Asteburu handia Bera Berako taldeentzat: igandean euskal lehen mailako finalaurrekoak Anoetan, Espainiako Txapelketa Valladoliden S16koentzat, denboraldiko azken partida Ohorezko B Mailako mutilek, nesken partida Amorebietan, S18 Gernikan eta eskola Puion... asteburu borobila.
Larunbatean 16:00etatik aurrera jokatuko du Gesalaga Okelan Gipuzkoa Sortzenek Ohorezko B Mailako azken partida Astin (Zarautz). Joan den asteko liderraren aurkako garaipenaren ostean, Fran Puertasen taldeak garaipenarekin eta puntu boanusa lortuz amaitu nahi du denboraldia. Aurrean, talde fisiko eta borrokalaria izango dute: La Única.
Lehen mailako gizonezkoen taldea azken uneko sailkapenarekin iritsi da finalaurrekoetara. Talde gazte eta etorkizuneko honek Elorrio izango du aurkari igandean 11:30ean Anoetako miniestadioan. Lehen itzulian irabazi zuten eta berriz ere lortzen saiatuko dira.
AVK Gipuzkoa Sortzen emakumezkoen taldeak denboraldi amaierako joko bikainarekin jarraitu nahi du. Larunbatean 11:40etan Amorebietan jokatuko dute, aurkari gogor baten aurka.
AVK Bera Bera S18 taldea Gernikara bidaiatuko du larunbatean 12:00etan Urbieta zelaian jokatzeko. Denboraldiaren amaiera borobila egiten ari dira.
AVK Bera Bera S16ko neska-mutilek Espainiako Txapelketa jokatuko dute asteburu honetan Valladolid-en. Multzo fasean Santboiana, Marbella eta Valencia RC izango dituzte aurkari. Esperientzia ahaztezina eta aukera paregabea Espainiako talde onenekin lehiatzeko.
Bultz Bera Bera rugby eskolak entrenamendu gogorra eta ireki bat egingo du igandean 9:30etik aurrera Puion. Zatoz errugbia ezagutzera!
