dunayk 43 gol sartu zituen Ligan eta iaz Imanol Álvarezekin zeresan handia izan zuen Bera Berak Rocasari Gaskan irabazitako Superkopako finalean baina denboraldiaren zehar bere zenbakiek ez ziren aurreikusitakoak, izan eren ligan 21 gol sartu zituen eta Championsen nahiz Alcobendaseko Kopan bere ekarpena urria izan zen.
Egun, Llanos Trigueros da José Ignacio Pradesen oinarrizko baliabaidea eta Nitsan Dunayk protagonismo handia du. Horrez agiria da, sei partidetan 20 gol sartu dituela (norgehiagokako 3,33). Larunbatean, azaroak 1, -jai denez partida 12etara aureratu da instalazioa arratsaldez itxita baitago- biak motibaturik aterako dira Bidebietako pistara.
Juan Antonio Garaikoetxearen argazkian, Nitsan Dunay (9 zenbakiarekin) eta atean, Llanos Trigueros.

28 Urria 2014

El Cabañalen ospaturiko norgehiagokak hainbat nobedade eman zuen. 1-6 partzialarekin partida iraultzeaz gain azken segunduetan sartutako gol bai esker, jokuan azpimarratzeko egoerak eman ziren.
Esate baterako Amaia Azanza eskuin hegalean aritu zela lehenengo zatiko minutu batzuetan, Maitane Etxeberria ordezkatuz. Etxaburuk Uxue Ezkurdia Donostian utzi zuen eta Ana Martínezekin lehenengo lerroak errotazio osoa duenez Lizarrako ezkertiarra hegalekoan kokatzea beste baliabidea da Etxaburu-Garagarza bikotearentzat. Nafarrak ondo defendatzen du eta Itxakon hasi berritan hegaletan aritzen zen. Halere, Valentzian ia baloirik ez ziren bere eskuetara iritsi eta bere jaurtiketa bakarra Aguas atezainak urrundu zuen.
Beste egoera Ana Martínezekin eman zen, minutu ugari jokatu zituelako. Dirudienez Etxaburuk zentrala moduan ikusten duela elxetarra, minutuak pasatu ahala hobera egin zuena, azken minutuetan bi gol garrantzitsu sartu zituen eta Eli Pinedori azken pasea eman zion.

5-1 defentsa

Aurreneko bost partidetan Etxaburuk ez zuen 6-0 defentsa aldatu, emaitzak agerian direlako. Valentzia bisitatu aurretik, Bera Berak partidako 17,4 gol jaso zituen. Lehengo larunbatean, baina, egoera zail batean (23-19), hutsartea eskatu zuen hamaika minutu falta zirela eta 5-1 defentsara aldatu zuen, Canyamelarren lehenengo lerroko akatsak eraginez.

Eta beste egoera positiboa izan zen Maialen Múgica ate aurrean bikain aritu zela. Elorza ordezkatu zuen eta lehenengo zatian lau gol sartu zituen. Zarauztarra izan zen orduan Bera Beraren erasoko baliabidea, gainera, gol ezberdinak lortuz: barneraketak, pasiboa ekiditzeko kanpoko jaurtiketa eta transizioan. Ikusi Múgicaren golak Bolada hain ona izan zen ezen mahaiak Ana Martínezen gol bat zarauztarrari eman zion. Bigarren zatian Patri Alonsori gerria apurtu zion 17-15 ezarriz. Múgica lehenengo denboraldia betetzen ari da Bera Beran, 12 gol daramazki eta Helvetian Alcobendasen aurkako partidan ezik beste guztietan golak sartu ditu.

27 Urria 2014

Bera Berako harrobiko taldeen emaitzen artean denetarik egon da. Garaipen garrantzitsuena Usurbilen eman zen, María Graciaren senior taldeak lortu zuena bertakoak 27-31 gaindituz. Bestalde, euskal ligan ere bai, jubenilek Zuazoren aurka galdu zuten 19-26 eta kadete taldeak 19-13 gainditu zituen bizkaitarrak. Lurralde mailako kadete taldeak Bera Berak 16-11 galdu zuen Oñatin Aloña Mendiren aurrean. Eta infantil mailan, neskak galdu zuten Beraunen baina mutilek Egian irabazi zuten (8-25).

27 Urria 2014

Ez da ohikoa Bera Berak gol bakar batez partidak irabaztea. Izan ere, azkeneko lau denboraldietan laugarren aldia da, beti sufritzen, partidak iraultzen eta bere garaian lorpen historikoak lortuz. Ez da ohikoa lehengo larunbatean Valentzian azken jabetzan lortzea garaipena Bera Berak. Donostiarrek ia partida osoan lortu ez zutena lau minutuetan egin zuten, hau da, 23-19 galtzeaz 24na berdintu zuen Elorza, Pinedo, Núñez, Martínezen golei esker, Tempranoren bi geldiketa lagun eta elxetarren gol batekin. Susana Parejak hutsartea eskatu zuen Etxaburuk minutu gutxi aurretik ezarritako 5-1 defentsari aurre egiteko baina lehenengo lerroko jokalariek baloiak galtzen jarraitu zuten eta Patri Alonsok jaurtitutako baloiak Ana Tempranok urrundu zuen. Halere, Bera Bera ez zituen aukera horiek aprobetxatu, Elorzaren jaurtiketak Aguas atezainak galerazi zuen, Martínezek erasoan egin zuen falta eta Etxeberriak kanpora bidali zuen baloia. Azken minutuan, Menéndez eta Pinedo jokalarien artean baloia lapurtu zuten eta azken erasoan, Pinedok Segura jokalariari iskin egin zion, Ana Martínezek Valentziarren defentsan egindako zuloan sartu zuen baloia eta hegaleko internazionalak loratuz sarera bidali zuen berau. Bera Berak horrela irabaztea ez da ohikoa. Azken segunduen zain ez direlako egoten donostiarrak. Iazko denboraldian Valladoliden Bera Berak 40. minutuan 18-15 zegoen norgehiagoka irauli egin zuen eta bost minutuaren faltan 21-23 aurretik jarri arren Tempranoren geldiketak behar izan zituen puntuak urratzeko (23-24). 2013ko azaroan Bidebietan, Elche Mustang taldeari 2-10 irauli egin zion –hurrengo aurkaria etxean (larunbata, 12etan)- eta Menéndezek azken jaurtiketa huts egin ondoren, hiru segunduen faltan Tempranok gelditu zuen Mamen Rodríguezek jaurtitutako baloia (21-20). Eta azpitxapeldun gelditu zen denboraldian, Alcobendeasen eskuratu zuen Bera Berak matematikoki bigarren postua lehenengo aldiz eta Champions Leagueko atarian txartela. Orduan donostiarrak hamar minutuen faltan 23-20 atzetik ziren eta 25-26 irabazi zuten –Pinedok azken gola sartu zuen bi minutu falta zirela-. Bea Fernándezek kanpora bidali zuen azken jaurtiketa baina gipuzkoarrek ondo defendatu zuten Alcobendasen azken erasoa. Markagailua berdinduta edo gol bat atzetik, azken jokaldia gauzatzea balentria litzateke. Aurtengo otsailean, Telden Rocasarekiko gol average delakoari eusteko ez zen Imanol Álvarezen plangintza ondo atera ezta ere denboraldiko azken norgehiagokan –txapelduna zen dagoeneko Bera Bera- Leonen partida berdinduta zegoelarik. Bestetik, lehenengo liga lortu zuen denboraldian, laugarren jardunaldian, -partida berdinduta- erasoko falta adierazi zioten Elorzari Mecalia Guardésen aurka A Guardan. 2012ko urrian Bera Berak Elxen 22-21 galdu zuen atsedenaldian 13-9 zihoala. Orduan Elche Mustang taldean zegoen Ana Martínezek penaltia gauzatu zuen eta Elorzak elxetarren hesia ez zuen gainditzerik izan azken jaurtiketan. Azpitxapelketako denboraldian (2011-12), Itxakoren aurka bi partidak galdu zituen Bera Berak emaitza berdinarekin (26-27). Oso partida bikaina jokatu ostean Lizarrerian, defentsan oso segundu gutxi falta zirela baloia berreskuratu zuen Bera Berak, berdinketa eskura izan zuen Eider Rubiok baina langara bidali zuen penaltia. Eta Bidebietan, azken minutuetan 6-1 partziala lortu arren denbora falta izan zitzaion Bera Berari. Iraulketak Bera Bera iraulketekin hobeto konpontzen da. Izan ere, larunbateko partidak 2012ko martxoan Valentzian bertan jokatutakoa gogora ekarri zuen. Orduan donostiarrak, Reyes Carrere entrenatzailearekin, 17-13 atzetik ziren atsedenaldian, 40. minutuan, 21-17 eta bost minutu falta zirela gol bakar batera gerturatu zen (24-23) baina ez zen iraulketarik eman. Alacanten egun gutxi aurretik, Bera Berak Mar Alicanteren (atsedenaldian 15-13) aurkako partida irauli zuen bigarren zati erdialdean (24-28). 2011ko urrian Bidebietan garaiz esnatu zen Mar Alicanteren aurrean (atsedenaldian 11-13 eta 45. Min. 18-20), 24-22 irabazteko. 2012ko martxaon, Castro Urdialesen atsedenaldian 12-10 atzetik zihoala eta 40. minutuan 15-13, kantabriarrak (20-22) gainditu zituen Bera Berak. 2012ko apirilaean Rocasa izan zen Bidebietan. Atsedenaldian 17-18 aurretik, 40. minutuan 22-24 eta 3-0 azken partzialari esker 30-27 nagusitu zen Bera Bera. Eta iazko denboraldian, Imanol Álvarezekin, arestian aipaturiko Elcheren aurkako partida Bidebietam (21-20) eta Valladoliden Aula Culturalen aurrean (23-24).