Emaitza ona lortu zuen Akaba Bera Berak Europako Errekopako itzuleraren partidari aurre egiteko. Bi goleko errentagatik galtzea bakarrik, hurrengo errondara pasatzeko benetako aukerak edukitzea ematen du. Oso talde bikaina da Buducnost T-mobile, oso jokalari gazteekin osatuta egon arren kalitate handikoak dira eta bai kanpo jaurtiketak bai sarrerako jokua konbinatzeko gaitasuna dute.
Partidak bi zati ezberdinak eduki zuen. Lehenengoan, Akabaren erabateko nagusitasuna egon zen kantxan, defentsan zein erasoan. Nahiz eta norgehiagoka,kontraeraso azkarren bitartez 4 eta 1eko partzialarekin hasi Montenegrokoen alde, okerrena iragarri zitekeena, Akabak presioa kontrolatzea lortu zuen eta urduritasunak albo batera utzi. Gauzak honela, hurrengo minutuetan 1 eta 5eko ezusteko partziala sartu zien bertakoei, markagailuaren aurretik jartzen lortu arte 4 eta 6eko golekin, horrela jarraituz atsedenaldira 11 eta 18ko aldea harrigarriarekin iritsi arte. Defentsa oso ondo antolatu batekien, bere jokalari arriskutsuenak ezeztatu zituen, bereziki, Radovic erdilari gaztea, jokua antolatzeko arduraduna. Baino aldiz, egoera honek erasoaldien ardura taldearen egaleko bi gazteengan izatea pasatu zen, Katarina Bulatovic egal ezkertirraren fitxaje berria bederatzi metroetatik golak sartzeko gaitasun handia duena, eta egal ezkerreko Marija Jovanovic bere taldearen eskeman oso ohikoa ez dena.
Bigarren zatia guztiz kontrakoa izan zen. Lehenengokoaren aldean Akabaren golaren kopurua askoz hobea izan bazen ere, bigarren honetan, akats ugari eta jaurtikiten efektibitate gutxiarengatik karakterizatu zen. Egoera hau oso ondo aprobetxatu izan zuen Buducnost taldeak kontraerasoen bitartez markagailuan aurretik jartzeko. Bigarren zatian Sanja Jovovic ezker albokoa nabarmendu zen bere kanpo jaurtiketa gogorrengatik eta bat baten kontrako sarrerengatik gola edo penaltia lortzeko. Akats ugari eduki izan arren bigarren zatiko erasoaldietan, Akabak partidaren barruan mantentzea lortu zuen eta gol errenta gaindiezina ez izaten utzi.
Beraz, emozioz eta interes handiko norgehiagoka izango da zaletuentzat larunbata honetan arratsaldeko 16:30etan Bidebietako kiroldegian
Buducnost T-mobile europako txapelketetako talde klasiko bat da Txapeldunen Ligan 95/96 denboraldiatik etengabe parte-hartzen ari den horietakoa. Eskarmendu handiko klubaren aurka aurre egin beharko du Akaba Bera Berak larunbata honetan, otsailak 9, arratsaldeko 17:30etan hango zelaian, SC Morača. Montenegroko taldeak bere pistara, batez beste, 4.000 zaletu erakartzeko gaitasuna dauka europako txapelketetan eta bai aurkariei zein epaileenganako ikaragarrizko agresibitatea erakusten dute.
Orain dela bi denboraldi, 05/06, Europako Errekopako finalera iritsi zen eta 3 goleko errentagatik bakarrik galdu zuen Györi Hungariar talde indartsuaren kontra. Baita ere, beste bost alditan final erdietara iristeko gai izan da Txapeldunen Ligan.
Momentu honetan 23 urteko media duen taldea da, non, jokalari guztiak montenegrokoak dira bost ezik, hauek Serbiarrak direlarik. Lehiaketa-fase honetarako Slagelse daniarratik ekarritako bi jokalari Serbiar berriak fitxatu dituzte, Anja Obradovic eta Katarina Bulatovic ezkertiarra, biak lehenengo lerrokoak. Gainera, praktikan, ia-ia Montenegroko selekzioa da, entrenadorea barne, Tone Tiselj esloveniarra bertako hautatzailea baitda ere. Beraz, herrialde honetako ia jokalari on guztiak Buducnost T-mobileren disziplinan barruan daude.
Bere lehenengo kontraerasoaldi azkarrengatik nabarmentzen dira, baino eraso posizionalean kanpo jaurtiketak bilatzen dituzte beraien lehenengo lerroko jokalarien garaiera aprobetxatuz.
Akaba Bera Beraren helburu nagusia pistara joaten diren milaka zaletuen presioari eustea izango da eta emaitza on bat atera hurrengo larunbatean, otsailak 16, etxeko partidan kanporaketagatik borrokatu ahal izateko Bidebietako kantxan. Bi partidak herrialde bakoitzeko telesbitatik zuzenean emango dira.
Erabateko garaipena. Bi puntu garrantzitsuak gaur Bidebietako pistan lortu direnak. Ia partida osoaren zehar 6:0 defentsa antolatze batekin, baino albokoei sakontasunarekin jokatzen, Akabako jokalariek almeriar taldeko jokalari arriskutsuena kontrolatu ahal izan dute Ana Paula Rodrigues brasildarra. Bere erritmo aldaketa azkarrekin aurkarien defentsak desegiteko duen gaitasuna, gaur ez du hainbesteko erraztasuna eduki Akabak blokean ondo antolatutako defentsari esker. Baldintza honekin, etxekoek partida aurretik eraman dute, nahiz eta zenbait momentuetan kanpotarrek hurbiltzea lortu, akatsak kontrolatu dituzte eta ez dute utzi Roquetas markagailuan aurretik jartzea.
Defentsa ona erabakigarria izan bada gaurko partida irabazteko, erasoaldietako faseetan oso joku politaz gozatu ahal izan da. Beste partidetan ez bezala, non, hasieratik partida bideratuta uzteko gogoaz nahiko baloien galera sortzen zituzten, gaur, pazientzia eta baloia menperatzea Akabaren ezaugarri nagusia izan da, bereziki erasoaldirako transizioetan. Erasoaldi luzeak eta baloiari jarraipena emanez leku libre egokiena bilatu arte gola sartzeko, kontrarioen defentsa ireki du. Roquetas taldearen defentsa zaila eta sei eta bederatzi metroen arteko defentsako espazioak oso ondo menperatzen dituena eta erdiko eremuetan oso garaiera handiko jokalariak dituenez, egaletako espazioetara jokatzera behartu die Akabako jokalariei sarrerak bilatzeko.
Beraz, erronka zaila gainditzen jakin izan duena Akaba Bera Berak ligako joku kolektibo onenetarikoa praktikatzen duen talde baten aurka. Orain, hiru egunen buruan beste bati aurre egin beharko dio, hau da, Europako Errekopako final zortzirenetako kanporaketarena, txapeldunen ligatik kanporatua izan den talde baten aurka, Montenegroko Buducnost T-mobile.
Gaur gauean bertan, partidaren ondoren taldea Barajas-era irtengo da, bihar goizean goiz Montenegrora eramango dion egazkina hartzeko, Vienatik zehar. Honek suposatzen du Roquetasen aurkako partida bukatu bezain laster, taldeari juxtu-juxtu denbora emango dio afaltzeko eta maleta hartuta berriz beste bidai gogor bati aurre egiteko.
AKABA BERA BERA
Hasierako zazpikoa: Bouveret, Garmendia (8),Agirre (3), López (2), Pinedo (4), Ziarsolo (8), Tervel (1) - Puche (1), Rubio (2), Sanroman (3), Valverde (3), Aisa, Petrinja, Krnic
PUERTODULCE ROQUETAS
Hasierako zazpikoa: Oliveira, Bastero (2), Voysekhovska (1), Gina (2), Rodrigues (3) Ristovska (4), Da Conceinçao (8) - Garcia, Cañellas (3), Dobrznszka, De las Heras (1), Ambros (1)
Bihar asteazkena, otsailak 6, Akaba Bera Berak Bidebietako kiroldegian Puertodulce Roquetas (Almeria) taldeari aurre egingo dio arratsaldeko 19:00etan, Superliga ABF-ko hamaseigarren jardunaldiko dagokionaren partidaren aurrerapenean.
Funtsezko partida bigarren itzuliko hirugarren jardunaldi honetan. Bere etxean 27na geratu zen oso parekatutako norgehiagokan. Une hauetan Roquetas seigarrena kokatua dago hemezortzi puntura berdinduta Akaba Bera Berarekin. Akabak jokatzen diren bi puntuak lortuz gero bostgarrena geratuko litzateke bakarturik sailkapenean eta goleberagea bere alde edukita
Roquetas eskubaloi taldeak oso talde berria da goi mailan baino bere joku onari esker garaitzeko oso talde zaila bihurtu da. Defentsa gogorra eta ondo kokatua praktikatzen du erasoaldi azkarrekin batera. Ondo orekatutako jokalariz osatuta ditu bere lerro guztiak, hainbat internazionalak izanik bertan. Denen artean, Ana Paula Rodrigues hogei urteko brasildarra eta erdilaria nabarmentzen delarik, une hauetan hamabigarrena ligako goleatzailearen zerrendan. Jokalari oso trebea eta bere akzio guztiei abiadura handia ematen diona, batez ere arriskutsua bat baten aukako ekintzetan. Plantila osatzen duten lehenengo lerroko beste onarrizko jokalariak hauek dira, Isabel Bastero eskubi egaleko galiziarra, defentsako eginkizunetan bereizten dena eta Aline Da Conciençao handia eta Edyta Dobrinska poloniarra. Gero ere, beste lerroetan jokalari garrantzitsuekin osatzen dute, hauen artean, Jaqueline Oliveira atezaina eta 1,90metroko altuera duen pibote kroaziarra, Tihana Saric, taldeak oso ongi dakiena etekinak ateratzen jokalari honen altuerari, sei metroko lerroan jarrita, baloiak jasotzeko erraztasunak defentsari nahiko arazoak sortzen diona.
Beraz, oso partida zaila Akaba Bera Berarentzat europako norgehiagokan parte hartu baino lehen, intentsitate handiarekin jokatu beharko du bi puntuak eskuratu ahal izateko.
Bi taldeen arteko lehiaketa partidaren lehenengo uneetatik erabaki zen Akaba Bera Beraren alde. Lehenengo laurdenerako Akabak 3-12 partzialarekin aurreratu zen, donostiarrak kantxan bere nagusitasuna erakutsiz. Defentsa sei metroko lerroan kokatuta aurkarien erasoaldiak oso ondo menperatu zituen, elx-tar taldeari behin eta berriz bere bi jokalari garrantzitsuenei jokaldiak oztopatzen. Erasoan, berriz, Akabak baloirik gabe leku libreetara jokua erabiliz eta erasoaldi luzeak eginez partida hasieratik erabat bere alde jarri zuen.
Gauzak honela, nabarmendu behar da talde osoaren lana bai atezainarena bai defentsarena. Denen arteko lan elkartua partida aurrera atera zen eta bi puntu garrantzitsu eskuratu bostgarren postuan finkatu ahal izateko.
Orain, datorren asteazkenean, otsailak 6 arratsaldeko 19:00etan beste erronka bat gainditu beharko da Bidebieta Kiroldegian. BM Roquetas (Almería) taldearen aurka egin beharko du, hau da, Akaba Bera Beraren hurbilen duen taldea. Sailkapenean biak puntu berdinekin daudenez partida hau funtsezkoa izan daiteke Akabarentzat.
ELCHE-MUSTANG Cámara (atezaina); Tur (5), Andersen (1), Nedelcu (1), Cabeza, Vicente, Haro -hasierako zazpikoa- Ortiz (o.a.), Gómez (3), Andreassen, Martínez (1), Rosique (3), Fernández (2) eta Anton (1).
AKABA-BERA BERA Johanna Bouberet (atezaina); Patricia Pinedo (2), Tati Garmendia (3) , Esme López (5), Raphaelle Tervel (3), Zulai Agirre (4), Matxalen Ziarsolo (6) -hasierako zazpikoa-Patricia Aisa (o.a.), Eider Rubio, Ana Petrinja (1), Verónica Valverde (2), Montse Puche, Natasa Krinc eta Yolanda San Román.
markagailua 5 minuturo: 1-3, 2-7, 3-9, 3-12, 6-14, 8-15 (atsedena); 10-17, 12-18, 14-21, 14-23, 15-25 eta 17-28 (amaiera).
Epaileak: Garcia eta Marin (Catalunya).
