Zazpi egun borobilak. Pasa den igandean Gaskan bizi zena harrigarria izan bazen ere, garrantzi handiko garaipenak lortu ditu aste honetan Bera Berak Lizarran eta gaur ilunabarrean Etxebarrin. Bera Bera Eskubaloiak beste urrats bat eman du Liga eskuratzeko markagailuak adierazten duena baino partida trakets batean.
Bera Bera, horrela, datorren astean Galizan ospatuko den Kopara lidergoan iritsiko da.
Donostiarrek ez zuten erasoan Kukullagari aukerak eman. Hasierako 0-2 irudikeria sortatu zen, Bera Bera erasoan baloiak galtzen hasi zelako eta jaurtiketa garbiak Leire Garcia atezainak urruntzen zituen.
Horrela, Kukullaga 5-2 aurretik jarri da, Bera Beraren erasoan itzalita. Kasu hauetan, defensa eta kontraerasoa eta emaitza eman du, batez ere, Matxalen Ziarsoloren inspirazioa lagun. Donostiarrak pixkanaka pixkanaka gerturatu dira: 5-4, 7-6 eta atsedenaldian abantail txiki bat lortu dute (10-12).
Bigarren zatiaren hasieran Kukullagak partida berdindu arren, Castro eta Ederra jokalarien golei esker Bera Berak tartea berreskuratu du. Hortik aurrera, Bera Berak bide zuzena jarri du eta kontraerasoen uholdea etorri dira bi aldetatik, batez ere, Matxalen Ziarsolok eta Adriana Castrok gauzatu dituztenak, izan ere, biek batera 18 gol sartu dituzte.
Partida joan ahala, donostiarren abantaila handitzen zihoan (13-21) baina hiru kanporaketa ia jarraian jasan izan du Bera Berak. Kukullaga orduan 21-25 hurbildu da baina azkeneko bi minutuetan abantail handiena eman dio Bera Berari.
Fitxa: Kukullaga 21, Bera Bera 29
Kukullaga 21: (10+11): García, Mariya (3), Bayón (2), Echabe, Elizegi (5), Nogales (5), Azaola (2), Azkona (4), Rodríguez, Fernández, Sanchez, Castaños eta Vales.
Bera Bera 29 (12+17): Yamiley, Altuna, Elorza, Menéndez (1), Rubio (2), Núñez y Ziarsolo (10, 1p)–titularra- Castro (8), Dunay (1), Pinedo (4), Ederra (3) eta Zoqbi (o.a.).
Epaileak: Rodríguez eta Portela (Galiza):
Kanporaketak: Menéndez, Elorza, Ziarsolo, Pinedo eta Dunay Bera Beratik eta Mariya (2), Nogales (2) eta Azkona Kukullagatik
Partzialak: 0-2, 5-2, 5-4, 7-6, 9-10, 10-12 –atsedenaldia- 12-14, 14-17, 15-20, 16-23, 20-25 eta 21-29
Bera Bera Eskubaloi taldeko Matxalen Ziarsolo eta Libe Altuna kapitainak, Olinpiadetan domina lortu zuen Patri Elorza lagun, Donostia Ospitaleko Pediatria Unitatean ospitaleratuta dauden gazteak bisitatu zituzten atzo arratsaldean.
Bera Berako hiru jokalariak, Komunikazio Unitatea arduradun Marian Vazquezek eta Pediatria Unitateko langileak zuzenduta hamabiren bat gelatik pasatu ziren, non 3 eta 14 urte bitarteko gazteak sendatzen ari diren.
Matxalen, Libe eta Patrik bi opari eraman zituzten, Kukuxumusu katilu “fundamentuz gosaltzeko” eta txalo egiteko tresna “erizainei deitzeko” Maite, Ane, Ihintza, Rania, Javier, Beñat edo Julenek irria ateratzen zuelarik. Azken honek, Julenek, aitortu zuen “eskubaloia futbola baino gehiago gustatzen zait” Bera Berako jokalarien gozamenerako.
‘Mediku’ bisita bat izan zen baina oso aberatsa bai gazteentzat, bai guraso nahiz Pediatria Unitatearentzat eta Bera Berako jokalarientzat ere bai. Hauek Ligan, Kopan eta Europan dituzten erronkei begira “guztia ematen” agindu zuten.
Asteburu honetako partidarik interesgarriena Elgoibarren jokatuko da. Azken jardunaldian Senior mailako Egia Bera Bea eta Tecnifuelle Elgoibar lidergoa izango dute jokoan, liderra eta bigarrena izango baitira aurrez aurre. Mauge Gezalak zuzentzen duen taldeari berdinketa bat balio dio. Partida, Olaizaga kiroldegian 18etan hasiko da.
Bera Bera Egia infantil Bi izan ezik, gainontzeko taldeak etxetik kanpo arituko dira. Maria Graciaren taldeak Gipuzkoako txapelketako hurrengo faseari ekingo dio, aurreneko fasea irabazi ostean. Igandean 12etan Paco Yoldin Pizzeria Marina Pulpo KE hartuko du.
Maila honetako beste taldeak Egian izango du hitordua larunbatean 16,45etan Egia Bera Bera taldearen aurka Foru Aldundia txapelketan.
Bestetik, Bera Bera Egia kadete taldean Urnietan jokatuko du bertako Mecanizados Kamox taldearen aurrean, larunbatean 16etan.
Euskal ligan, jubenil mailako taldeak Zarautza abiatuko da Aiala Zarautz KE taldearen aurka aritzeko Aritzbatalden 12etan. Eta Bera Bera Egia kadete Barakaldon, Zuazon aurka Lasesarren igandean 12,30etan.
Lehengo asteazkenean Itxakoren aurka lortutako garaipena ostean, Bera Berak berriro etxetik kanpo ekingo dio ligako 16. Jardunaldian. Oraingo honetan bihar larunbata (20etan, Martín Rodríguez eta Daniel Portela, Galiza) Etxebarrira abiatuko da Kukullagaren aurka jokatzeko, ohiko ideiarekin ez da liga irabazteko partida, galtzeko baizik.
Sailkanpenak ez dio Bera Berari tarterik uzten. Kopari ekin baino lehen eta Bidebietan aurkari zailenak hartu aurretik, donostiarrek garaipena nahi dute Kukullagaren aurka, Alcobendas eta Rocasari puntu bana kendu dien taldea.
Kanariarrak líder partidarik galdu gabe agertu ziren Etxebarrin eta berdinketak Kopako txartela eman zien bizkaitarrei aurreneko aldiz.
Bera Bera Lizarrerian aurkeztu zuen talde berarekin egingo du bidaia. Hainbat jokalari min hartuta daude, besteak beste Eider Rubio eta Patri Elorza, honek oinean faszitis delakoa du, helere Reyes Carrere eta Martin Larrañagaren esanetara daude.
Bera Bera Eskubaloiak Gaskan hasi zuen ibilbidearekin jarraitu du Lizarrerian eta lehenengo minututik Itxakori mezu bat bidali dio, ez zuen ajerik eta ahalik eta azkarren tartea zabaldu nahi zuen markagailuan. 17-32 zalantzarik ez du adierazten eta Bera Bera sailkapen burua da.
Izan ere, Maestrok zaintzen zuen sarean amaitu dira Bera Berak bidalitako lehenengo baloiak. Itxakok penaltiz eusten zion (10. Min. 4-6) baina ezin zuen donostiarren 5-1 defentsarekin. Lehenengo lerroak Núñez, Ederra eta Elorzarekin topo egiten zuen, jaurtiketak blokeatuz eta Yamileyren urrutzen zituen.
Ederrak sartutako bi golek bidea zabaldu dute eta ondoren Pinedo eta MAtxalen Ziarsoloren kontraerasoak iritsi dira (12. min. 5-12) atsedenaldirarte jarraitu direnak (9-16).
Eta ez dira gelditu ondoren. Bigarren zatian donostiarren lehenengo golak hórrela iritsi baitira, kontraerasoetara ZIarsolo, Pinedo eta Altunak gauzatuak, 20. min 11-19 ezarriz. Ondoren, María Núñezi txartel gorria atera diote baina Bera Bera berdin jarraitu du, defentsa sendoa, atean ondo eta kontraeraso zitala.
Garaipen honekin, jardunaldiari amaiera jarri dio Bera Berak lidergoan, Elche Mustang taldeak baino puntu bat gehiago duela. Larunbatean beste bidai laburra, Etxebarrira non Kukullaga izango da zain (20etan).
Bera Berako jokalariak Itxaso Egañari oparitu diote garaipena, izan ere, Bera Berako jokalari ohiaren Miguel aita zendu baitzen.
Fitxa Itxako 17, Bera Bera 32
Itxako Navarra 17 (9+8): Maestro, Sifuentes (1), Vera do Carno (4), Arrechea, Flores (5), Varea (1) eta Barrios (2) –titularra- Jiménez (1), Tornero (2), Urdiain (1), Goñi eta Feutchmann.
Bera Bera 32 (16+16): Yamiley, Castro (2), Rubio (2, 1p), Menéndez (2), Ederra (5), Elorza (2) eta Pinedo(7) –titular- Núñez (1), Altuna (2), Dunay, Ziarsolo (8), Zoqbi (p.s.) eta Arizaga (1).
Epaileak: Ion Bustamante (Nafarroa) eta Javier Álvarez (EAE)
Kanporaketak: Pinedo, Núñez, Dunay, Rubio; Núñez, gorria (44 min.) eta Arrechea eta Feutchmann (2) Itxakotik..
Partzialak: 3-3, 4-6, 4-8, 5-11, 6-16, 9-16 –atsedenaldia- 9-18, 11-20, 13-22, 14-24, 16-29 eta 17-32.
