24 Urria 2011

Brasilek iragarpenak bete eta aise irabazi dio Argentinari 33-15 Mexikoko Guadalajara hirian ospatzen ari diren XVI. Joku Panamerikarretako finalean.

Euskadin ordu txikiak zirela jokatutako partidan, Dara Carvalhoren selekzioak 15-5 partzialari esker lehenengo zatian erabaki du finala. Bera Bera Eskubaloi taldeko pibote titularrak 28 minutu jokatu eta bi gol sartu ditu norgehiagokan. Antonella Mena pibote argentinarrak, berriz, gol bakarra sartu du 29 minutuetan.

Horrela, Dara Carvalho urrezko dominarekin eta datorren urtean Londreseko Joku Olinpikoetan parte hartzeko txartelarekin itzuliko da Donostiara. Era berean, Antonella Menak txapelketa ona burutu du zilarrezko domina lortuz. Argentinarra gehien jokatu duen selekzioko bigarren jokalaria izan da, partidako bataz beste 46 minutu pistan egon delarik.

24 Urria 2011

Garaipenak, berdinketa eta porrotak eman ditu asteburu honetan Bera Bera Eskubaloiko harrobiak. Larunbatean Bidebietan, Bera Bera Egia infantil A taldeak aurreneko garaipena lortu zuen CDB Leizaran aise menperatuz (20-4). B taldeak ez zuen aukerarik izan Udarregiren aurka 4-30 galdu baitzuen. Datorren larubatean Bidebietan, goizeko 10,30etatik aurrera, Bera Bera Egia infantil mailako bi taldeak aurrez aurre izango dira.

Larunbatean ere bai, baina Zarautzen, Bera Bera Egiako jubenilek berdinketa baino ez zuten lortu Aiala ZKE taldearen aurka (30-30). Bihar, urriak 25 asteartean, bertan behera gelditu zen Bartolo Jatetxearen aurkako partida jokatuko da eta, irabaziz gero donostiarrak lidergoan koka daitezke, Urnietan Aloña Mendiren porrota baliatuz.
Igandean kadeteen txanda izan zen Oñatiko Aloña Mendiren aurkako norgehiagoketan. Izan ere, Bera Bera Egia kadete 1 taldeak aise galdu zuen 13-24 Aloña Mendi A taldearen aurka eta Bera Bera Egia kadete 2 taldeak 39-4 irabazi zion Oñatiko B taldeari.

Bihar 12etan, Zubikoa kiroldegian, Aloña Mendi A-Bera Bera Egia kadete 2 aurrez aurre izango dira eta lehenengo urteko taldeak Elgoibargo Olaizaga kiroldegian, 11,30etan Casa Astigarraga Elgoibar taldea zain izango du.

22 Urria 2011

Bera Bera Eskubaloiko piboteak Dara Carvalho eta Antonella Mena Brasil eta Argentinarekin jokatuko dute Mexikoko Guadalajara hirian ospatzen ari diren Joku Panamerikarrak. Londreseko Joku Olinpikoetan parte hartzeko txartela emango duen partida urriaren 24an, astelehenean goizeko 3etan jokatuko da. Finalerdietan, Brasil Mexiko gainetik pasatu zen 43-13. Dara Carvalhok 12 minututan hiru gol egin zituen. Argentinari askoz gehiago kostatu zitzaion Republika Dominikana menperatzea, gol bakar batez egin baitzuen 19-18. Antonella Menak ia partida osoa jokatu zuen eta bi gol sartu zituen. Teoriaz, brasildarrak favorito dira urrezko domina lortzeko eta, era berean, Londresera bidaiatzeko datorren urtean. Bestalde, Eli Pinedok bihar Suizan jokatuko du Europeoa jokatzeko aurreko faseko bigarren partida. Pasa den ostegunean, Espainiak 27-22 irabazi zion Islandiari. Eli Pinedok defentsan egin zuen lan ona.

21 Urria 2011

Bera Bera Egia infantil A taldeak irekiko du biharko jardunaldia. Bidebietan, 10,30etatik aurrera, CDB Leizaran taldea jasoko baitu, aldiz, Bera Bera Egia infantil B taldeak 12etan jokatuko du udal kiroldegi berean Usurbilgo Udarrregiren aurka.

Ordubete beranduago, 1etan Zarautzen, Aiala ZKE eta Bera Bera Egia jubenil mailako partida ikusgai izango da Antoniano kiroldegian.

Kadeteek, igandean

Bestalde, urriak 23 igandean, goizeko 10etatik aurrera Bidebietan Bera Bera Egia kadete 1 eta Aloña Mendi A aurrez aurre izango dira eta 12etatik aurrera Bera Bera kadete 2 eta Aloña Mendi B.

Euskal Erkidego Autonomikoan datorren asteartea jai eguna denez, Gipuzkoako txapelketako beste jardunaldi bat ospatuko da.