21 Abuztua 2012

Iazko abenduan Bera Bera Eskubaloiak eta Lagun Aro Gipuzkoa Basket taldeek elkarrekin egindako egutegia aurkeztu zuten Donostiako Aquariumean ondoren pistan erakutsi ziren baloreak zabaltzeko asmoz. Egutegiak zorte ona ekarri zien bi taldeei, izan ere, maila handiko lorpenak lortu zituzten lehenengo aldiz, Bera Bera azpitxapelduna izan zen eta Champions League Europako goreneko txapelketan arituko da aurten; Lagun Aro GBC taldeak, berriz, Errege Kopa ez ezik titulua lortzeko Play-offa ere jokatu zuen. Zaila da iaz Bera Berak eta GBCk gauzatu zituzten taldeak berriro ikustea, laster hasiko den denboraldiari begira aldaketak eman dira batean eta bestean. Horrela, interesaturik dagoena Bera Bera Eskubaloiko Bidebietako kiroldegiko bulegoko pasa daiteke (Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.) eta hiru eurotan izango du eskuragarri egutegi historikoa Bea Fernández, Dara Carvalho, Anna Punko, Andy Panko, Sergi Vidal dira, besteak beste, beste taldeetan arituko direnak, aldiz, Donostian jarraituko dute Matxalen Ziarsolo eta Javi Salgado kapitainek, Eli Pinedo, Eider Rubio, Raúl Neto, David Doblas, Libe, Alba, Nagore, Yamiley, Verónica, Darly...

20 Abuztua 2012

Gaur goizean, kadete, jubenil eta senior mailako jokalariak Anoetako miniestadioan bildu dira aurredenboraldia hasteko asmorekin. Harrobiko koordinatzaile Veronica Valverderen deialdiari 27 jokalariek erantzun diote, denboraldiko lasterketa zaileenak gauzatzeko. Mauge Gezala eta Maria Gracia entrenatzaileak ere bertan izan dira. Gutxi gorabehera 50 jokalarik osatuko dute Bera Berako aurtengo harrobia, Egia taldearekin hitzarmena berritu delarik. Horrela, erronka interesgarriak izango dira, izan ere, kadete eta jubenil taldeek Euskal Ligan arituko dira eta senior mailako taldeak Seniorrean. Lehiaketa irailaren bukaeran jarriko da martxan.

17 Abuztua 2012

Bera Bera Eskubaloiak lagunartekoen sorta ireki du gaur arratsaldean Zumaiako Lubaki kiroldegian BM Castro Urdiales aise gaindituz 30-19, kostaldeko udalerri honetako Pulpo taldeak antolatzen duen 34. Txapelketan. Eli Pinedo eta Patricia Elorza olinpikoak izan ezik, lau fitxaketa berriekin aurkeztu da Bera Bera, María Núñez eta Silvia Ederra piboteak, lehenengo lerroan arituko den Nitsan Dunay eta hegal ezkertiarra Doce Cardoso. Horrez gain, abuztuaren 1etatik entrenatzen ari diren gazteen multzotik Uxue Ezkurdiak minutu batzu jokatu ditu. Reyes Carrerek María Núñez pivotean, Altuna eta Ziarsolo hegaletan, Cuña erdian, Menéndez eta Dunay lateraletan eta Zoqbi atean. Isralderra aurrean defendatu du 5-1ean, bigarren zatian maila hobea emanez. Lehenengo zatian azpimarragarriena Matxalen Ziarsolo kapitainaren bederatzi golak izan dira, horietatik, hiru zazpi metroetatik. Eta bigarren zatian, beste hiru sartu ditu, dozena bat golekin atera da ezker hegala Zumaiatik. Eta bigarren zatian, Darly Zoqbiren txanda izan da, geldiketa izugarri onak eginez. Reyes Carrerek kanpoko jokalari guztien artean banatu ditu minutuak, bero handia egin arren, abiadura eman nahi izan dio Bera Berak partidari. Hurrengo lagunartekoa ostegunean izango da Bidebieta, arratsaldeko 6etan, Frantziako Beglais taldearen aurka. Bera Bera (17+13): 30 Zoqbi, Altuna (2), Ziarsolo (12, 3p), Menéndez (2, 1p), Cuña (6), Dunay y Núñez (3) –titularra- Rubio (1), Arizaga (2), Cardoso (1), Ederra (1) eta Ezkurdia Castro Urdiales (9+10): 19 Carini, Andrea Fernández (1), Gracia (5), Costales (2), Cobo (3), Hernández (1) y López (6) –titularra- Aisa (o.a.), Paula Fernández eta Vilella (1). Epaileak: Amaia Barrena eta Mónica García (Euskaldunak) Menéndez (2), Ezkurdia eta Rubio kanporatu dituzte. Partzialak: 2-0, 6-1, 8-4, 12-6, 13-8, 17-9 –atsedenaldian- 19-11, 20-12, 22-14, 24-18, 26-19 eta 30-19

16 Abuztua 2012

Entrenatzen hasi zirenetik 16 egun pasa direnean, Bera Bera Eskubaloiak bihar, abuztuak 17 ostirala, izango du aurreikusitako bost lagunartekoen aurrena. Zumaiako Lubaki udal kiroldegian izango da, arratsaldeko 7etan eta Castro Urdiales taldea izango da aurkaria.

Partidak jokatzeko irrikitan daude jokalariak, duela bi aste baino gehiago hasi baitziren saio neketzekin, goizean prestaketa fisikori lehentasuna emanez eta arratsaldean, pistan.

Bera Bera berria ikusgai izango da Castro Urdialesen aurkako aurreneko lehian. Bizkar hezurra mantendu arren, Reyes Carrere entrenatzaileak jokatzeko era zedozer aldatu behar izango du.

Biharko partidak fitxaketa berriak ikusteko aukera emango digu, María Núñez eta Silvia Ederra piboteak, Nitsan Dunay laterala eta eskuin hegal ‘Doce’ Cardoso. Patricia Elorza laterala, Eli Pinedo bezala, abuztuaren 27an hasiko da taldean.

Bidebieta

Hurrengo bi lagunartekoak Bidebietan izango dira, abuztuaren 23 eta 25ean. Ostegunean, Frantziako Beglais taldea izango da aurkaria (arratsaldeko 6etan) eta larunbatean (arratsaldeko 5,30etan) ohorezko mailara igo den Zuazo Barakaldo taldea.

Egiako txapelketa

Horrez gain, Frantziako Mios Biganos taldearen aurka bi norgehiagoka jokatuko ditu Bera Berak. Mireya Gonzalez fitxatu duen taldea Egiako txapelketan izango da arerioa abuztuaren 30ean eta frantziarren Bera Bera hartuko du irailaren 5ean.

Argazkian: María Núñez, Doce Cardoso eta Nitsan Dunay