08 Martxoa 2013

Bera Bera Eskubaloiak lehenengo urratsa emango du bihar Europako lehiaketa batean inoiz lorturiko gailurra berriro ukitzeko, 2008an bezala, Cup Winners’ Cupeko final-erdiak, alegia. Aurrean, Alemaniako Thüringer HC. Norgehiagoka, Josean Gasca kiroldegian izango da bihar, partida handien kokalekua (Karina Christiansen eta Martin Gjeding -Danimarka- ETBK SAT, 17,30etan). Alemaniarrek Bundesligako azkeneko bi txapelketak irabazi dituzte eta lehengo astean etxetik kanpo kendu zioten lidergpoa Buxtehuder taldeari (16-24). Championseko multzoen fasea jokatu duten taldea da, halere, Vigorben aurkako bi partidak eta Buducnost txapeldunari irabazi arren, Main Round delakoan lekurik ez zioten utzi. Horregatik, Reyes Carrere entrenatzaileak ez du zalantza izpirik “garbi adierazteko faboritoak direla”. “Intentsitate handiko taldea da eta jokalari asko erabiltzen ditu” ohartarazi du Carrerek “ondorioz, lan asko egin beharko dugu bihar” aipatu du. Pilaturiko neke agerian izan arren –Bera Berak Alacanten jokatu zuen asteazkenean eta gauez egin zuen Donostiara bidaia- Reyesek dio “biharko helburua emaitza on bat lortzea da”. “Atseden gehiago izatea nahi genuke baina partida irabaztera aterako gara” azpimarratu du. “Kanporaketak pasatu ahala, geroz eta zailago da” aitortzen du. Datorren asteazkenean Elche Mustang taldearen aurkako partidaz galdetuta –liga erdia jokoan izango da Donostiako Bidebietan (19etan)- Reyes Carrerek adierazi du “bihar dugu partida” aitortuz, era beran, “lehentasuna liga da eta Elche gainditzea”, halere, Vistal Laczpol taldearen aurkako partidan izan genuen motibazio berarekin joango gara Gascara eta datorren astean Alemanian, guztia emango dugu, baldin eta zerbait geldituz gero” hasperen egin du.

07 Martxoa 2013

Bera Bera Eskubaloiak Grupo Gisma aholkularitza enpresa denboraldi amaiera arte babesle gisa aurkeztu du gaur goizean. Ekitaldian klubeko eskubaloi arduradun Tati Garmedia eta Grupo Gismako gerente Gorka Sedano.

Aurkezpenean Tati Garmendiak aipatu du pozik dagoela “garai hauetan eskubaloiara enpresa bat erakartzea oso zaila delako”. Sedano, bere aldetik, “Bera Bera Eskubaloiak zabaltzen dituen baloreak” goraipatu ditu, “Grupo Gismak bat egiten dituelarik”.

Donostian kokaleku nagusia duen aholkularitza enpresan batez ere hiru esparrutan egiten du lan, kalitate, ingurugiro eta laneko arriskuen prebentzioan sistemen inplantazioa; aplikazio eta informatika trensak eta dirulaguntzen eta subentzioan kudeaketa”.

Garmendiak adierazi du “zerbitzuen kontraprestazioa da”. Horrela Grupo Gisma marka txertatuko du Bera Berak prakatan eta proiekzio horren truke Grupo Gismak Bera Beraren kudeaketa hobetzen lagunduko du eta baliabide berriak sortzen.

Horrela, Bera Berak larunbat honetan estrenatuko ditu prakak, hau da, Cup Winnners’ Cupeko final-laurdenetako joaneko partidan, Bera Berak Alemaniako txapeldun eta egungo lider Thüringer hartuko baitu Gascan.

Garmendiak eta Sedanok elkarri zoriondu diote eta datorren denboraldia hitzarmena luzatzeko edo zabaltzeko aukera utziz.

Kudeaketan hobetzeko joera hau ez da berria Bera Beran. Izan ere kluba izan zen aitzindari Gipuzkoako Foru Aldundiak abian jarri zuen ekimenean. Lehenengo fasean ISO 9001 dituen irizpideak barneratzen, 2004. urtetik aurrera. 

Ostean , 2008tik hona, 3K programaren bidez, kirol entitateen kudeaketa hobetzeko proiektuarekin, alegia. Hiru Foru Aldundiaz gain eta Euskalitek EFQM kudeaketa sistema garatzeko lehenengo urratsak eman ditu. Izan ere, Foru Aldundiak ezarritako hiru mailak gainditu ditu eta lehengo abenduan Euskalitek Bikaintasunarekin Konpromisoa Diploma eman zion.

06 Martxoa 2013

Bera Berak Alemaniako txapeldun Thüringer HC taldearen aurkako martxoaren 9 eta 17an Cup Winners’ Cupeko jokatu behar duen kanporaketa dela kausa ligako 18. eta 19. jardunaldiak aurreratu behar izan dira. Horregatik, Bera Berak atzo Alacantera egin zuen bidaia, gaur iluntzean (20,30etan, Roberto Carlos Mendoza y Juan Pablo Visciarelli, Andaluzia) CD Agustinos pabeiloian Mar Alicante izango baitu aurrean. Donostiarrek azken hilabetean izandako bolada onari jarraipena eman nahi diote eta ligan 12. partida segidan irabazi. Horretarako, Kanarietan Rocasaren aurrean hasi zuten intentsitate handiko defentsa errepikatzea garrantzitsua izango da, izan ere, azkeneko sei partidatan jaso diren gol kopuruen bataz bestekoa ez da 19 goletara iristen eta hori da Bera Beraren arrakastaren gako nagusia. Aurrean, sailkapenean azken aurrenekoarekiko aldea zabaltzeko beharretan dagoen aurkaria. Mar Alicanteren eraso jokoan Anabel Mateo eta Marizza Faria dira erreferentziak, azken honek ez zuen Bidebietan jokatu, Bera Berak aise irabazi zuen partidan Vero Cuña lesionatu zen egunean. Partida ostean taldea Donostiara itzuliko da, bihar arratsaldeko 5etan entrenatuko da, ostiralean 10,30etan Bidebietan txipa aldatzeko eta Thüringer hizpide izateko (larunbatean, 17,30etan Josean Gasca).

06 Martxoa 2013

Bera Bera Eskubaloiak bigarren zatian estutu behar izan du Mar Alicante 24-28 irabazi ahal izateko, asteburu honetan donostiarren Europako kanporaketa dela eta aurreratu den norgehiagokan.

Hasiera hasieratik aldapa gora jarri da partida donostiarrentzat. Anabel Mateok jaurtiketetan asmatu du eta taldea aurretik jarri du. Bera Berak tarteari eutsi dio Nitsan Dunay eta Eli Pinedori esker. Bera Berak berdinketa lortu du baina Mateori Marizza Faria jokalaria gehitu zaio. Mar Alicantek lehenengo zatian sarturiko 15 goletatik, 13 egin dituzte bien artean.

Bigarren zatian, Reyes Carrerek Marizza Faria estu lotzea agindu du eta asmatu egin du, Mar Alicanteren erasoa bloketatuz. Zoqbi atepean, 20 minutuetan bost gol besterik ez dute lortu eta Bera Berak aprobetxatu du , batez ere, Adriana Castro eta Matxalen Ziarsoloren bitartez.

Donostiarren eskarmentua, prestakuntza fisikoa hobea eta baliabideen aniztasunak eman dio Bera Berari behar zuen kemena bigarren zatian partida iraultzeko eta azkeneko minutuetara sei goleko tartearekin kudeatzeko, partidaren zailtasuna adierazten ez duena.

Bi puntu gehiago liga eskuratzeko borrokan, 12. jardunaldi jarraian garaipena poltsikoratuz eta martxoaren 13an Elcheren aurka partida erabakiorra izan aurretik, Alemaniako txapeldun eta egungo líder Thüringer hartuko du Bera Berak Gascan Cup Winners’ Cupeko final-laurdenetan.

Fitxa Mar Alicante 24, Bera Bera 28 Mar Alicante 24 (15+9): Tornero, Moreno, Corbi (1), Mateo (10), Vicente (2), Juárez (4), Marizza Faria (6), Marín, González, Ayllón, Gayo, Estévez (1), Torres (o.a.).

Bera Bera 28 (13+15): Yamiley, Altuna, Arizaga, Dunay (2), Núñez (2), Elorza (3) eta Pinedo (6) –titularra- Menéndez, Ziarsolo (6), Castro (5), Rubio (2), Ederra (2) eta Zoqbi (o.a.)

Epaileak: Roberto Carlos Mendoza eta Juan Pablo Visciarelli, Andaluzia Kanporaketak: Pinedo, Elorza (2) eta Rubio Bera Beratik eta Tornero eta Corbi Mar Alicantetik.

Partzialak: 2-0, 5-2. 6-6, 9-7, 11-11, 15-13 –atsedenaldia- 16-14, 18-17, 19-19, 20-23, 21-25 eta 24-28