Azken unera arte saiatu arren Bera Bera senior taldeak ezin izan zuen partida irauli Urdulizen, ondorioz, Zarautz liderra eta Berango Urduliz atzetik kokatu dira donostiarrak, partida bat gutxiago izanda. Kadeteetan, Lacturale Bera Berak amore eman zuen Ermuan eta Herrería Bidebieta Bera Berak kadete mutilek Basaurin garaipena lortu zuten.
Gipuzkoako txapelketetan, kadete neskak, jubenil eta infantil mutilak, sendo.
Atarrabiako Hermanos Indurain pabilioian gaur arratsaldean jokatutako partida serio batean, super amara Bera Bera garaipenaren bidera itzuli da (20-29) kontrolpean izan duen norgehiagoka, Atticgo Elx eta Costa del Sol Malagaren arrastoa jarraituz.
Imanol Alvarezek hedabideen aurrean egin duen agerraldian aitortu duenez, “orain erronka bakarra garaipena lortzea da”, liga erregularreko lehen postua lortzeko lehian jarraitzeko, nahiz eta onartu “orain ez dagoela gure esku”. “Bi berdinketa jarraian izan arren hor gaude”, Elxetik puntu bakarrera eta Granolllersi asteazkenean irabazi zion Malagatik bi puntura. Horregatik, bihar Atarrabian Replasa Beti Onaken aurka jokatuko duen partida “beste aukera bat bezala” ikusten du, “gauden tokian gaudela borroka bizian jarraitu behar dugu”.
Gipuzkoako Foru Aldundiko Kirol Departamentuak Carmen Adarraga 2024 saria Tati Garmendiari ematea erabaki du, eskubaloiko jokalari, entrenatzaile eta zuzendari gisa egindako ibilbide bikaina osatzeaz gain, kirolean berdintasuna sustatzeko eta emakumeen talentuaren alde egiteko konpromisoagatik ere, eliteko kirolarien lehiaketa-baldintzak duinduz.
Iñauteriak igarota, Bera Bera Eskubaloiko harrobiko taldeak lehiaketara itzuliko dira asteburu honetan. Lehengo astean garaipenak lortu zituzten senior eta kadete nesken taldeak Euskal ligan eta larunbatean Urdulizen Bera Bera senior taldeak erronka zaila du hirugarren sailkatua den Berango Urduliz taldearen aurka.
Euskal ligan, Bizkaian ere arituko dira Herrería Bidebieta Bera Bera taldea larunbat goizean Basaurin eta Lacturale Bera Bera kadete taldeak, Ermuan arratsaldean.
Gipuzkoako txapelketan, Bera Bera Urdina kadete taldeak Bidebietan Ordizia hartuko du larunbat goizean eta jubeniletan, Lacturale Bera Berak Elgoibar eta Herrería Bidebieta Bera Berak Saieko.
