Bera Bera Eskubaloiko arduradun Tati Garmendiak poza agerian utzi du azpimarratuz “bi erakunde gara antzeko baloreak zabaltzen dituztenak, besteak beste, lana, esfortzua, arazoen aurrean onena ematea eta horrez gain, gure lurraldera lotura estua dugu eta kalitate handiko produktua”.
Bera Berak esker besoan Gesalagaren irudia zabalduko du Ligan, Kopan eta EHFn. Bi erakundeen arteko lotura denboraldi amaieran bukatuko badaere bi aldeek hitzarmena luzatzeko saiakera egingo dute.
Bestetik, enpresako gerente José Luis Gesalagak onartu du “bien arteko harremana ilusio handia piztu digula” azpimarratuz “gure gizartetik jasotzen duguna gizarteari itzultzeko modua da”. “Gesalagan %55a emakumea da, gaitasun handiko taldea, hau da, Bera Bera bezala”.
José Luis Gesalaga aprobetxatu “enpresa pribatuari dei bat egiteko, horrelako ekarpenak egite aldera, krisi egoeratan egon arren. Bera Berak –jarraitu du- nazioarte mailan ordezkari dugu eta zailtasun handiak ditu Europako maila gorenetan jokatu ahal izateko, hortaz, gutxikin asko egiten dugu”.
Aurkezpenean, Matxalen Ziarsolo kapitaina bigarren ekipazioarekin agertu da eta Alba Menéndez ohiko urdinarekin.
Madrilen Federaziko egoitzan gaur arratsaldean burutu den zozketaren arabera, Bera Berak Adesal Córdoba taldea izango du aurrean, 2015eko urtarrilaren 10 edo 11n Fuensantako pistan ospatuko den partidan.
Zortziko finalean egoteko era aldatu denez, oraingo honetan, iazko denboraldian aurreneko zortzi sailkatuek etxetik kanpo eta partida bakarrera gainditu behar dute kanporaketa. Gainera, 2015. urtea irekiko duen norgehiagoka izango da.
Ligako bigarren jardunaldian jokatu zuen Bera Berak Kordoban, aise gainditu zuen partida 18-30 (8-13 atsedenaldian) bigarren zati bikaina medio.
Zozketei dagokionez donostiarrak hegoaldeari begira jarri dira. Izan ere, EHFn, Italiako Salerno hiriko Jomi taldea gainditu ostean, otsailean jokatuko den kanporaketan Turkiako Antalya hiriko Muratpasa taldeari aurre egingo dio eta orain, berriz, Kordobako Adesal.
Ondorioz, lehen ez bezala, final-zortzirenetan ez dira zertan izango lehenengo itzuli amaieran geldituko diren aurreneko zortzi taldeak. Horrez gain, final-zortzirenak osatzeko Federazioak zilarrezko taldeei aukerak eman dizkie, ohorezko mailara igotzeko facetan izan zutenei, hain zuzen, eta kanporaketa horietatik Logroñoko Sporting La Rioja eta Oviedoko Jofemesa taldeak atera dira.
Bestetik, Ohorezko mailako taldeekin bi multzo egin dira, iazko denboraldiko sailkapenaren arabera. Horrela, aurreneko zortzi taldeak: Bera Bera, Rocasa, Helvetia Alcobendas, Mecalia Guardés, Porriño, Elche Mustang, Aula Cultural Valladolid eta Zuazo Barakaldo zerrendaburu gisa hartu dituzte eta zozketan lehenengo multzoan kokatu.
Eta bigarren multzokoak, etxean jokatuko duten taldeak izango dira: Canyamelar Valencia, Carobels Cleba León, Vivelafruta.com Castelldefels, Adesal Córdoba, KH7 Granollers, Clínicas Rincón Málaga Costa del Sol eta arestian aipaturiko Sporting La Rioja eta Jofemesa Oviedo.
Zozketa Espainiako Eskubaloi Federazioak egun erabiltzen ari den egoitzan burutuko da abenduaren 4ean, osteguna, 17etan. Aurreneko multzoan diren taldeei bidai berri bat suposatzen die eta gainera, zailtasuna areagotzeko, urtarrilaren 10 edo 11n jokatuko da kanporaketa, hau da, liga ia bi hilabete gelditu ostean urteko aurreko norgehiagokan.
Partida horietan sortatuko diren irabazleek otsailaren 20tik 22ra bitartean, zehazteke dagoen lekuan, burutuko diren final-laurdenak osatuko dituzte.
